اللي ما يعرف قصة مطوع بريدة يدخل!!

[size=21]أبو صالح وأبو راشد قاعدين يطالعون الأخبار في بلدتهم بريدة في القصيم بالسعودية.

أبو راشد: وش قاعد تفكر فيه يا بو صالح؟

أبو صالح: أفكر بهالدين العظيم اللي انتشر من أقصى الأرض الى أقصاها. ناظر هالمسلمين الصينيين.

- والله أنك صادق يا أبو صالح.

- بس ترى هذول ما يعرفون من الدين الا القشور. طبايعهم زي الأجانب، بس يصلون. المسلمين الصدق هم العرب اللي يفهمون القرآن والأحاديث.

والله أنك صادق يا أبو صالح.

- وبعد ترى موب كل العرب مسلمين صحيحين. عندك هالشوام والمصاروة والمغاربة
والله حتى ما يصلون صلاة ربي. ان بغيت المسلمين الصدق تراهم أهل الجزيرة
والخليج.

- والله أنك صادق يا أبو صالح.

- وموب بعد كل الخليج. ترى كل هالدول تسمح بالخمر وبالكنايس، الدين الصدق هو ديننا حنا يا أهل السعودية.

- والله أنك صادق يا أبو صالح.

- بس عندك بعد أهل الشرقية حريمهم ما يغطون وجيهم، وأهل الغربية حريمهم بعد
ما يتغطون ويشيشون، وأهل الشمال حريمهم ما يتغطون عن رجالهم ويجلسون معهم
ويضيفوهم. وأهل الجنوب مثلك خابر عندهم بدع واجد. الدين الصدق موجود هنيا
عندنا في الوسطى والقصيم.

- والله أنك صادق يا أبو صالح.

- بس ترى عندك هنا في الوسطى الناس يتتنون (يدخنون) ويسمعون موسيقى والعياذ بالله. الدين الصدق هنيه ببريدة.

- والله أنك صادق يا أبو صالح.

- بس بعد بريدة موب كل حارة زي الثانية، ترى أكثر أهل بريدة مركبين دشوش ويشوفون القنوات الماجنة. ما فيه مثل حارتنا ولا دش واحد.

- والله أنك صادق يا أبو صالح.

- بس الله يهديهم الجيران موب دايم تشوف عيالهم في المسجد، ولا تشوفهم دايم
في صلاة الفجر. الصراحة يا بو راشد ما فيه في الحارة يصلون الفجر دايم في
المسجد الا أنا وانت.

- والله أنك صادق يا أبو صالح.

بس أشوفك يا بو راشد هالأيام ما تخشع زين في صلاة الفجر!!!

***
هههههههههههههههههه

منقوول

[/size]

هههههههههههههههههههههههههههههههههههه

- والله أنك صادق يا أبو صالح.

ههههههههههههههههههههههههههههه

مشكورهـ

ههههههههه

منووره..~

ههههههههههههههههههههههههههههههه
اننا منن بريدهه هعع
وهه لباننا بريده هههههههههههههههههههههههههههههههه
يسسلمو وتمم اللايكك
_

мἶṩṩ ʀὄḋყ كتب:: ههههههههههههههههههههههههههههههه
اننا منن بريدهه هعع
وهه لباننا بريده هههههههههههههههههههههههههههههههه
يسسلمو وتمم اللايكك
_

» اللي يحب طيف الزهراني يدخل
» للمجانين فقط العاقل لا يدخل
» للي ما يعرف ماجـــد ايـــوب
» لكل من لا يعرف قيمة هذا الرقم
» الكل يدخل :)!