البوية (مريم)والبريئة نورة

كيفكم ؟

انا سمعت قصة البويه مريم والبنت الدلوعه البريئه نوره




بسس مالقيتها بالمنتدى فحبيت أن بعض الاعضاء يقرأونها




وبعضهم قروها 

 انا قريتها إلى آخر شيء وربي تههبل 



والاهم نزلتها بالاجزاء كلهم




وأبدأبالقصه




الفصل الأول: الماضي و الحاضر

نورة بنت عمرها 15 سنة.. الي يميزها عن باقي البنات هو وجهها.. جمالها ليس كملامح ملكات الجمال.. بل أنه أجمل.. كيف؟؟

لقد سمعتم بالمقولة "الجمال الداخلي يعكس على الجمال الخارجي"

فقد أثبتت نورة هذا الشي.. هي بنت خجولة و لا تعرف كم هي جميلة.. أحيانا يخبرها بعض الناس و لكنها تظن أنهم يجاملونها.. 

هناك مشكلة مضايقتها و ما حبت تقول السبب الحقيقي اللي مضايقها..



سلوى عمة نورة: شفيج حبيبتي شاللي مضايقج؟؟؟

نورة: راح أبدأ أول يوم في الثانوية بآجر و أحس قلبي من الخوف راح ينفجر!

عمة نورة سلوى: و ليش كل هالخوف حبيبتي! مدرستج اليديدة مو مختلفة عن مدارس مصر

نورة: هذي مو الشي الوحيد اللي يقلقني..أمل و هدى يقولون إن المدارس الحكومة الثانوية متروسة مشاكل و بنات يركضون ورى المشاكل!!

عمة نورة سلوى فتحت عينها على الآخر!

"بنات يراكضون ورى المشاكل.. من وين لهم هالكلام!"نورة: مادري يا عمتي المهم.. أنا بروح أنام.. باجر أول يوم مدرسة و أبي أكون نشيطة"

سلوى: تصبحين على خير حبيبتي

نورة: و انتي من أهله عمتي.



نورة بنت درست طول حياتها في مصر.. لأن أبوها شغله هناك.. اهي شافت و تعرف كل أنواع المصايب.. فأمها توفت و اهي عمرها ثلاث سنين بس.. فكل الحنان اللي حصلته كان من أبوها في مصر.. بس أبوها لاحظ كيف هي تعيسة من غير أم تنصحها أو أخت تجابلها أو أي أحد يعطيها حنان الأم.. فقرر أن يرجع بنته بلدها في الخليج لتعيش مع أخته الكبيرة.. عمتها اللي حنانها حنان يغطي على ديرة.

نورة من النوع الهادئ.. ما تكلم أحد من غير ما يبدأ اهو بالكلام.. ما تحب تشوف أحد في عينه و هو يكلمها.. البعض يقول أنها طالعة على أمها.. خجولة و هادئة.. و الآخر يراها متأثرة من وفاة أمها.. فعمتها ما حبت الوضع.. فقامت و عرفتها على بنات الجيران.. أمل و هدى.. حبتهم من قلب لأنهم أول بنات تعرفت عليهم في حياتها و بدأت الشمس في بداية شروقها في حياة نورة..



غسلت ويها و وقفت تطالع روحها في المنظرة..

"أول يوم.. الله يعيني.. الكلام اللي سمعته من البنات خرعني"

فكرت نورة و هي تناظر روحها في المنظرة

"إنشالله يكون المنهج سهل.. هذا أهم شي"

سلوى: يلا نورة نزلي أكلي الريوق راح تتأخرين عن المدرسة

نورة: إنشالله عمتي أكاني ياية

لبست نورة قميص أكمامه طويلة و عليه المريول و ربطت حزام المريول بطريقة مرتبة

لمت شعرها البني الفاتح الطويل بربطة تناسب لون المريول و رشت رشة خنة صغيرة.. كان كل شي مرتب و 

ناعم فيها.. بس ليلحين كان فيها نوع من الوسواس



نزلت نورة و اهي تركض.. حبت عمتها و ركبت السيارة.. و بدأت تدلي السايق المدرسة.. كل ما قربت من المدرسة كل ما قلبها دق أسرع.. في مصر كانت تدرس في مدرسة خاصة تمزج فيها الأولاد و البنات و لكن شخصيتها و طبعها عمره ما قربها من أي من الأولاد.. و لا حتى البنات.. بس بسبب عمتها و تعرفها على هدى و أمل.. كانت نورة متشوقة للقاء بنات جدد.. بس ما تدري شنو راح يصيير لها في هالمدرسة اللي بتكون لها أول مرة تحط ريلها في مدرسة حكومية في بلدها...((وماتدري ان محط ريلها هاذا الي راح يضيعها باجي عمرها كله ))




نزلت من السيارة و اهيا اطالع يميين ويسار.. جنها خايفة من شي.. و بدت تمشي بين البنات و اهي منزلة راسها.. و كل ما ترفعه شوي كل ما تشوفه ويه بنات.. شافت شكثر ويهوه و كلهم ممسوحين في نظرها لأنها ما قادرة تركز.. هذي أول مرة تشوف بنات بهالعدد في مكان واحد..!!



وقفت نورة في مكانها و هي لامة إيدها واطالع الأرض و الشي الوحيد اللي حابة تسمعه اهو الجرس بدا الطابور اللي بيساعدها ان يزيل هالوحدة. المشكلة اللي زادت هم نورة هو ميولها المختلف عن ميول أصدقائها هدى و أمل.. اهي تحب الطب و كل الي تتمناه حاليا اهو أن تكون طبيبة تعالج الناس و تنقذهم من الموت..!من يوم وفاة أمها قررت هالشي.. مرض أمها و وفاتها خلها تحس بأهمية معالجة صحة الناس..عشان جذي تخصصت علمي. أما بالنسبة لهدى و أمل فهم يرون المسار الادبي أنجح هالأيام. 

كانت نورة واقفة تفكر في هدى و أمل.. 

و فجأة!!!



أنقطع حبل التفكير بصراخ بنت.. بل بنتين!!اهني نورة عبالها انهم بيموتون و حطت يدها على قلبها..! بس بالاخير طلع أنهم فقط فرحانين بشوفة بعض.. عقب العطله و ما تم لمة و ما تم بوسة إلا وصارت بينهم ..

مرة وحدة سمعت نورة وحدة تكلمها من وراها.."اللي يقول ما شايفين بعض من سنين !"

ضحكت نورة و إلتفتت وراها لتشوف من كانت تتكلم

شافت بنت طولها نفس طولها بس كانت مليانه شوي و شعرها مربوط بنفس الطريقة بس كان أقصر من شعر نورة اللي يوصل لنهاية ظهرها و البنت كان مبين عليها حبوبة.

" شفيج منصدمه منهم هههههه لا تخافين ترى كل سنة هالبنات يسوون هالحركات حتى الكل يدري أنهم يشوفون بعض كل يومين في الإجازة"

وقفت نورة مبتسمة و مستانسة بأن وحدة من البنات جات تكلمها.

" أنا أسمي العنود.. وصفي ثانيه ثنوي و انتي مبين على شكلج أن هذي أول سنة لج بالمدرسة"

"هههههه.. أنا نورة و هذي أصلا أول سنة لي في البلد كله !"

العنود: من صجج! عيل ما تعرفين ولا شي عن مدرستنا و لا أحد من البنات! 

نورة: أي والله.. أنا وايد خايفة بأن تكون المدرسة على سوء ظني.. عندي ربع نفس سني بس مدرستهم غير.. و سمعت منهم كلام يخوف!

العنود: كلام يخوف؟!ليش مثل شنو؟

نورة بصوت واطي: صج في بنات يدخنون سجاير في الحمامات من دون ما يعرف أحد؟؟!!

و تطلع العنود ذيك الضحكة العالية الي كل الي حولها تنحوا منها .. 

و تقعد نورة تتلفت وهي منصعقة لأنها أول مرة تشوف أحد يضحك جذي جدامها !!

العنود و هي تضحك: هاهاااااااااااي زين شفيج جذي توطين صوتج؟

العنود: شوفي بقولج حبيبتي.. مافي مدرسة في البلد كله ما فيها مشاكل.. و لأني حسيتج مو عارفه شي بقولج شغله ترى التدخين أقل شي لازم تخافين منه.. في سوالف أخس من جذي بوايد التدخين اهون ..!

نورة: هااااااا امبييييييه؟؟!! أخس من التدخين! شنو هذا اللي أخس من التدخين!! و ين المشرفات.. وين النااظره عن هالسوالف! أنا ما فاهمة شي امبيه هذولا شنو ؟!

العنود: و منو قال أن هالسوالف الكل ينصاد فيها.. ؟! و المشرفات أصلا يدرون بس مافي في ايدهم حيلة.. و ماكو فايدة منهم! بس انتي بتعرفين كل شي وبتشوفين جدامج كل يوم بلوه يديده..بس من المستحسن ان تكونين بعيد عنها بس هااا ديربالج ..! تقربين من بنات لهم هالسوالف.. لأن هالنوعيه على طول يفروون مخج.

نورة سكتت و اهيا متنحه !!

نورة: ما فهمت ولا شي من الي تقصدينه.؟!! أي سوالف هاذي!

العنود: أي شي ؟!!!!!

ماقول إلا الله يعينج.. شوفي إنتي بس خليج معاي و راح أفهمج اللي تبينه بعدين الحين وقت الطابور و راح نتأخرماتسوى علينا ...

 

إبتسمت نورة للعنود و مشوا ثنتينهم و الجرس طق من زمان.. وصلت العنود نورة لصفها و خلتها توقف الاول 

العنود: أشوفج بالفرصه اوكي؟

نورة: حبيتي مشكوره على كل شي ماتقصرين .. اوكي بالفرصه اشوفج.

العنود: هذا واجبي .. اخليج انا الحين بروح اوقف بصفي 

نوره: اوكي

راحت العنود و تمت نورة واقفة في مكانها و إلا تلمح بنت من بعيد خلتها ما تصدق اللي تشوفه.. امبييييه أنا أتخيل و لا \

لا شلي أشوفه!! شلون بنيه جذي بهالشكل بالمدرسة امبيه ليش؟؟؟

ترا بقى أجزاء ؛)

تسسلمي نورتي

[rtl]الفصل الثاني: أول يوم[/rtl]


[rtl]وقفت نورة تطالع هالبنيه من بعيد منصدمه ..!![/rtl]
[rtl]البنيه طولها يمكن ينقال عنه طويل و كان شعرها بوي و مسوية تسريحة صبيان شلون موقفه الشعر ومضبطه حالها .!! و مريولها كان وسيع و كانت رافعته لي فوق ركبتها ..!! القميص جافسه جمومه لي نص إيدها.. الساعة طبعا.. ساعة رجالية!! و الجوتي رياضي !! و نظارة سودة خاشة شكل عينها مومبين ويها كله بس ملامحها وشكلها على بعضها صبي..!![/rtl]
[rtl]انصعقت مكانها فجأه اطالع هالمخلوقه شنو بالضبط !![/rtl]
[rtl]إلا تشوف البنتين اللي شافتهم يصرخون الصبح...شافت منظر غريب !! .. شلون ركضت وحده منهم حق البنيه الي جنها صبي و أخذتها و لمتها ليما أرفعتها عن الأرض .!!! و البنت الثانية تطالعهم وتضحك بصوت عالي حييل ..!![/rtl]
[rtl]نورة ما فهمت اللي يصير جدامها شنو..!! بس طبعا اهي مو من النوع اللي تحب الشماتة ولا نوعيتها الي اتنح بحد وتخوزز اكتفت ان تلف ويها وماترد اطالع شيسون عقب الي شافته ...[/rtl]

[rtl]من بعد ما خلص الطابور وراحو الصفوف ركبت نورة الدري مع باقي البنات و مع الابله اللي تشرف عليهم .. كل البنات كانوا مبتسمين و يسولفون و مافي في قلبهم شي غير السوالف اللي منحوتة عليه.. أما نورة كانت الوحيده الخايفة ودايما مرتبكة.. صج البنات هذا أول يوم حقكم في المدرسة عقب العطله بس اهما كانوا يعرفون بعض من المتوسط والابتدائي او من السنه الي طافت ... حتى اللي ما كانوا مقربين تقربوا لأن الإنسان معروف عنه من بين الغريبين يرتاح للشخص اللي شايف وجهه و معتاد يشوفه.[/rtl]
[rtl]البنات دخلوا الصف و نورة وقفت برا عند الباب و اهيا اطالع البنات و اهم يقعدون على كراسيهم و اللي زاد إرتباك نورة اهو سماعها لإزعاج البنات و هم يسالفون.. فهي ما كانت تفهم اللي يقولونه بس اللي تسمعه كان خرابيط ما تنفهم و كلام ملخبط.. مرة وحدة راح التلخبط عن مخ نورة يوم سمعت..[/rtl]
[rtl]"يابنيه .!! ليش واقفة عند الباب دخلي داخل الصف!"[/rtl]
[rtl]خافت نورة لما سمعت صوت مدرستهم وداد.. اللي يبين عليها من النوع الشديد وشكلها على بعضها مبين عصبيه ..[/rtl]
[rtl]نورة: ان شاء الله بدخل ..[/rtl]

