اسئله ترفع الضغط

أسئلة ترفع الضغط :

1 - لما يشوفونك منسدح و مغمض
يسألونك بتنام ؟
لا بحاول أموت !

2 - ماخذ جهاز اللاب توب للوكاله
يسألونك يبيله تصليح ؟
لا طالع أمشيه !

3 - لما تطلع و بره مطر
يسألونك طالع بهالمطر ؟
لا ، بطلع بالمطر اللي وراه !

4 - لما تقوم من النوم
يسألونك ، قمت ؟

لا للحين نايم !

5 - يدقون على تلفون البيت
يسألونك وينك؟
بالسوق و ساحب البيت معاي !
6 - يشوفونك طالع من الحمام مبلل
يسألونك متسبح ؟
لا طالع من البحر !

7 - واقف عند الاصنصير بالدور الارضي
يسألونك ، صاعد ؟
لا ناطر الدور ينزل لي

8 - قاعد تتكلم تلفون
يسألونك،تتكلم بالتلفون ؟
لا أصور مع السماعه
انت الحين بغرفتك منسدح بفراشك ومطفي النور فجأه يخش عليك
اخوك او اختك ويفتح الباب ويقولك بتنام ؟!! (لا برقص - اكيد بنام !!)
---------
انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- (هااا بتطلع !! (لا بجرب الباب زين ولا لا
الصراحه سؤال خطير !!
----------
انت قاعد بغرفتك وماسك الكتاب قاعد تدرس .. يخش عليك واحد من اهلك يقولك
(هاا قاعد تدرس !! (لا افرش اسناني !! يعني ماسك الكتاب شسوي اكيد ادرس)
-----------
انت دحين بالكافيه صدفه شفت واحد من الربع او الاهل .. قالك هاا شتسوي هنا !!
(ابيع مويه) !! لا تعليق
--------------------
لا وتعالو شوفو قنواتنا العجيبه اهما واسئلتهم !!

مثلا بالعيد بيقابلوا واحد من الناس شوفو الحوار :-

المذيع :- مرحبا عرفنا على أسمك ؟

المواطن :- فلان الفلاني . . . . .

المذيع :- اش تقول لأهلك بالعيد ؟ ! ! !

المواطن :- أقولهم كل عام وأنتم بخير . .

(( لا بيقول لهم : منه المال ومنها العيال))

يعني السؤال تحفه والمذيع ومعد البرنامج اتحف على هالسؤال
------------------------
والأسخف من هالبديهيات اللي تضيع وقتنا إذا قابلو الاطفال , , ,

يقول المذيع للطفل :- أنت تحب ماما وبابا ! ! !

(( لا احبك إنت ووجهك)) سؤال غبي الصراحه !!

----------------
برنامج مسابقات على الهوا :-

المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك
(يعني انت داق علشان تشارك ليش تستأذن !! من زود الأتكيت يعني)
--------------------

يعني اسئله غبيه مثل هالاسئله ماشفت

يالله في أمان الله والله يحفظك من الأغبياء!

لحظة نسيت أسألك: قاعد تقرا الرسالة ألحين؟؟

ج: لا قاعد أخيط جزمتي!!

هههههههههههههه

يالله ردودكم