الشعر الجنوبي

السلام عليكم ورحمة الله وبركاته

هذه القصيده شعبيه جنوبيه للشاعر رمضان باعكيم من قهره من ظلم الاحتلال الدحبااشي

لا ما رفـع نفسـة وشل قشـه وسافر في عـجـل
با يخــترب عشة وبا تبكي عليه أم العيـــــال


يهــل الخــبر والعلــم غلــق راس مالي والوسل
لاكن عاد العــز والناموس عندي راس مــال

دحبـاش شل التـمر والزيـتران مرة والجحـــل
وحـــدها عا القـل واصبـح حالها يا خس حال

مـن مخــولت دحباش عانـينا خـلل يتـبع خلـل
ولــو غلــقو لخوال يادحباش مادعيناك خـال

لأنك حـرامي والحرامي شهر ما شوع وهــل
وانا الجنــوبي شهري التاريخ في القبلة هـــلال

لاالنصب تاريخي ولا السرقة ولالي في الحيل
وأنته بدمـك تسري السـرقة وساسك الاحــتيال

ما باك ولـد عمي ولا لك في بلادي شي محـل
لا تحــسب أنك باتضل في ارضنا ساكن وحـال

قبّض على نفسك رجع لأرض الرداعي والقطل
هذي النهــاية ان قصربك امرها وأن كان طال

وبعـد يا الهاجس دخل حمل جمل فــوق الجبـل
وأنشــد على الشركات لي حلت شناطيب الجبال

ونهـبو البــترول مـن أرضي خبـيثـين العمــل
وعيـالنا في ســاه في الشــركة مالحقـوا عـمال

كل الوضايف قســم صنعاء الشـيابه والسـقـل
وعـيالـنا فـوق الـدكـك على حــكا قيـل اًوقــــال

باطـل ومنــكر والذي سووه مــضمونه بطـل
و الـوحدة الغلطة الكبيرة لأنها ســاس البـطـال

والسـلك لي شبوكه من اربعةوتسعين فصــل
والشعــب كل ما بغى الوحـدة يـريد الانفصال

أن قـد وقع بالسلم با نوخذه يا راسي طــول
وأن مـا وقـع بالســلم بايـقـع بالبـلاجـيك الطوال

حتى الطـرق في سـاه ناظرهاتصيبة بالكسل
محـفره ومبهــذله والســيل ماشي سيـل ســال

ايضاً التعلـيم والصحــة بها نـقص وخــلل
ما شفـت مستشفى ولا شي مـدرسة كله خيال

والرزق كله منــها في ذا المحل وذا المـحل
يوكله بن علـوان لي في أرضنا ســاكن وحـال

واليوم حتى سفلـتـوا معــاد شي فيــهم أمــل
مالـت قواسمهم وســهم المحضرة تحرك ومـال

ولعاد بقبلــهم يذاء رضيو وقالو لي تعــل
صيحــوا على العطـاس هو البيض قولو له تعال

شف مـوسم الربوةشرب مرتين وبقوله سبل
والغـيث يرعــد راعـده وفـوق المخيلة والسـبال

والخـتم صلوا على النبي المعصوم من امر الــزلل
و الال و الاصحاب لي شربو من العذب الزلال

اتمنى ان تعجبكم

حلوه مشاءالله


مشكوره