[rtl]دخلت نورة الصف و هي تمشي بكل هدوء و خفة.. بعض البنات وقفوا سوالفهم و قعدوا يطالعونها بنظرات ان منو هالبنيه؟ اول مره يشوفونها .. بس اهي مشت و قعدت على كرسي فاضي في ثالث صفة صوب الباب...[/rtl]
[rtl]ابله وداد: سكووووووت يا بنات.. يــه .! كل سوالف الصيف طلعت الحين كل وحده تسكت يلاااا شحقه معطينكم عطله عيل .؟![/rtl]
[rtl]وحدة من البنات صرخت تضحك واهي بمكانها : عطونا العطله للأكل ههههههه[/rtl]
[rtl]وقاموا البنات كلهم يضحكون على ردها للأبله ..[/rtl]
[rtl]ابله وداد: حلو حلو ضحكو بعد كملو كملو ..!![/rtl]
[rtl]اهني الابله لما قالتها بطنازه سكتوا كل البنات محد قام يضخك وبدت تتحجى[/rtl]
[rtl]ابله وداد: بنات أنا اللي راح أدرسكم عربي ومن اليوم ورايح الكل يتأدب و ما يرد علي بهالإسلوب الوقح .!! ترى على السلوك له 10 درجات واهوا أهم من المشاركة عندي.[/rtl]

[rtl]البنت سكتت و اهي تطالع الأرض.. ما توقعت ردت فعل الابله راح تكون جافه جذي ..[/rtl]
[rtl]وعقب كلام شكثره وشرح شرحته عن الماده وشتبي من البنات وهالسوالف[/rtl]
[rtl]فجأه رن الجرس...[/rtl]
[rtl]طلعت الابله و دخلت ابلة الحصة الثانيه من بعدها وكان وراها بنتين شايلين الكتب مالت المادة و كانت وحدة من هالبنتين البنت اللي كان شكلها مسترجلة ..[/rtl]
[rtl]الابله: اوكي مشكورين بنات ما قصرتوا خلو الاغراض اهني خلاص[/rtl]
[rtl]البنت المسترجلة: افا علييج تامرين على أي شي ثاني.. انا حااااضر[/rtl]
[rtl]كانت تكلم المعلمة و صوتها خشن و مبين عليه أنها دفاشه ومخشنته عن عمد و طريقة كلامها طريقة كلام الصبيان و حتى الوقفة امبيه ! وهاذا غيرتعابير ويها[/rtl]
[rtl]قبل ماتطلع البنيه من الصف نادتهااا وقالتلها[/rtl]
[rtl]"أبيج هالمره تروحين الصف بدال هالدوارة بالمدرسة.. ترى إنتي مو بمجمع عشان تفتريين..!"[/rtl]
[rtl]البنت: هههههههه.. لالا إن شاء الله عشان عيونج بس والله راح أروح الصف هالمره ..[/rtl]
[rtl]نورة تطالع هالبنيه و اهي مو مصدقة أنها بنيه بالأساس![/rtl]
[rtl]مشت البنيه المسترجلة و قبل ما تطلع من الصف إلمحت نورة واهي قاعده اطالع فيها ومتنحه مصدومه من شكلها.. فقامت البنت تبتسم لها و مبين عليها منبهرة من شكل نورة اللي يجذب..اهي ماستوعبت ان تخوزز فيها لما شافتها ابتسمت وخرت ويها[/rtl]
[rtl]صحت نورة من تفكيرها لما حذفت وحدة من البنات دفترها على طاولتها.![/rtl]
[rtl]نورة: شكرا[/rtl]
[rtl]ما ردت عليها البنت و مشت عنها..[/rtl]
[rtl]خلصت أول ثلاث حصص و كان وقت الفرصه .. كانت حاسة روحها هلكانة ..[/rtl]
[rtl]كل البنات قاموا من أماكنهم وطلعوا برا الصف بس اهي تمت بمكانها لأنها ما تعرف وين تروح في المدرسة ولا تدل شي فيها ..[/rtl]
[rtl]مرة وحدة دخلت العنود الصف و راحت عند نورة..[/rtl]
[rtl]العنود: هاااااا إنتي قاعده.؟! .. توقعت ماراح القاج .. شلون جو المدرسه؟[/rtl]
[rtl]نورة: والله شاقول لج.. من بعد ما شفت الكتب و الجدول اليومي.. تعبت نفسيتي.. حتى الابلات بعد رتحتلهم كلش![/rtl]
[rtl]العنود: أكيد لازم بعد ثنوية.. الابلات شي طبيعي متشددين أكثر.. المواد أصعب بواااايد.. و حتى تعب بالدراسه الحين لازم يكون دبل المتوسط والسنه الي طافت واذا عن سالفت البنات بتشوفين أشكال و أنواع على كيف كيفك كل يوم عاهه يديده ![/rtl]
[rtl]نورة كان بيغمى عليها من كلام العنود.. ما صدقت أن الثانوية بهالشكل![/rtl]
[rtl]نورة: بصراحة.. ما توقعت الثنويه لي هالدرجه جذي ![/rtl]
[rtl]العنود: راح تتعودين عليها مع الايام.. المهم إمشي معاي برآ الصف.. أدري إذا ما طلعتي راح تتعقدين أكثر[/rtl]
[rtl]نورة و هي قايمة من مكانها: شنو.؟! منو قالج أني معقدة؟؟؟!!![/rtl]
[rtl]العنود: وييييييييي آسفة غلطنا.. يلا سموحة[/rtl]
[rtl]نورة تضحك: أوكييي عبالي ههههههه[/rtl]
[rtl]خذت العنود نورة و راحوا يتمشون في ساحة المدرسة.. بعض البنات كانوا يطالعون نورة بنظرات ما كانت قادرة تفسرها.. كانوا البنات أكثريتهم مكحلين عيونهم.. و الشعر إستشوار و اللي مسرحته بالجيل و التراجي توصل للكتف.. و نورة طبعا ما يدش مخها هالشي.. بنات في مدرسة و شكلهم رايحيين عرس او حفله ..!![/rtl]
[rtl]نورة: العنود ممكن أسألج؟[/rtl]
[rtl]العنود: سألي الي تبين ماله داعي ممكن شنو قولي؟[/rtl]
[rtl]نورة: شلون هالبنات يتمشون في المدرسة من غير ما تقولهم شي الإدارة؟ خبري هالأشياء ممنوعة![/rtl]
[rtl]العنود: أي اكيد ممنوعه بس سوالف من تحت لي تحت عادي وايد تصير[/rtl]
[rtl]نورة: هاااااا؟؟!! ما فهمت شلون من تحت لي تحت![/rtl]
[rtl]العنود: يعني الإداره تدري إن هالشي بالمدرسة بس يسمعون عنه و ما يشوفون البنات بعيونهم ..[/rtl]
[rtl]نورة: و شلون ما يشوفونهم؟؟[/rtl]
[rtl]العنود: البنات بالفرصه و أي وقت الابلات و الإداريات موموجودين تشوفينهم جذي معدلين شكلهم.. بس وقت وقت الاداره يقومون و يمسحون الكحل و يخشون التراجي وجنا ماصار شي[/rtl]
[rtl]نورة: امبييه .!![/rtl]
[rtl]العنود: امبيه انتي..! انتي من صجج تو تدرين عن كل هالأشياء؟ من وين طالعة انتي بعرف؟![/rtl]
[rtl]نورة: ههههه.. لا بس أنا شخصيتي مو إجتماعية لهالحد.. يعني ما عندي أحد مثلج فاهم و يفهمني.[/rtl]
[rtl]العنود: هههههههه أقووولج ليش..[/rtl]

[rtl]مرة وحدة كورة سلة بكل سرعة تمر من جدام نورة و العنود و بكل قوة تضرب الطوف..[/rtl]
[rtl]و من الخوف طلعت نورة صرخة صغيرة من غير ماتحس ..!![/rtl]
[rtl]لفت ويها عالكره وعقبها رفعت راسها.. ومره ثانيه ردت شافت البنت المسترجلة تركض من جدامها و تاخذ الكرة من الأرض و وقفت جدام نورة و إبتسامة على ويها و هي تقول: مسامحة يالحلوة.. [/rtl]
[rtl]نورة ما ردت عليها.. بس سكتت و البنت ردت للبنات اللي نفس شكلها تقريبا .. وكملوا لعب[/rtl]

[rtl]نورة ما كانت مستوعبة باللي صار.[/rtl]
[rtl]العنود: إسمها مريم و اهي في التوجيهي[/rtl]
[rtl]نورة: شنو؟! أي مريم.![/rtl]
[rtl]العنود: البنت اللي خذت الكورة مساع شفيج..اقولج إسمها مريم[/rtl]
[rtl]نورة: أها..[/rtl]
[rtl]العنود: غريبه ماسألتيني ليش شكلها جذي .![/rtl]
[rtl]نورة: هاااا.. ليش أسألك هالسؤال؟![/rtl]
[rtl]العنود: توقعتج راح تستغربين من شكلها.. و تسأليني سؤال عنها هاذي عادتج هههههه[/rtl]
[rtl]توها كانت نورة تبي تقول للعنود شي و إلا الجرس يرن و إبتدت الحصة الرابعة[/rtl]
[rtl]العنود: بييييييييه! يماي علينا ابله وداد! راح تذبحني إذا تأخرت.. أشوفج في الهدة نوره .. بااي باي ![/rtl]

[rtl]طالعت نوره العنود شلون راحت عنها وركضت حق صفها ..[/rtl]
[rtl]إلتفتت نورة الصوب الثاني إلا مريم تطالعها من بعيد.. ما سوت شي نورة بس مشت لي صفها عشان ما تتأخر اهيا بعد ومريم طالعتها من بعيد شلون تمشى وخذت الكورة و مشت اهي بعد.[/rtl]
[rtl]انتضرو الجزء الثالث الحقيقه والالم[/rtl]

الفصل الرابع: البداية مع مريم

[rtl]فتحت نورة عينها و إلا الشمس القوية تدخل في عينها و حست كأنها إنعمت.. قامت و قعدت في مكانها و اهي تمسح عينها.. طالعت الساعة اللي عاللطاولة اللي صوب السرير.. الساعة 7!!!!ماباقي شي وتصير ونص .!![/rtl]

[rtl]فتحت عينها على الآخر و نقزت داخل الحمام.. سوت كل شي اللي سوته أمس بس كأنه شريط فيديو على "الفورورد"[/rtl]
[rtl]سلوى و اهي تصرخ عند الدري: نورة.. نورة السايق ناطرج من ساعة!! ويييييينج![/rtl]
[rtl]نورة و اهي تركض على الدري: أكاني يايـــــــــ...[/rtl]
[rtl]و قبل ما تخلص جملتها ريلها إنعويت و طاحت 4 درجات..[/rtl]
[rtl]سلوى: وي بسم الله عليج.. قلنا الوقت متأخر بس لا تسوين جذي بروحج.[/rtl]

[rtl]نورة قامت و رتبت روحها اللي تبهدلت من بعد الطيحة..[/rtl]
[rtl]نورة: أنا ما أحب التأخير.. كلش ما أحب يكون شي في حياتي مو منظم[/rtl]
[rtl]سلوى: مو شرط كل شي في الحياة يمر على كيفج..! المهم بسرعة راح تتأخرين مووقته هالحجي[/rtl]

[rtl]ركبت نورة السيارة و اهي تعري من الطيحة و بكل سرعة لمت شعرها اللي ما مشطته من قومتها..[/rtl]

[rtl]نورة نفسيتها كانت ليلحين تعبانة.. السالفة اللي صارت قبل يومين أثرت عليها..[/rtl]
[rtl]أسرارها و أفكارها دايما لنفسها.. و عمرها ما قالتهم لأحد..[/rtl]
[rtl]اهي من قبل يومين حلفت أن ما راح تبجي أو تبين حزنها حق احد..[/rtl]
[rtl]بس من بعد ما شافت صورة أمها.. حست بوحشتها..[/rtl]
[rtl]فهي محتاجة لها أكثر من أي شي في هالوقت.. و من بعد ما عرفت أن أبوها راح يتزوج من مرة غير أمها.. حست أن الدنيا ظالمة بعينها.[/rtl]

[rtl]وقفت السيارة يم باب المدرسة.. كانت الساعة 7 :40..[/rtl]
[rtl]نورة: تأخرت وايد.. راح أنزف..[/rtl]
[rtl]ركضت نورة لصفها و قلبها يرقع من الخوف.. اهي مو من عوايدها أنها تتأخر..[/rtl]
[rtl]وقفت نورة عند باب صفها و قامت طلت عشان تشوف من اللي كان عندهم..[/rtl]
[rtl]و المفاجئة اللي خلت نورة تحس ببرود في جسمها كله[/rtl]
[rtl]الابله اللي كانت عندهم اهي ابلى اللغة العربية.. وداد..!!![/rtl]
[rtl]اللي لها موقف مع نورة من قبل[/rtl]

[rtl]قامت الابله من مكانها و مشت صوب نورة..[/rtl]
[rtl]و من الخوف تجمدت نورة في مكانها!..[/rtl]
[rtl]وداد: يعني لازم تكونين آخر وحدة في الصف توصل..[/rtl]
[rtl]نزلت راسها نورة و توها تبي تقول شي..ابـلـ....[/rtl]
[rtl]وداد و اهي تقاطع نورة بصراخ: يعني لازم أنا أيلج عندج يم الباب و أعطيج دعوة داخل عشان تدخلين الصف..؟؟!! خلاص انتي خذيت عنج فكرة مو زينة..[/rtl]
[rtl]نورة: لا والله..[/rtl]
[rtl]وداد بحمق: بآآآس ولا كلمة..!الحين تروحين عند المشرفة .. و ماراح ادخلج الصف إلا بعذر من عندها فاهمه..؟ و هذي مو كل شي.. راح أعطيها إنذار عنج أن إنتي من النوع اللي يحب التأخير انزين يا آنسه نوره.. يلا جدامي روحي المشرفه يلااا..[/rtl]
[rtl]رفعت نورة راسها و كل اللي تشوفه وجوه البنات و نظراتهم و هم يطالعونها من داخل الصف..[/rtl]
[rtl]مشت نورة من عند المعلمة و قلبها متروس.. ما عرفت شتسوي..[/rtl]
[rtl]لان عمرها مادلت وين مكتب المشرفه[/rtl]
[rtl]و صراخ الابله لها خلاها تحس بالحزن أكثر من قبل..[/rtl]
[rtl]مشت بروحها في ممرات المدرسة و اهي لامة يدها و ويها كئيب ماتدري وين تروح..[/rtl]
[rtl]ليما وصلت عند للصالة البدنيه بالمدرسة..[/rtl]

[rtl]من غير إحساس دخلت داخل و مرت من غير ما تشوف يمين ولا يسار..[/rtl]
[rtl]الصالة كانت خالية.. ما كان فيها إلا مريم بروحها تلعب بالكورة و تنقزها على ريلها..عشان عندها مبارات بعد جم يوم[/rtl]
[rtl]و لما شافت نورة وقفت لعب !! بس انصدمت من الحزن الي مبين عليها.. ووقفت تطالعها ان ليش داشه اهني ..؟![/rtl]
[rtl]دخلت نورة غرفة التبديل للصالة و اهي ما تدري أن مريم شافتها ولا شافت احد اصلا..[/rtl]
[rtl]الفضول كان ذابح مريم.. كانت تبي تعرف شفيها نورة ليش داشه الصاله؟ .. وليش كل هالحزن على ويها شصايرلها..؟! ..و قامت لحقتها..[/rtl]
[rtl]دخلت مريم غرفة التبديل إلا تشوف أن مافي أثر لنورة..!!!![/rtl]
[rtl]إستغربت.. إلا تسمع صوت بجي خفيف من داخل غرفه من غرف التبديل اللي في الغرفة طبعا[/rtl]
[rtl]نورة كانت تبجي لأنها حاسة الدنيا أنصكت في ويها وماتقدر تتحمل..[/rtl]
[rtl]عمرها محد صرخ بويها بهالطريقة لأن طول حياتها ما غلطت في شي أن يخلي أحد زعلان منها أو مستاء.[/rtl]
[rtl]نورة تبجي و اهي ما تدري أن مريم واقفة برا عند باب الغرفه اللي هي قافلة على روحها فيها.. تسمعها و هي تبجي..[/rtl]

[rtl]مريم سوت روحها ما تدري أن نورة اهي اللي بالداخل[/rtl]
[rtl]مريم: منو داخل..؟[/rtl]
[rtl]نورة مرة وحدة لما سمعت صوت أحد يكلمها وقفت بجي..[/rtl]
[rtl]بس ما ردت على مريم. وتمت ساكته..[/rtl]
[rtl]مريم: أنا سمعت صوتج و إنتي تبجين فسكوتج ما راح يفيد..[/rtl]
[rtl]نورة قعدت تفكر للحظة.. "وين سمعت أنا هالصوت من قبل؟؟!"[/rtl]
[rtl]مريم: يعني ما راح تبقين داخل على طول.. خلصينا بطلي [/rtl]
[rtl]مرة وحدة إستوعبت نورة.. الصوت الخشن.. طريقة الكلام.. الضحكة المصطنعة![/rtl]
[rtl]اللي قاعدة تكلمها معقوله اهي مريم.؟![/rtl]
[rtl]"امبييه رحت فيها.. مريم سمعتني أبجي....امبيه شسوي ما أقدر أسكت و هي صاجة ما أقدر أتم على طول داخل .."[/rtl]
[rtl]مريم: يعني راح تتكلمي.. ولا هاا؟ .. ترا اشقحلج من فوق![/rtl]
[rtl]نورة و هي منصدمة من جملة مريم: لا لا لا.. راح أتكلم!!![/rtl]
[rtl]مريم: الحمد الله.. ظنيت أنج إنتحرتي من بعد ما راح صوتج[/rtl]
[rtl]نورة: واهي تبطل الباب شنو؟ إنتحرت!!!!؟؟[/rtl]
[rtl]مريم:اي الحمامات اهي المكان المثالي للإنتحار في المدرسة.. يعني وين راح تختارين غيره.. الإدارة مثلا.. ههههه [/rtl]
[rtl]نورة و هي مو مصدقة شنو قاعدة تقوله مريم: أنا عمري ما فكرت بهالشي و الله يبعدني عنه لأنه تذكرة سريعة لنار جهنم..[/rtl]
[rtl]مريم: هههههه بسج تفلسف ادري ان ماعندج سالفه..[/rtl]
[rtl]نورة: و انتي شعرفج فيني.. انتي ما تعرفيني شلون تدرين ان ماعندي سالفه[/rtl]
[rtl]مريم: بس أعرف أن في شي مضايقج.. قوليلي يمكن أقدر أساعدج..[/rtl]
[rtl]سكتت نورة شوي و مخها كان مشوش.. كيف تثق في وحدة مثل مريم..[/rtl]
[rtl]تمت نورة ساكته و ما ردت على مريم..[/rtl]
[rtl]مريم:اممم على راحتج.. و كانت توها راح تمشي برا غرف التبديل..[/rtl]
[rtl]إلا تسمع صوتها نوره : لحظاااااااااا..[/rtl]
[rtl]وقفت في مكانها و إبتسامة على وجها و إلتفتت عليها..[/rtl]
[rtl]كانت نورة واقفة في مكانها وملامحها حيل حزين و شاحبه تناظر مريم من بعيد..[/rtl]
[rtl]مشت مريم لعند نورة و طلعت طلينكس من مخباتها..[/rtl]
[rtl]كانت نورة تطالع الأرض.. ما كانت قادرة تطالع مريم في عينها..[/rtl]
[rtl]لأن وجها و ملامحها بالكامل و حتى عطرها .. ما فيها أثر للأنوثة.. فحست نورة أنها واقفة جدام صبي.. بس في نفس الوقت كان عقلها يقولها أن اللي جدامها معقوله بنت .!![/rtl]

[rtl]خذت مريم الكلينكس و مسحت آخر دمعة نزلت من عين نورة.. رفعت نورة راسها تطالع مريم و اهي تفكر: ليش تعمل كل هذا مريم!![/rtl]
[rtl]مريم: شكلج و إنتي تبجين.....[/rtl]
[rtl]نورة: شنو شفيه؟؟؟![/rtl]
[rtl]مريم حدااااا: كريييييييييييييييه!![/rtl]
[rtl]طلعت نورة ضحكة صغيرة من غير ما تحس.. أول مرة تسمع هالكلام من أحد[/rtl]
[rtl]مريم: الللله أي جذي ويهج أحلى.. وجهج في الأصل حلو وايد حلاتج موحلوه ملامحج وانتي تبجين!!![/rtl]
[rtl]وجه نورة صار لونه أحمر.. ماروني بالأصح! كأن الكلام اللي سمعته كان من صبي! هاذا اللي حسته ذيج اللحظة.[/rtl]
[rtl]تغيرت ملامح وجه[/rtl]
[rtl] نورة لما سمعت الجرس.. لأنها إذا تأخرت على ثاني حصة بعد.. ما راح تسامح نفسها.. مسحت كل دموعها بسرعة و طالعت مريم و هي مبتسمة[/rtl]
[rtl]نورة: شكرا على الكلينكس.. لازم أمشي ألحين[/rtl]
[rtl]و طلعت نورة برا غرفة التبديل و اهي تمشي بسرعة.. بس مريم نطت جدامها و وقفتها..[/rtl]
[rtl]مريم: لحظه لحظه وين..؟! نطري شوي.. خليني أوصلج لصفج.. ما أقدر أخليج بهالحالة بروحج[/rtl]
[rtl]نورة: لا مو مشكــــــ..[/rtl]
[rtl]قبل ما تخلص نورة من جملتها سكتت لأنها شافت بنت برونزية و شعرها أسود و طويل و ملامحها جميلة حييل..[/rtl]

[rtl]كانت هالبنت اهي نفسها وحده من الثنتين اللي كانت تلمها مريم بالأمس وقت الطابور.. واقفة جدامها و تطالع مريم بنظرات.. ما قدرت تفسرها..[/rtl]
[rtl]وقفت مريم تطالع البنت و هي مرتبكة[/rtl]
[rtl]مريم: شوق!.. وينج ما بيتني اليوم؟[/rtl]
[rtl]نورة واقفة في مكانها و هي تقول لنفسها.. "البنت إسمها شوق..!!"[/rtl]
[rtl]مريم طالعت نورة بس في نفس الوقت إلتفتت على شوق إلا تشوفها متكتفة و تمشي برا الصالة..[/rtl]
[rtl]مريم و اهي تركض ورى شوق: نطري شوق شوووق ياشووق.. لحظة[/rtl]
[rtl]نورة إستغربت ليش تزعل شوق من مريم بسبب شوفتها لها تكلمها.. شنو السبب![/rtl]
[rtl]نورة: أنا ما أحب التدخل في شئوون غيري.. أحسن أسكت و أروح على الصف.[/rtl]
[rtl]مشت نورة للصف و اهي مو قادرة تنسى اللي صار تو.. و الكلام اللي قالت لها مريم[/rtl]
[rtl]بس في نفس الوقت كانت مرتاحة.. لأن اللي صار خفف عن حزنها.. و ما عندها تفسير ليش اللي صار خفف عن ألمها اللي كانت تحس عمره ما راح يتركها .[/rtl]


[rtl]انتظرونا في الحلقة القادمة مع[/rtl]

[rtl]الفصل الخامس:[/rtl]

[rtl]معلومات دقيقة[/rtl]

نورتو

[rtl]الفصل الخامس: معلومات دقيقة[/rtl]



[rtl]وصلت نورة لعند صفها.. ولما دخلت بنات الصف سكتوا و قعدوا يطالعونها..[/rtl]
[rtl]حست نورة بعدم الإرتياح بسبب نظرات البنات لها.[/rtl]
[rtl]ا[/rtl]
[rtl]"بصراحة زين سويتي في معلمة وداد!"[/rtl]
[rtl]قالت وحدة من البنات لنورة و هي تطالعها بنظرات إعجاب[/rtl]
[rtl]نورة سكتت و هي تتلفت و تطالع وجوه البنات اللي كلهم مبتسمين لها[/rtl]
[rtl]"أي والله.. لو أنا مكانك أخاف منها و أركض للمشرفة و أجيب لها عذر"[/rtl]
[rtl]قالت بنت ثانية لنورة.. "حتى أنا" ردت عليها بنت ثالثة[/rtl]
[rtl]و كانوا تقريبا كل بنات الصف ملتمين على نورة.. يكلمونها كلهم في نفس الوقت و هم فرحانين.[/rtl]
[rtl]نورة ما كانت تعرف كيف تتصرف في هالموقف.. تستانس للكانت تسمعه؟ أو تسكت لأنها تدري أن مافي داعي لكل هالإعجاب من البنات؟[/rtl]
[rtl]اللي أنقذها من الموقف هو دخول معلمة الكيمياء.. كل البنات ردوا أماكنهم بسرعة..[/rtl]
[rtl]ردت نورة مكانها.. و مرة وحدة حست بالدفء..[/rtl]
[rtl]اللي كانت تفكر فيه أن لما كانت تدرس في مصر.. ما قد مرة صادها موقف خلها تحس بأنها مهمة.. و بأن أشخاص عددهم كبير حابين يتكلموا معاها و يسمعوها..[/rtl]
[rtl]هذا الشي بعث شوي من الفرحة في قلبها. [/rtl]

[rtl]إبتسمت نورة إبتسامة عريضة لما شافت أقرب وحدة لها في المدرسة.. العنود طبعا[/rtl]
[rtl]نورة قررت أن ما تقول لأحد باللي صار مع مريم اليوم و لا حتى للعنود[/rtl]
[rtl]حتى لو طول ما هي كانت معاها في الفسحة حست بأن خاطرها تقولها..[/rtl]
[rtl]بس الخوف من ردة فعلها للموضوع و طول الموضوع غير رايها[/rtl]
[rtl]نورة و العنود كانوا يتمشون في أحدى ممرات المدرسة[/rtl]
[rtl]ولما وصلوا بجنب الصالة الرياضية.. قامت نورة من غير إحساس و طلت داخل الصالة[/rtl]
[rtl]و كأن قلبها كان يهمس لها أن تطل و تشوف إذا مريم بالداخل[/rtl]

[rtl]العنود وقفت تطالع نورة و هي مستغربة..[/rtl]
[rtl]العنود: تدورين عن أحد؟[/rtl]
[rtl]نورة و هي تحرك راسها يمين و يسار: لا.. بس حبيت أشوف شنو داخل الصالة[/rtl]

[rtl]العنود بإستهزاء: يعني شنو بكون داخل الصالة.. أدوات رياضة و بنات يلعبون بالكور[/rtl]
[rtl]نورة: أههههه.. لا بس حبيت أشوف إذا الصالة مختلفة عن الصالة الرياضية اللي كنت أشوفها في مصر.[/rtl]
[rtl]العنود: إنت قلتي لي أن هذي أول سنة لك في البلد بس عمرك ما جبتي طاري وين كنتي تعيشين.. في مصر يعني؟[/rtl]
[rtl]نورة: أي في مصر..[/rtl]
[rtl]العنود: أهااا.. أحس العالم هناك غير عن هنا[/rtl]
[rtl]نورة و فيها الضحكة: ليش يعني؟؟![/rtl]
[rtl]العنود: لأنك أنتي طلعتي مادري شلون.. غير[/rtl]
[rtl]نورة: أنا غير؟؟!! والله لا[/rtl]
[rtl]العنود: لا تحلفي بإسم الله.. أنتي ما تعرفي ولا شي عن اللي يصيير في مدرستنا.. من هالسبب أنا خايفة عليك..[/rtl]
[rtl]نورة: أي صج أنتي ما قلتي لي.. شنو هي السوالف الخطيرة اللي كنتي تتكلمين عنها بالأمس؟؟! أنا ما فهمت قصدك![/rtl]
[rtl]العنود و هي تحط يدها على كتف نورة: أنا راح أفهمك أحين[/rtl]
[rtl]و خلت نورة تدخل الصالة..[/rtl]
[rtl]وقفوا هي و العنود في مكانهم و كانوا جدامهم بنات من بينهم مريم..[/rtl]
[rtl]كانوا لابسين ملابس رياضية فضفاضة و في مبارة كرة سلة.. و كلهم أشكالهم توحي بأنهم أولاد[/rtl]
[rtl]و البنات الباقيين كانوا جالسين على الكراسي يشجعون..[/rtl]

[rtl]العنود: أنزين.. شوفي البنات اللي قاعدين يلعبون بكورة السلة[/rtl]
[rtl]نورة تطالعهم و لمحت مريم من بينهم.. و هي ما فاهمة قصد العنود: أي.. شفيهم؟![/rtl]
[rtl]العنود: شنو يوحيلك شكلهم؟[/rtl]
[rtl]نورة: ما أدري.. يمكن شوي أشكالهم دفشة.. بس[/rtl]
[rtl]العنود: شوي؟؟؟!!! هاااهاااي[/rtl]
[rtl]نورة: ليش شصاير؟!![/rtl]
[rtl]العنود: هالبنات لا تجربين منهم إلا إذا كان أمر عاجل يخص دراستك و هالشي نادر[/rtl]
[rtl]نورة و هي منصدمة: ليش؟؟! ما فهمت.. شفيهم؟؟![/rtl]
[rtl]العنود: هالبنات يسمونهم بإسم "البويات"[/rtl]
[rtl]نورة: بويات.. يعني شنو؟[/rtl]
[rtl]العنود: يعني بنت شكلها و حركاتها و كل شي فيها مثل الأولاد[/rtl]
[rtl]نورة: يعني مسترجلة.. أي أنا أدري أن هم أشكالهم مسترجلين.. بس ما فاهمة ليش تخافين علي منهم؟![/rtl]
[rtl]العنود: الكلام اللي بقولك أياه كل المدرسة تعرفه.. هالبنات سمعت عنهم أشياء تخلي الواحد يخاف منهم.. فالكل يعاملهم كأنهم أولاد. أو رجال!.. و في بنات تسمعينهم يقولون لا هم بنات نفسنا بس وقت اللي تجرب منهم كل شي يتغير و البعض الآخر مثلي يكرهم كره ما له حدود!![/rtl]
[rtl]نورة: بس أنا ما أحب أن أحكم على الكتاب من غلافه[/rtl]
[rtl]العنود: أحنا ما قاعدين نتكلم عن كتاب تبطلينه و تصكينه أي وقت تبين.. أحنا قاعدين نتكلم عن بنات يحسبون نفسهم أولاد و يعاملون غيرهم على أساس أنهم أولاد![/rtl]
[rtl]نورة: بدال هالكره اللي في قلبك.. عامليهم بلطف و كرم على أساس أنهم بشر و أنسي أي شي آخر![/rtl]

[rtl]العنود ما عجبها رد نورة على الموضوع.. فهي ما تدري أن نورة في الحقيقة قاعدة تدافع عن حق هالبنات بسبب أنها إلتقت بمريم اليوم و حستها طيبة.[/rtl]
[rtl]العنود: أنا ما راح أرد عليك لأنك جديدة على السالفة.. بس نصيحة من وحدة تحبك.. لا تجربين تعملين صداقات معاهم لو شنو صاروا أوكي معاك.. لأنهم ما راح ينفعونك في شي![/rtl]
[rtl]مشت العنود و خلت نورة واقفة في محلها بروحها.. نورة ما صدقت أن العنود زعلت منها بسبب هالموضوع.. فهي ما تقدر تكره مريم من بعد الموقف اللي صار لها الحصة الأولى.[/rtl]

[rtl]رن جرس نهاية الفسحة و وقفوا البنات و مريم المباراة.. نورة بس وقفت مكانها تطالع كل حركة تعملها مريم و هي هالشي عمرها ما سوته.. أنها توقف في محلها بس عشان تشوف ما يسويه غيرها.. فهالشي مالها دخل فيه.[/rtl]
[rtl]مشت مريم لعند شوق و جلست بجنبها.. كان مبين على شوق أنها ليلحين مستاءة من مريم.. و نورة فيها نوع من الفضول.. قعدت تفكر باللي قالته العنود.. أن هالبنات يحسبون نفسهم أولاد و الناس تعاملهم بأساس أنهم أولاد..[/rtl]
[rtl]و مرة وحدة حست كأن مصباح نور فوق راسها.[/rtl]
[rtl]لو بنت شافت ولد قريب لها يكلم بنت غيرها راح أكيد تحس بالغيرة و مريم هي كالولد و لما شافتني شوق معاها غارت و زعلت!![/rtl]
[rtl]نورة: هذي أكيد اللي صار.. بس كيف تغير عليها و هم بنات.. يا ربي ما فاهمة![/rtl]

[rtl]كانت مريم تكلم شوق و هي ماسكة إيدها و كأنها تترجى رضاها..[/rtl]
[rtl]نورة جاها إحساس غريب.. و كأن موقفها بالنسبة لشوق موقف كره.. لأنها خلت مريم تترجاها عشان ترضى عليها.. لأول مرة تحس نورة بأن عيونها أنفتحت أكثر من قبل.. لأنها بدأت تشوف حياة غيرها.[/rtl]
[rtl]بس سرعان ما إستوعبت وين هي مكانها في السالفة و هي بالأصل ما لها مكان في السالفة.. فقامت طلعت من الصالة و مشت للصف.[/rtl]

[rtl]مشت الحصص بسرعة و نورة كانت تكتب في دفترها مقتطفات من شرح المعلمات بس ما كانت تفهم ولا شي من كلامهم.. اللي كان ماخذ بالها هو زعل العنود عليها و كيف راح تكون لما تشوفها بعد ما يرن جرس الهدة. كانت تحس برجفة في إيدها..[/rtl]
[rtl]رن جرس الهدة و كانت نورة على أمل أن العنود راح تجيها جنب باب صفهم مثل ما عملت اليوم اللي قبله.[/rtl]
[rtl]لمت نورة أغراضها و إنتظرت قدوم العنود.. بس بعد ما صار لها عشر دقايق جالسة في الصف بروحها.. قامت من مكانها و مشت بروحها في وسط الساحة و هي مشاهدة الأرض.[/rtl]

[rtl]مرة وحدة تسمع صوت مريم تصرخ من بعييييد..[/rtl]
[rtl]"أووووووووووووقفي"[/rtl]
[rtl]إلتفتت نورة و إلا مريم تركض بسرعة لها من أول الساحة.[/rtl]
[rtl]وصلت مريم عندها و هي شوي تنافخ من التعب.[/rtl]
[rtl]نورة طالعت مريم بنظرة إستياء.. لأنها لما شافتها تذكرت أن هي السبب اللي خلاها تتزاعل مع العنود.[/rtl]
[rtl]مريم و هي تضحك: شفيك تطالعيني بهالنظرة؟[/rtl]
[rtl]نورة ما ردت عليها بس مشت من عندها..[/rtl]
[rtl]مريم: لحظة هيييي.. شسويت أنا؟![/rtl]
[rtl]نورة: ولا شي.. بس حابة أمشي بروحي.. يعني إذا ما عليك أمر![/rtl]
[rtl]مريم: بييييييييه! مسامحة بس ما كنت أدري.. شكلك وايد مشاكل عندك.. صار لي يومين بس أشوفك و ولا مرة شفتك فيها كنتي مبتسمة أو فرحانة![/rtl]
[rtl]نورة حست بإختناق بسبب كلام مريم.. و أول مرة تحس بأنها خاطرها تكفخ أحد![/rtl]

[rtl]و في هاللحظة حست نورة أن لازم تطلع اللي في قلبها ولا راح تنفجر![/rtl]
[rtl]نورة بحمق: أبتسم!!.. أبتسم و الدنيا مظلمة! أبتسم و أنا ما لي أحد أثق فيه أو على الأقل أحد يسمع رايي في كل شي أو يتقبله.. والله أنا من أول ما جيت لهالبلد و أنا حاسة أن المشاكل راح تااكلني![/rtl]

[rtl]مريم إنصدمت من كلام نورة.. ما توقعت أن وراء كل حزنها و بكائها سبب يجرحها و يخليها تعصب لهالحد.. و ما توقعت وراء كل هالنعومة و الخجل.. بنت خاينها القدر و متعبتها الدنيا..[/rtl]
[rtl]مريم: أنا آسفة .. ما كان قصدي.. بس حبيت أقول لك أن أسمي مريم و أن إذا أحتجتي أي شي مثل اليوم الصبح.. أنا حاضرة لك.. بس شكلك ما تحتاجين أحد يساعدك.[/rtl]
[rtl]مشت مريم من عند نورة و هي منزلة راسها.. لأن حست بإنحراج من ردة فعل نورة.[/rtl]
[rtl]نورة وقفت تطالع مريم و حست بالذنب.. ما كان لازم تطلع حرتها بمريم..[/rtl]
[rtl]نورة: لحظة مريم.. ما كان قصدي أزعلك.. كفاية اللي زعلته غيرك اليوم.. و أنا ما أقدر أنام الليل و أنا مزعلة شخص ثاني عزيز علي..[/rtl]
[rtl]مريم إلتفتت على نورة و هي مستغربة: عزيز عليك؟ يعني أنا شخص عزيز عليك؟ أنتي حتى ما تعرفيني! كيف صرت عزيزة عليك؟؟![/rtl]

[rtl]نورة: اللي سويتيه اليوم مو شي يسويه لي شخص كل يوم..[/rtl]
[rtl]مريم إبتسمت إبتسامة عريضة.. و راحت لعند نورة و ضمتها بقوة!!..[/rtl]
[rtl]نورة فتحت عينها عالآخر ما توقعت هالشي من عند مريم![/rtl]
[rtl]تركتها مريم و خذت يدها و سحبتها و هي تقول: لازم أعرفك على الربع يـــــــ؟؟ ما قلت لي أسمك! شنو هو؟؟[/rtl]
[rtl]نورة سكتت و وقفت في مكانها و الصدمة على وجها.. أي ربع تبي تعرفني عليهم![/rtl]
[rtl]نورة: أسمي نورة.. و لازم أمشي أحين و الوقت تأخر و السايق ناطرني من ساعة[/rtl]
[rtl]مريم: أفااااااا.. بس نشوفك بكرة.. راح أشتاق لك..[/rtl]
[rtl]نورة ما عرفت شنو ترد على مريم.. من غير ما تحس قالت..[/rtl]
[rtl]"و أنا بعد!"[/rtl]
[rtl]و مشت من عند مريم بسرعة هادتها بإبتسامة أكبر منها مافي من بعد ما فسرت كلام نورة لشي ثاني! بس نورة ما تدري شنو هو تفسيرها طبعا![/rtl]

الفصل السادس: دوامة أعصاب

[rtl]ركبت نورة السيارة بسرعة و حاسة بالصدمة بس هدأت من نفسها شوي..[/rtl]
[rtl]تمت طول الطريق ساكتة و هي مركزة و تهز رجلها.. [/rtl]
[rtl]إستوعبت و ردت للدنيا لما وقفت السيارة بجنب البيت.. طالعت نورة يمين و شمال و [/rtl]
[rtl]بعدين نزلت من عند السيارة و دخلت البيت. [/rtl]

[rtl]فتحت نورة الباب و بسرعة ركضت فوق غرفتها و ردت الباب من وراها.. [/rtl]
[rtl]عمتها طلت من المطبخ لأنها سمعت صوت نورة و هي تدخل البيت.. بس إستغربت ليش ما [/rtl]
[rtl]يات و سلمت عليها [/rtl]
[rtl]قررت أنها تركب لها فوق.. وقفت سلوى عند باب نورة و طقت عليها طقتين [/rtl]
[rtl]سلوى: نورة.. نورة انتي هنا؟ [/rtl]
[rtl]كانت نورة ساكتة و ما ترد عليها.. [/rtl]
[rtl]سلوى قامت تطق على باب مرة ثانية.. [/rtl]
[rtl]سلوى: نورة! [/rtl]
[rtl]نورة فتحت الباب و وقفت تطالع عمتها ناطرتها تقول اللي عندها [/rtl]
[rtl]سلوى: ما تبين غداك؟؟ [/rtl]
[rtl]نورة: مو جوعانة.. حطيه لعقب.. [/rtl]
[rtl]توها نورة بترد الباب بس عمتها دزته و خلته مكانه مبطل [/rtl]
[rtl]سلوى: أمس قلتي نفس الكلام.. و أنا كنت ناطرتك تجين و تاكلين بس ولا حتى شفتك من بعد مكالمتك مع هدى!! [/rtl]
[rtl]نورة بحمق: يعني ما يصيير تغصبين أحد أنه ياكل إذا هو ما يريد! [/rtl]
[rtl]سلوى ما صدقت اللي سمعته.. هذي أول مرة في ال3 الأشهر اللي تعرف نورة فيها ترد [/rtl]
[rtl]عليها بهالطريقة. [/rtl]
[rtl]سلوى بحمق: يعني ما راح تاكلي.. معليش.. ليش أعور قلبي! ما قول إلا جزاة الخير سواد [/rtl]
[rtl]الويه! [/rtl]
[rtl]و مشت عن باب نورة.. توها بتحط رجلها على عتبة الدرج إلا تسمع نورة ترد عليها. [/rtl]
[rtl]نورة: أي خير! قولي لي.. أنتي ما تقصرين معاي بشي.. بس لأنك مطرة تعملين كل هالأشياء [/rtl]
[rtl]لي.. مب حبا لي! [/rtl]
[rtl]عمة نورة إلتفتت على نورة إلا تشوف عينها تدمع [/rtl]
[rtl]سلوى: و مين قال إن كل اللي أعمله شي مطرة أعمله! ليش خذيتي هالفكرة عني؟! أنا [/rtl]
[rtl]شسويت؟ [/rtl]
[rtl]نورة و هي تبكي: و أنا شسويت عشان يتخلى عني أبوي! [/rtl]
[rtl]سلوى مشت لعند نورة.. "مين قال أن أبوك تخلى عنك.. هو يحبك!" [/rtl]

[rtl]لما سمعت نورة جملة "أبوك يحبك" حست كأن سهم دخل قلبها.. [/rtl]
[rtl]و الألم بمعرفتها عن زواج أبوها رجع مرة وحدة كأنه صرخة قوية توجع الراس! [/rtl]
[rtl]وقفت ساكتة في مكانها و عمتها تطالعها و هي مستغربة.. شاللي خلها توقف عن البجي!! [/rtl]
[rtl]سلوى: نورة؟؟! [/rtl]
[rtl]نورة: أنا راسي يعورني و أحسه بينفجر! و لازم أنام و إذا ما نمت راح أموت! [/rtl]
[rtl]سلوى: نورة شفيك حبيبتي؟؟! شنو غيرك مرة وحدة و خلاك حزينة!؟؟ [/rtl]
[rtl]نورة: ولا شي.. بس ضغوط الدراسة مأثرة علي.. عن أذنك.. [/rtl]
[rtl]دخلت نورة داخل غرفتها و ردت الباب [/rtl]
[rtl]عمتها بس وقفت عند الباب و هي ما عاجها الوضع اللي نورة فيه و الفكرة اللي هي ماخذة [/rtl]
[rtl]عنها.. وقالت لنفسها: لازم أعمل شي يريح بالها! [/rtl]

[rtl]كانت نورة غرقانة في النوم.. فالمشاكل اللي تعانيها ما ينعدون! [/rtl]
[rtl]شجارها مع العنود و كل اللي صار بينها و بين عمتها أثر عليها و نساها سالفة مريم طبعا. [/rtl]
[rtl]مرة وحدة حست بشي سنين يمشي على وجها.. كان إحساس ينرفز! [/rtl]
[rtl]و هي نايمة و من غير ما تحس ضربت الشي بيدها.. [/rtl]
[rtl]بس ردت حست بنفس الشي بس هالمرة كان في إذنها. [/rtl]
[rtl]و إلا مرة تقوم من النوم و تجلس في مكانها وهي فاتحة عين وحدة بس.. و ما تشوف إلا [/rtl]
[rtl]بنتين واقفين جدامها.. [/rtl]
[rtl]ما لاحظت من هم بس سمعت ضحكات خفيفة. و لما فتحت عيونها إلا تشوف هدى و أمل [/rtl]
[rtl]واقفين جدامها و هم شاقين الحلج و في يد هدى قلم رصاص شكله هو الشي اللي كان [/rtl]
[rtl]منرفز نورة [/rtl]
[rtl]نورة بصوت تعبان: هدى..؟؟ أمل..؟؟ [/rtl]
[rtl]ثنتينهم ردوا عليها أييييييي و هم يتضحكون [/rtl]

[rtl]نورة حست بفرح غير طبيعي لما شافتهم [/rtl]
[rtl]قامت من مكانها و لمتهم و هي مو مصدقة أنهم زايرينها هالحزة و في يوم دراسي. [/rtl]
[rtl]نورة: ما تدرون أنا شقد فرحانة بشوفتكم! [/rtl]
[rtl]أمل: أحنا أكثر يا نوري! وحشتينا!! [/rtl]
[rtl]هدى: والله أنتي غبية دخلتي مسار العلمي.. ع********الك شاطرة وايد! [/rtl]
[rtl]نورة: ههههه.. لا بس أدري أني أذكى منكم و ما حبيت أنافسكم في نفس المجال! [/rtl]
[rtl]هدى: وووووووووووه!!! ما قول إلا فلحتي بهالغرور اللي فيك! [/rtl]
[rtl]أمل و هي تشوف ساعتها: تأخرنا.. يلا نورة قومي تبرزي بسرعة [/rtl]
[rtl]نورة و هي مستغربة من الكلام اللي أمل قاعدة توجه لها: ليش؟!! وين بنروح؟!! [/rtl]
[rtl]هدى: كيف ما تدرين و عمتك هي اللي أتصلت فينا و أقترحت علينا الموضوع! [/rtl]
[rtl]نورة: أي موضوع! و متى كلمتوا عمتي؟!! [/rtl]
[rtl]أمل: عمتك إتصلت فينا و خبرتنا أن عندك شوية مشاكل مع المنهج فـــ.. [/rtl]
[rtl]هدى و هي تكمل على كلام أمل: إقترحت أن نروح دروس خصوصية عند إستاذ في المعهد [/rtl]
[rtl]الجديد اللي فتحوه جنب مدرستنا أنا و أمل. [/rtl]
[rtl]نورة: معهد! ليش نروح معهد إذا نروح المدرسة! [/rtl]
[rtl]هدى: عشان نخرطها في المدرسة و نتعلم بطريقة مبسطة أكثر في المعهد طبعا! [/rtl]
[rtl]أمل: ههههههههه.. و مين قال إن ما نخرطها في المعهد بعد! [/rtl]
[rtl]هدى: أي والله و إنتي الصاجة.. بس هالسنة راح نعقل لأن نورة معانا.. يلا قووووومي يا [/rtl]
[rtl]نورة بعد أقل من 10 دقايق الدرس! [/rtl]
[rtl]نورة: لحظة أنا أصلا مجالي غير عن مجالكم! يعني دروسنا غير[/rtl]
[rtl]أمل: لا يا حلوة.. المواد اللي سجلناها مثل العربي و الإنجليزي كل المجالات ياخذونها.. يلا [/rtl]
[rtl]قومي يلااا![/rtl]

[rtl]لبست نورة عبايتها اللي أشترتها لها عمتها أول ما جات من مصر.. كانت مطرزة بخيوط [/rtl]
[rtl]ذهبية على منطقة الظهر و قليل على اليدين.. و قامت و ربطت شعرها بربطة بنفس لون [/rtl]
[rtl]الخيوط اللي في العباية.. و خذت معاها قلم و دفتر و نزلت تحت مع هدى و أمل. [/rtl]

[rtl]طلعوا هدى و أمل برع البيت.. إلا نورة وقفت في مكانها تشوف عمتها و هي ماعطتها [/rtl]
[rtl]ظهرها و كان المصحف بين يدها و تقراه.. حست نورة بالذنب لما قالت لعمتها أنها ما [/rtl]
[rtl]تحبها.. فاللي سوته عشانها أحين بين لها أنها حقا تحبها و خايفة على مصلحتها. [/rtl]
[rtl]مشت نورة و ركبت السيارة مع أمل و هدى.[/rtl]

[rtl]وصلوا البنات عند المعهد.. نزلوا من السيارة و كان عند الباب كثير أولاد متجمعين..[/rtl]
[rtl]هدى: من الأشكال اللي تدرس في هالمعهد أنا مو مرتاحة[/rtl]
[rtl]أمل: ههههه.. أي والله[/rtl]
[rtl]نورة دخلت المعهد مع أمل و هدى و هي منزلة راسها[/rtl]
[rtl]لأن الأولاد اللي كانوا واقفين ما تم نغزة ما قطوها![/rtl]
[rtl]هدى: لازم نسأل المرأة اللي هناك في أي صف قاعد مدرسنا الخاص؟[/rtl]
[rtl]هدى قامت و مشت عند المرأة اللي تشتغل في إستقبال المعهد [/rtl]
[rtl]هدى: السلام عليكم[/rtl]
[rtl]المرأة: و عليكم السلام.. كيف أساعدكم؟[/rtl]
[rtl]هدى: والله أحنا سجلنا لدرس خصوصي بإسم..[/rtl]
[rtl]و إستمرت هدى تناقش المرأة عن درسهم بس نورة كان تركيزها بعيد عنهم..[/rtl]
[rtl]لأنها إلمحت ولد شكله يدرس في المرحلة الجامعية واقف عند الباب..[/rtl]
[rtl]كان طويل و حنطاوي.. لابس الثوب و الشماغ.. و كان الصراحة شكله يهبل[/rtl]
[rtl]كان واقف يناظرها من بعيد و هي من دون ما تحس بادلته النظرات[/rtl]
[rtl]بس الشي اللي خلاها تبعد نظرها عنه هو دخول مريم لداخل المعهد!!![/rtl]

[rtl]في هالحزة نورة لفت وجها أسرع ما يمكن عشان مريم ما تشوفها و تعرفها[/rtl]
[rtl]نورة بصوت مرتبك: يلا هدى راح نتأخر.. يلا بسرعة[/rtl]
[rtl]هدى و هي مستغربة من حالة نورة: أنشالله شفيك مستعلجة[/rtl]
[rtl]نورة: لا بس راح نتأخر!!![/rtl]
[rtl]بعد ما خلص الدرس و طلعوا نورة و البنات من المعهد و هم زهقانين من الدروس..[/rtl]
[rtl]وقفوا برع عند الباب ناطرين سايق أمل ياخذهم و يردهم البيت[/rtl]
[rtl]أمل و هي تطالع موبايلها: أوووووه! وينه هذا! أنا قلت له أن يجينا بالضبط على الوقت![/rtl]
[rtl]هدى: معليش.. بس أهم شي ما يتأخر عن ال7 لأن أمي راح تذبحني إذا تأخرت![/rtl]
[rtl]نورة وقفت في مكانها و هي تشوف الولد اللي شافته قبل الدرس و هو يركب سيارته و [/rtl]
[rtl]يمشي.[/rtl]
[rtl]هدى: نورة شفيك ساكتة؟[/rtl]
[rtl]نورة: لا ولا شي..[/rtl]
[rtl]مرة وحدة تطلع مريم من المعهد و تشوف نورة واقفة[/rtl]
[rtl]مريم و هي في مكانها: نورة؟؟![/rtl]
[rtl]نورة جاتها حالة توتر.. لأنها لما شافت الصدمة على وجوه أمل و هدى خافت..[/rtl]
[rtl]لأنهم كانوا يظنون أن مريم ولد يعرف أسمها![/rtl]

[rtl]جات مريم لعند نورة و قالت لها: يا فرحتي لما شفتك[/rtl]
[rtl]نورة بتصنع: هههههه..[/rtl]
[rtl]إلتفتت مريم على أمل و هدى: أنا مريم.. رفيجة نورة في المدرسة[/rtl]
[rtl]وجوه أمل و هدى إرتخت شوي لما سمعوا إسم بنت[/rtl]
[rtl]هدى: هلا مريم.. أنا هدى[/rtl]
[rtl]أمل: و أنا أسمي أمل[/rtl]
[rtl]مريم: عاشت الأسامي..[/rtl]
[rtl]هدى: عاشت أيامك.. بس نورة ما جابت طاريك.. هي أصلا قالت أنها ما تعرفت على بنات [/rtl]
[rtl]جدد![/rtl]
[rtl]هدى عطت نورة نظرة غريبة[/rtl]
[rtl]نورة: لأن توني اليوم تعرفت عليها و ما حبيت أفشي علاقتنا[/rtl]
[rtl]مريم و إبتسامة فخر على وجها: أي طبعا لأن علاقتنا توها في بدايتها.. ليلحين ما دخلنا في [/rtl]
[rtl]الجد!![/rtl]
[rtl]أمل و هدى طالعوا نورة و نظرات الإستفهام على وجوهم لأنهم فسروا كلام مريم شي ثاني[/rtl]

[rtl]مريم: أنزين يا نورتي.. في أحد يوصلكم و لا تبوني أوصلكم؟[/rtl]
[rtl]نورة: لا مشكورة فيـــ..[/rtl]
[rtl]أمل تقاطع نورة: والله في أحد بس شكله راح يتأخر علينا[/rtl]
[rtl]مريم: في هالحالة لااااااازم أوصلكم.. مب عدلة بنات حلوين مثلكم واقفين في الشارع [/rtl]
[rtl]هالحزة.. يلا أمشوا معاي[/rtl]
[rtl]نورة: والله مافي داعي.. ما عندي مانع أوقف في الشارع[/rtl]
[rtl]مريم: على راحتك.. يلا هدى و أمل خلنا نمشي[/rtl]
[rtl]نورة: لا لا لا.. عاد ما يصيير تركوني بروحي![/rtl]
[rtl]مريم وهي تفتح باب الكروزر لنورة: هاهاهاي.. كنت دارية أنك جبانة[/rtl]

[rtl]بعد ما وصلت مريم نورة و هدى بيوتهم.. وصلت عند بيت نورة و وقفت[/rtl]
[rtl]إلتفتت مريم على نورة و قعدت تناظرها[/rtl]
[rtl]نورة حست بعدم الإرتياح لأنها بروحها في السيارة مع مريم و كان الهدوء مغطي على الجو[/rtl]
[rtl]نورة: مشكورة ما قصرتي و أنشالله أردها لك[/rtl]
[rtl]مريم: تبين تردينها لي أحين؟[/rtl]

[rtl]نورة: هاا؟؟ شلون؟![/rtl]
[rtl]قعدت مريم تأشر على خدها بصبعها و هي تطالع نورة[/rtl]
[rtl]نورة فهمتها أنها تبغى بوسة منها.. بس ما عطتها وجه[/rtl]

[rtl]مريم: يعني ما راح تعطيني بوسة.. من شنو خايفة يعني.. أنا بنت.. من جنسك يعني[/rtl]
[rtl]نورة ما كان عندها جرأة كافية عشان تقول لمريم أنها ولد أكثر من هي بنت بنسبة [/rtl]
[rtl]كبيييييرة![/rtl]
[rtl]نورة: بصراحة مو عن شي بس أنا ما أرتاح أن أعمل شي كذا[/rtl]
[rtl]مريم طالعت نورة و خذت المسألة بطريقة "خلك ايزي"[/rtl]
[rtl]مريم: أوكي على راحتك بس هذا ما يعني إن أنتي رديتي المعروف[/rtl]
[rtl]نورة إبتسمت لمريم و إفتحت باب السيارة و انزلت[/rtl]
[rtl]نورة: يلا مع السلامة.. شكرا مرة ثانية[/rtl]
[rtl]مريم: العفو نورتي.. يلا نشوفك بكرة..[/rtl]

[rtl]مشت مريم من عند نورة و هي وقفت مكانها بجنب باب بيتهم و بعدين دخلت[/rtl]

[rtl]لما دخلت نورة البيت شافت عمتها جالسة بالصالة تشاهد تلفزيون[/rtl]
[rtl]راحت لعندها و جلست بجنبها[/rtl]
[rtl]خذت يدها و حبتها..[/rtl]
[rtl]نورة: أنا آسفة عمتي.. ما كان قصدي اللي قلته..[/rtl]
[rtl]سلوى: حبيبتي أنا مو زعلانة منك.. أصلا كيف أزعل من قمر مثلك[/rtl]
[rtl]نورة ماتت من الفرح على الرد اللي حصلته من عمتها[/rtl]
[rtl]نورة: يعني سامحتيني؟[/rtl]
[rtl]سلوى: أي أكيد سامحتك بعد شلون.. المهم عندي موضوع أناقشه معاك..[/rtl]
[rtl]نورة: قولي عمتي.. أنا سامعتك[/rtl]
[rtl]سلوى: راح أقولك أياه بكرة.. الساعة 9 أحين و لازم تنامين وراك مدرسة[/rtl]
[rtl]نورة: لا يا عمتي أبي أسمعه أحين[/rtl]
[rtl]سلوى عطت نورة نظرة معناها "سوي اللي أقولك أياه"[/rtl]
[rtl]و نورة فهمتها على الطاير..[/rtl]
[rtl]نورة: أنشالله أروح أحين..[/rtl]
[rtl]ركبت نورة الدرج و دخلت غرفتها لتنام.[/rtl]

[rtl]صباح اليوم الثاني كان مقلق بالنسبة لنورة.. فهي ما شافت العنود من بعد شجارهم.[/rtl]
[rtl]و بعد زيادة علاقتها مع مريم.. فهي ما تعرف كيف تتصرف حولينها و حولين شوق القريبة [/rtl]
[rtl]لمريم.[/rtl]
[rtl]دخلت نورة المدرسة ما راحت الطابور الصباحي.. لأنها في تلك الفترة ما كانت تبي تشوف [/rtl]
[rtl]العنود و ولا مريم.[/rtl]
[rtl]جلست نورة في مكانها طول الحصص الثلاث. لما صار الوقت وقت الفسحة.[/rtl]
[rtl]قررت نورة تقوم من مكانها و تدور عن العنود عشان تكلمها.[/rtl]
[rtl]قعدت تدور بين الممرات و تطل داخل الصفوف ليما شافت العنود من بعيد حالسة بروحها [/rtl]
[rtl]على عتبة درج الصالة الرياضية.[/rtl]

[rtl]كانت توها متجهة صوبها.. و العنود لاحظت أنها جاية صوبها..[/rtl]
[rtl]بس يا فرحة ما تمت.. مريم وقفت في وجه نورة[/rtl]
[rtl]مريم: هلاااا والله بالقمر..[/rtl]
[rtl]نورة و تركيزها على العنود وهي ما ماعطة مريم أي إعتبار: هلا مريم..[/rtl]
[rtl]مريم: أنا ما قلت لك أن لازم أعرفك على الربع.. تراهم واقفين هناك.. أمشي معاي[/rtl]
[rtl]نورة: أنا مشغولة شوي و لازم أمشـــــ..[/rtl]
[rtl]ما خلصت نورة كلامها إلا مريم جارتها من يدها صوب ربعها..[/rtl]
[rtl]مريم بصوت عالي: يا ناس بعرفكم على بنت تهبل..[/rtl]
[rtl]نورة كانت تناظر العنود و هي تقوم من مكانها بإستعجال و تختفي عن النظر..[/rtl]
[rtl]فهالحظة درت نورة أن العنود شافتها مع مريم و كيف كانت تكلمها[/rtl]
[rtl]فهي تدري أن العنود ما تحب بنات مثل مريم و شلتها.[/rtl]
[rtl]مريم و هي تشير على البنات اللي جدامها هي و نورة: نورة بعرفك عليهم.. هذي فاطمة و [/rtl]
[rtl]سمر و رهام و البنت اللي قاعدة تتضحك هناك هي هيفاء و اللي جنبها إسمها حصة..[/rtl]
[rtl]نورة ما كانت مهتمة شنو نورة قاعدة تقول لأن فكرها كله مع العنود[/rtl]
[rtl]نورة: أهههههه.. تشرفت أني ألتقي بكم..[/rtl]
[rtl]مريم و البنت اللي أسمها سمر قعدوا يتضحكون..[/rtl]
[rtl]سمر: كأنها جاية تحاضرنا..[/rtl]
[rtl]مريم و هي ليلحين فيها الضحكة: لا عاد ما ارضى عليها.. لو كانت بنت كريهة ممكن أرضى بس [/rtl]
[rtl]لأنها..[/rtl]
[rtl]سمر: هاهااهااااي.. فهمتك عدل[/rtl]
[rtl]نورة ما فهمت قصد مريم و سمر فبس سكتت..[/rtl]
[rtl]مريم بصوت عالي: أنزين يالحلوين..[/rtl]
[rtl]الكل سكت عشان يسمع شنو عند مريم[/rtl]
[rtl]مريم و هي تخاطب الكل: اليوم يوم الأربعاء.. فاللمة ذي راح تكون بعدين في بيتنا و اللي ما [/rtl]
[rtl]تجي يا ويلها مني يوم السبت!![/rtl]
[rtl]مرة وحدة نقزت فاطمة: بنات الجامعة راح يكونوا هناك؟[/rtl]
[rtl]مريم: أكيد.. كل من فن راح يجي..[/rtl]
[rtl]فاطمة: أهم شي بويات الجامعة يجون!![/rtl]
[rtl]و الكل قعد يضحك إلا نورة..[/rtl]
[rtl]مريم: أي بس هاي اللي هامك.. ترى ما يبونك فلا تحاولين.. المهم تعالوا[/rtl]
[rtl]و رن جرس إنتهاء الفسحة و قاموا كل البنات و تفرقوا لصفوفهم..[/rtl]
[rtl]بس مريم و نورة وقفوا في مكانهم.. مريم: طبعا بتجين اليوم.. لا تقولين لا لازم ترى أنتي [/rtl]
[rtl]من المدعوين تحت لائحة الأسماء الvip[/rtl]
[rtl]نورة و هي تضحك: لا والله[/rtl]
[rtl]مريم: بالنسبة لي.. أنتي الإسم الوحيد اللي على هاللائحة أصلا![/rtl]
[rtl]نورة ضحكت لمريم و مشت عنها لأنها لازم تروح عالصف[/rtl]
[rtl]مريم و هي تصرخ من بعيد: يعني أي؟؟ راح تجين؟؟![/rtl]
[rtl]نورة: بفكر[/rtl]
[rtl]و قامت مريم و حطت إيدها على قلبها و كأنه يألمها..[/rtl]
[rtl]نورة بس اللي فكرت فيه ليش مريم تعاملها بهالطريقة[/rtl]
[rtl]بس التفسير الوحيد اللي لقته هو لأنها طيبة.. و بالنسبة للكلام اللي سمعته من العنود هذا [/rtl]
[rtl]الشي مستحيل.[/rtl]

[rtl]الفصل السابع: الحفلة و الحقيقة[/rtl]

[rtl]مرت الحصص الأخيرة و كأن مدتهم دقيقة بس[/rtl]
[rtl]و لما رن جرس الهدة كل البنات قاموا من مكانهم بس نورة تمت جالسة في مكانها على أمل [/rtl]
[rtl]أن العنود راح تجيها[/rtl]
[rtl]جات وحدة من بنات الصف و وقفت عند نورة[/rtl]
[rtl]البنت: نورة ممكن أكلمك؟[/rtl]
[rtl]تفاجأت نورة.. لأن عمرها هالبنت ما كلمتها[/rtl]

[rtl]نورة: أكيد ممكن تكلميني![/rtl]
[rtl]و تقوم البنت و تجلس على الكرسي اللي جدامها[/rtl]
[rtl]البنت: اليوم في الفسحة شفت مريم تكلمك.. يعني أنتي رفيجتها؟[/rtl]
[rtl]نورة ما توقعت البنت تسألها هالسؤال![/rtl]
[rtl]نورة بتعجب: أي.. يمكن تقولين كذا[/rtl]
[rtl]البنت و هي ميتة من الفرح: صج!!!! والله وناسة![/rtl]
[rtl]نورة ما كانت قاعدة تفهم ليش هالبنت متخرعة أنها صديقة مريم[/rtl]
[rtl]البنت: أبيك تقولين لي كل شي عنها! هي مغرورة مثل ما سمعت؟![/rtl]
[rtl]نورة قامت من مكانها و قالت للبنت: لازم أروح أحين تأخرت[/rtl]
[rtl]البنت: يوم السبت قولي لي كل شي!! هههههه[/rtl]

[rtl]مشت نورة بسرعة عن البنت و طلعت برع الصف و هي ما تعرف شنو سالفتها من[/rtl]
[rtl]هالأسئلة[/rtl]
[rtl]نورة طول حياتها تربت على أن ما تتكلم على الناس من وراهم و أن ما تفشي أسرارهم[/rtl]
[rtl]فحست أن هالبنت أسألتها سخيفة![/rtl]
[rtl]مشت نورة لعند السيارة و كانت توها تبي تفتح الباب إلا تسمع أحد يصرخ[/rtl]
[rtl]"نووووووووووووووووووورة"[/rtl]
[rtl]إلتفتت إلا تشوف مريم تركض لها من بعيد[/rtl]
[rtl]وصلت لعندها و في الحال تقولها[/rtl]
[rtl]مريم: هذا عنوان بيتنا.. تذكريه.. أو أقولك كتبيه أحسن[/rtl]
[rtl]نورة و هي مستغربة: ليش؟؟!![/rtl]
[rtl]مريم: عشان تجيين الحفلة اليوم!! لا تقولين نسيتي تراني بزعل!![/rtl]
[rtl]نورة بتصنع: لا لا!! شلون أنسى![/rtl]
[rtl]مريم: المهم.. هذا العنوان...[/rtl]
[rtl]كتبت نورة العنوان عندها و لما رفعت راسها شافت شوق واقفة في مكانها تناظرها بإحتقار [/rtl]
[rtl]و كأنها بايقة حلالها![/rtl]
[rtl]مريم: نشوفك اليوم.. باي[/rtl]
[rtl]مشت مريم من عند نورة و راحت لعند شوق.. نورة وقفت تشوفها تكلم شوق شوي و بعدين [/rtl]
[rtl]مشت.[/rtl]

[rtl]ركبت نورة السيارة و هي ما عارفة كيف تخلي مشاعرها..[/rtl]
[rtl]هل تفرح لأنها راح تروح لأول حفلة لها في بلدها و في بيت مريم كمان[/rtl]
[rtl]ولا تحزن لأنها ما تراضت مع العنود و لازم تنتظر للسبت عشان تلاقيها[/rtl]
[rtl]اللي كان في بالها أن لازم تروح الحفلة لأن من اللي تشوفه مريم وايد معتمدة عليها أن [/rtl]
[rtl]تحضر و حست إذا ما حضرت الحفلة راح تزعل عليها و ما راح تعاملها بنفس [/rtl]
[rtl]الطريقة اللي تعاملها الآن..[/rtl]
[rtl]نورة هذي أول مرة تلاقي أحد يعطيها كل هالإهتمام.. و حست بأن مريم تبي تتقرب لها.. [/rtl]
[rtl]صار لها بس ثلاثة أيام تعرفها![/rtl]
[rtl]كان في بالها أن تسأل مريم عن السبب وراء هالإعجاب و الإهتمام الزايد[/rtl]

[rtl]و الحفلة المكان المناسب لهالشي.[/rtl]

[rtl]أول ما دخلت نورة البيت كان أول شي في بالها تسويه أن تسأل عمتها إذا ممكن تروح [/rtl]
[rtl]الحفلة.[/rtl]
[rtl]كانت عمتها جالسة تشاهد التلفزيون.. راحت نورة و جلست بجنبها[/rtl]
[rtl]نورة: عمتي سلوى شلونك؟[/rtl]
[rtl]سلوى: حمد الله و إنتي كيف حالتك مع المدرسة؟![/rtl]
[rtl]نورة: والله بخير الحمد الله[/rtl]
[rtl]سكتت نورة شوي.. عمتها كان تركيزها على التلفزيون.. و قررت أن تفتح الموضوع[/rtl]
[rtl]نورة: عمتي ممكن آخذ أذنك في شي؟[/rtl]
[rtl]سكرت عمتها صوت التلفزيون و إلتفتت على نورة[/rtl]
[rtl]سلوى: آمري[/rtl]
[rtl]نورة: عندي صديقة في المدرسة.. في حفلة في بيتها اليوم.. كل بنات المدرسة راح يكونوا [/rtl]
[rtl]هناك..[/rtl]
[rtl]سلوى و هي فاهمة قصد نورة بس حبت تتغيبى: و المقصد من كلامك؟![/rtl]
[rtl]نورة: ممكن أروح؟![/rtl]
[rtl]سلوى: لا مو ممكن[/rtl]
[rtl]نورة: ممكن أعرف سبب رفضك؟[/rtl]
[rtl]سلوى: و شعرفني من هالبنت اللي عزمتك.. كيف أثق في بنت بس صار لك ثلاثة أيام [/rtl]
[rtl]تعرفينها![/rtl]
[rtl]نورة: لا صدقيني البنت طيبة.. حتى أنها وصلتني بنفسها البيت من المعهد بالأمس[/rtl]
[rtl]سلوى: بنفسها؟! معاك في المدرسة و تسوق سيارة!! كيف؟ راسبة هالبنت؟!![/rtl]

[rtl]نورة حست روحها غبية! قطت روحها في فخ هي عملته[/rtl]
[rtl]نورة: لا لا.. سايقهم هو اللي رجعني البيت[/rtl]
[rtl]سلوى: ها.. أنزين.. نورة انتي تعرفين كيف ثقتي فيك و ان أنا أدري أنك إذا رافجتي بنت [/rtl]
[rtl]تكون من أحسن ما يكون.. من كذا راح أرضى أنك تروحين الحفل[/rtl]
[rtl]نورة: صج عمتي!! والله أحبك![/rtl]
[rtl]سلوى: على شرط![/rtl]
[rtl]نورة: آمري..![/rtl]
[rtl]سلوى: قبل الساعة 10 تكوني في البيت.. إذا تأخرتي دقيقة بس.. ما راح أعطيك ثقتي مرة [/rtl]
[rtl]ثانية[/rtl]
[rtl]نورة: أنشالله.. ما راح أخيب ظنك فيني و عشان كذا راح آكل الغدا معاك اليوم[/rtl]
[rtl]سلوى: صج والله! تطور هذا.. أشوف نفسيتك أحسن.. ليكون السالفة مصلحة.. لأني خليتك [/rtl]
[rtl]تروحين الحفلة صرتي حليوة.. لا تخليني أهون أحين![/rtl]
[rtl]نورة: لا لا والله!! راح أروح أبدل أحين.. أشوفك بعد شوي[/rtl]
[rtl]سلوى: نورة قبل ما أنسى.. أبوك أتصل اليوم.. كان يبي يكلمك.. قلت له أنك راح تتصلي [/rtl]
[rtl]فيه لما ترجعي من المدرسة.[/rtl]
[rtl]نورة: ما أقدر أكلمه أحين.. أحس روحي جوعانة وايد و بعد الغدا لازم أبدل للحفلة.. برد [/rtl]
[rtl]عليه بكرة.[/rtl]
[rtl]سلوى: على راحتك..[/rtl]
[rtl]ركبت نورة غرفتها و ردت الباب.. سندت ظهرها على الباب و هي تفكر في أبوها[/rtl]
[rtl]كيف تكلمه من بعد ما عرفت عن زواجه القريب..[/rtl]
[rtl]و من بعد ما خيب ظنها.. نورة من هي صغيرة و هي تقول لنفسها أن أبوها ما راح يستبدل [/rtl]
[rtl]أمها لأن حبه لأمها كان قوي و لا يمكن لأحد بأن ياخذ مكانها.[/rtl]
[rtl]صكت نورة عينها و إلا وميض من الذكرى يجي في بالها[/rtl]
[rtl]تذكرت رحلتها مع أمها و أبوها للحديقة.. ما كانت تتذكر اللي صار بالضبط لأن كان من [/rtl]
[rtl]قبل سنين كثيرة. بس لقطات متقطعة في بالها[/rtl]
[rtl]كانت تشوف روحها و هي صغيرة عمرها ثلاث سنين بس..[/rtl]
[rtl]تركض في وسط الحديقة و أبوها يركض وراها و يحملها من يديها[/rtl]
[rtl]تذكرت وجه أمها كيف هو جميل و هي تضحك[/rtl]
[rtl]و فجأة شافت نورة روحها و هي جالسة في المستشفى و سمعت صرخات أبوها[/rtl]
[rtl]و كأن كل اللي يصيير جدامها حقيقة تعيشها في هاللحظة![/rtl]

[rtl]فتحت نورة عينها إلا تشوف روحها نايمة على الأرض جنب الباب بثياب المدرسة[/rtl]
[rtl]و عمتها واقفة بجنبها[/rtl]
[rtl]سلوى: نورة شفيك تصرخين حبيبتي؟! خرعتيني![/rtl]
[rtl]نورة: أصرخ؟! ليش أصرخ؟![/rtl]
[rtl]سلوى: كنتي تحلمين.. عبالي شي صار لك[/rtl]
[rtl]نورة: شكله هذا اللي صار.[/rtl]
[rtl]سلوى وهي مبتسمة: قومي غسلي وجهك حبيبتي و تغدي.. راح تتأخري عن الحفلة.[/rtl]

[rtl]صارت الساعة 6 و نورة كانت متأخرة على الحفلة[/rtl]
[rtl]لبست نورة تنورة توصل لتحت ركبتها لونها بيج مع بادي بني مطرز بلون البيج يغطي [/rtl]
[rtl]رقبتها و يده قصيرة..[/rtl]
[rtl]و لبست نعالة بنية و طبعا أقراط تناسبها و تناسب شعرها اللي كانت هادته على طوله.[/rtl]
[rtl]قررت نورة أنها ما تتبرج.. لأن هالشي بعيد عن عادتها.. فتحس أنها تكون طبيعية أفضل.[/rtl]
[rtl]ركبت نورة السيارة و عطت السايق العنوان و هو وصلها لبيت مريم.[/rtl]
[rtl]جلست نورة في السيارة شوي قبل ما تنزل لأن كثر السيارات اللي كانوا موقفين عند الباب[/rtl]
[rtl]خرعها شوي.[/rtl]
[rtl]بس خذت نفس عميق و طلعته و نزلت من السيارة.[/rtl]
[rtl]كان البيت شكله جميل من الخارج و كان كبير في نفس الوقت.[/rtl]
[rtl]رنت جرس البيت مرة بس ولا أحد فتح لها الباب.. رنته مرة ثانية و إلا نفس الشي![/rtl]
[rtl]آخر شي قررت تدخل بنفسها و إلا تشوف باب البيت مفتوح[/rtl]
[rtl]أول ما دخلت تشوف غرفة الإستقبال مزدحمة من البنات.. كل الأشكال و كل الأعمار.. حتى [/rtl]
[rtl]بنات ما قد مرة شافتهم في المدرسة.[/rtl]
[rtl]و الموسيقى صوتها على الآخر![/rtl]

[rtl]إلا سمر و فاطمة يلمحونها من بعيد و يجون لعندها.[/rtl]
[rtl]كانت فاطمة لابسة بادي من غير أكمام لونه وردي و تنورة بيضة قصيرة و سمر كانت [/rtl]
[rtl]لابسة جينز "baggy" أزرق واسع مع قميص واسع لونه أحمر.[/rtl]
[rtl]سمر و هي تكلم نورة بصوت عالي: انتي نورة؟! صح؟![/rtl]
[rtl]نورة: أي أنا نورة[/rtl]
[rtl]سمر: شنو!!؟؟ ما أسمعك؟![/rtl]
[rtl]نورة و هي ترد عليها بصراخ: قلت أي أنا نورة![/rtl]
[rtl]سمر بسخرية: شوق راح تستانس لما تشوفك هنا! ههههه راحت على حموود![/rtl]
[rtl]نورة و هي تصرخ: شنو؟! ما سمعتك؟![/rtl]
[rtl]فاطمة: مو لازم تعرفي.. تعالي معاي[/rtl]
[rtl]فاطمة خذت نورة لداخل حمام الضيوف[/rtl]
[rtl]فاطمة: بليز قولي أنك نسيتي تتبرجين[/rtl]
[rtl]نورة: ها؟! ليش؟![/rtl]
[rtl]فاطمة: مو عن شي بس ما في بنت هنا ما تتبرج.. إلا البويات طبعا.. لا تقولين لي أنك بوية [/rtl]

[rtl]ناعمة؟![/rtl]
[rtl]نورة: لا لا.. بس أنا ما أحب أحط المكياج وايد[/rtl]
[rtl]فاطمة: زين أنا عندك!!![/rtl]
[rtl]قامت فاطمة و قلبت حقيبتها و فرغت كل المكياج اللي داخل[/rtl]
[rtl]فاطمة: خلك ثابتة و ساكتة و أنا راح أعمل كل شي[/rtl]
[rtl]نورة فتحت عينها على الآخر و بس قعدت تطالع المكياج و هو في كومة من كثره[/rtl]

[rtl]برع في الحفل و في الزحمة.. كانت مريم واقفة مع شوق[/rtl]
[rtl]مريم كانت لابسة جينز ديرتي باللون الأخضر.. مع قميص أخضر و عليه جاكيت أسود و [/rtl]
[rtl]كانت مسرحة شعرها بالجيل. شوق كانت لابسة فستان أسود قصيــر و عليه جاكيت جينز [/rtl]
[rtl]ضيج.. و كانت عاملة شعرها فير[/rtl]
[rtl]شوق كانت تسولف مع بنتين و مريم بس كانت واقفة في مكانها و ما معطاتهم أي إنتباه.. [/rtl]
[rtl]كانت ناطرة لما نورة تجي.[/rtl]
[rtl]مرة وحدة شوق سكتت و إلتفتت على مريم[/rtl]
[rtl]شوق و هي تضحك: مريم إنتي كنتي معاي لما صارت السالفة.. قولي لهم كيف كنت خايفة![/rtl]
[rtl]مريم سكتت تطالع البنتين و هم ناطرينها تتكلم.. كانت ضايعة في السالفة و ما كانت تعرف [/rtl]
[rtl]شنو اللي كانت تتكلم شوق عنه للبنتين![/rtl]
[rtl]مريم و هي تركب أي كلام: أهههه.. كانت.. ميتة من الخوف![/rtl]
[rtl]شوق و هي تكمل السالفة: أيــــــي!.. و قعدت أصيح..[/rtl]
[rtl]إلتفتت مريم إلا تشوف نورة و هي توها خارجة من حمام الضيوف مع فاطمة[/rtl]
[rtl]مريم: شوق أبي سمر في شي بسيط.. راح أرجع[/rtl]
[rtl]شوق من غير إهتمام: !ok whatever[/rtl]

[rtl]قامت مريم من عند شوق و مشت لعند نورة[/rtl]
[rtl]وقفت جدامها تناظرها و كان راس نورة منزل تطالع الأرض[/rtl]
[rtl]و لما رفعته إستغربت مريم كيف شكل نورة مختلف بالمكياج[/rtl]
[rtl]عيونها السودة كان شكلها روعة بالكحل الأسود الغامج و شفايفها ناعمين بالحمرة الوردية [/rtl]
[rtl]الفاتحة.[/rtl]
[rtl]مريم: واااااااااو!! الستايل رووعة![/rtl]
[rtl]نورة قعدت تضحك[/rtl]
[rtl]مريم: ما تدرين شلون أنا فرحانة لأنك جيتي!![/rtl]
[rtl]نورة: حتى أنا فرحانة.. تدرين هذي أول حفلة أجيها في البلد![/rtl]
[rtl]مريم: صج..[/rtl]
[rtl]سكتت مريم لأنها سمعت الأغنية تتغير لأغنية رقص rap و كانت تدري شنو راح يصيير.[/rtl]
[rtl]سمر: حمووووود تعال بـــســــرعــــة!![/rtl]
[rtl]نورة: من حمود؟! في ولد هنا؟![/rtl]
[rtl]مريم و هي تضحك: أنا حموود.. ههههه[/rtl]
[rtl]سمر وهي تصرخ: حمووووووووود![/rtl]
[rtl]مريم: يووووووه!.. بخليك دقيقة و راح أرجع.. أوكي؟[/rtl]
[rtl]نورة: أوكي[/rtl]

[rtl]وقفت نورة في مكانها إلا تشوف كل البنات يتجمعون و هم يصارخون[/rtl]

[rtl]قالت نورة لازم تشوف شصاير.. مرت نورة من بين البنات عشان تشوف على شنو كانوا [/rtl]
[rtl]متجمعين..[/rtl]
[rtl]إلا تشوف بنات يرقصون رقص break dance على الأغنية[/rtl]
[rtl]كانت سمر من بين البنات و مريم كانت واقفة على جنب[/rtl]
[rtl]سمر قامت و وقفت على يدينها و قاموا البنات يصرخون لها[/rtl]
[rtl]دخلت مريم في الوسط و قامت عملت شقلبة على ورا و البنات كلهم يصرخون لها[/rtl]
[rtl]نورة كانت تطالع بدهشة.. كيف مريم و سمر يقدرون يرقصون بهالطريقة!![/rtl]
[rtl]هي شافت في مصر هالنوع من الرقص لكن كانوا أولاد اللي يرقصوا![/rtl]
[rtl]مرة وحدة تدخل شوق في الوسط لعند مريم و تلصق فيها و ترقص بس رقص dirty dancing[/rtl]
[rtl]نورة تطالع شوق و كيف كانت ترقص مع مريم و هي تفكر: كيف ترقص كذا جدام هالقد [/rtl]
[rtl]بنات!!![/rtl]
[rtl]كانوا ربع مريم هيفاء و حصة واقفين جنب نورة[/rtl]
[rtl]هيفاء و هي تكلم حصة: يا ربي على الثقة الزايدة![/rtl]
[rtl]حصة ترد عليها: ما عليك منها إلا تبي الكل يشوفها مع مريم..[/rtl]
[rtl]هيفاء: ههههههه ما أصدق![/rtl]
[rtl]نورة سمعت كلامهم و هي مستغربة![/rtl]

[rtl]مرة وحدة وقفت مريم من الرقص و طلعت برع زحمة البنات.. تخصبقت شوق لأنها كانت [/rtl]
[rtl]ترقص مع مريم و ما توقعتها تمشي عنها في وسط الرقص![/rtl]
[rtl]حست شوق بالإحراج.. هيفاء و حصة قعدوا يتضحكون.. قامت شوق ترقص بجنب سمر [/rtl]
[rtl]عشان ترقع السالفة.[/rtl]
[rtl]نورة كانت ليلحين واقفة في مكانها إلا تحس أحد يمسك يدها و يسحبها لبرع الزحمة[/rtl]
[rtl]مريم: تمللت بصراحة.. أمشي نطلع برع للحديقة[/rtl]
[rtl]نورة: هااا؟! هذي حفلتك ما يصيير تتركين البنات بروحهم؟![/rtl]
[rtl]مريم: شوفيهم؟! تتوقعينهم يحسون أني مو موجودة![/rtl]
[rtl]طلعت نورة مع مريم لحديقتهم اللي ورى البيت..[/rtl]
[rtl]كانت واسعة و جميلة.. حوض سباحة كبير و ساحة مخصصة لكرة السلة بجنبها و على[/rtl]
[rtl]أطراف الحديقة على طول سور البيت ورود و أشجار..[/rtl]
[rtl]نورة كانت جالسة على كرسي الحديقة تشوف مريم و هي تلعب بكرة السلة[/rtl]
[rtl]كانت مريم تغني بصوت خفيض من دون ما تدري أن نورة تقدر تسمعها[/rtl]
[rtl]إلتفتت على نورة و هي ساكتة[/rtl]
[rtl]نورة: كنت أسمعك..[/rtl]
[rtl]مريم: هههههه هذي اللي كنت أبي أعرفه.. بس راح أسكت أحسن لي[/rtl]
[rtl]نورة: لا لا.. تخيلي أني مو موجودة[/rtl]

[rtl]تركت مريم الكرة و جلست بجنب نورة[/rtl]
[rtl]مريم و هي تشيير على الساحة: شوفي هالساحة.. كانت كلها حشيش أحضر و أشجار.. و [/rtl]
[rtl]كان عليها أرجوحتين.. الأرجوحة اللي كانت على اليمين لي و اللي كانت على اليسار كانت [/rtl]
[rtl]لأخوي راشد.. لما حبل أرجوحته إنقطع.. أنا و هو كنا نتخانق على أرجوحتي![/rtl]
[rtl]نورة: هههههه حلوة القصة[/rtl]
[rtl]مريم: تتطنزين![/rtl]
[rtl]نورة: لا والله عجبتني السالفة خلصي..[/rtl]
[rtl]مريم: علينا!! ههههه.. المهم من بعد ما دخلت الإبتدائي صرت مدمنة شي أسمه كرة سلة.. [/rtl]
[rtl]كنت أحن ليل و نهار على أهلي أن يحطوا لي سلة عشان ألعب. في عيد ميلادي العاشر [/rtl]

[rtl]سافرت مع بيتنا أستراليا و لما رديت أبوي كان عامل لي مفاجئة.. كانت سفرتنا كلها خطة [/rtl]
[rtl]عشان يحول هالمساحة لملعب خاص بكرة السلة كهدية لي.. بصراحة ما أقدر أوصف [/rtl]
[rtl]شعوري لما شفت الملعب![/rtl]

[rtl]كانت نورة ساكتة و حاطة إيدها على خدها و هي تسمع مريم تتكلم[/rtl]
[rtl]حست أن هذي أول مرة أحد يكلمها و الكلام اللي يقوله جاي من قلبه![/rtl]
[rtl]مريم إلتفتت على نورة: شفيك سرحانة فيني؟! لهالحد عاجبتك![/rtl]
[rtl]نورة مرة وحدة إستوعبت و قعدت عدل[/rtl]
[rtl]نورة: لا بس إندمجت في السالفة[/rtl]
[rtl]شافت نورة أن هذي الفرصة المناسبة عشان تسأل مريم السؤال اللي ماخذ بالها[/rtl]
[rtl]نورة: مريم ممكن أسألك سؤال و تجاوبيني بصراحة؟![/rtl]
[rtl]مريم: سألي اللي تبينه عمري.[/rtl]
[rtl]نورة: ليش كل هالإهتمام فيني؟![/rtl]
[rtl]مريم و هي ما فاهمة قصد نورة: شنو! ما فهمت قصدك![/rtl]
[rtl]نورة: يعني أحنا بس صار لنا ثلاثة أيام نعرف بعض و لاحظت أنك تعامليني و كأني [/rtl]
[rtl]صديقتك من سنين!! و أنا بالنسبة لي.. قصدي بالنسبة للكل عامة".. هالشي غريب![/rtl]

[rtl]مريم سكتت تفكر في سؤال نورة.. و قامت أنسدحت على الكرسي و سندت راسها على [/rtl]
[rtl]رجلين نورة..[/rtl]
[rtl]ملامح نورة تغير.. ما توقعت هالحركة![/rtl]
[rtl]مريم: أممممم.. وجهك هو السبب[/rtl]
[rtl]نورة و هي تلمس وجها: وجهي! شفيه وجهي؟!!![/rtl]
[rtl]مريم: ههههههههه.. لا تخافين ما فيه شي.. بس جذبني[/rtl]
[rtl]نورة: جذبك! كيف؟![/rtl]
[rtl]مريم: من أول ما شفتك أول شي على البالي طرا أن لازم أتعرف عليك.. بصراحة أنعجبت [/rtl]
[rtl]فيك و حسيت أن أقدر أقول لك كل شي![/rtl]
[rtl]نورة: كل هذا من وجهي![/rtl]
[rtl]مريم: بس تدرين أنا شايفتك في مكان من قبل المدرسة![/rtl]
[rtl]نورة و هي مستغربة: صج!! وين؟؟![/rtl]
[rtl]مريم قامت و أشرت على القمر اللي في السما..[/rtl]
[rtl]نورة قعدت تضحك و مريم تضحك معاها..[/rtl]
[rtl]نورة: يعني هذي هي الحقيقة.. هذي سبب إعجابك و إهتمامك الزايد فيني.. لأني جميلة يعني![/rtl]
[rtl]مريم: يعني شتبيني أرد عليك.. "لا لأنك كريهة تلوعين الكبد!"[/rtl]

[rtl]نورة و مريم قعدوا يتضحكون..[/rtl]
[rtl]إلا مرة وحدة يسمعوا صوت شوق تتكلم[/rtl]
[rtl]شوق بحمق: لا كملوا قعدتكم الحلوة ذي!!![/rtl]
[rtl]مريم قامت من مكانها إلا تشوف شوق واقفة جدامهم[/rtl]
[rtl]شوق و هي تكلم نورة: و انتي شسالفتك؟! لايكون تحبينها و أنا ما أدري؟![/rtl]
[rtl]نورة كانت جالسة مكانها و هي ما كانت فاهمة قصد شوق..[/rtl]
[rtl]نظرات شوق لها كانت مخيفة لأنها حست أنها راح تقتلها![/rtl]
[rtl]مريم: شوق والله ما صار شي![/rtl]


[rtl]الجزء الثامن: السبت الأسود[/rtl]

[rtl]الجزء الثامن: السبت الأسود[/rtl]

[rtl]نورة تمت في مكانها من غير ما تتحرك[/rtl]
[rtl]بس مريم راحت لعند شوق[/rtl]
[rtl]مريم: شوق شفيك كنا نتكلم بس.. ما له داعي كل هالكلام[/rtl]
[rtl]شوق: مشيتي عني جدام كل البنات من غير ما تقولين لي عشان تقعدين هالقعدة الرومنسية معاها![/rtl]
[rtl]مريم: تمللت من كل هالإزعاج اللي داخل! و تمللت منك انتي! تبيني أمشي وراك 24 ساعة و كأني [/rtl]
[rtl]خادمتك مو حبيبتك![/rtl]
[rtl]نورة طالعت مريم و هي منصدمة! مو مصدقة أنها قالت لشوق هالشي![/rtl]
[rtl]شوق بحمق: شنو قصدك!! تبين تنهين اللي بينا و بسببها هي!![/rtl]
[rtl]مريم ما ردت عليها.. بس تمت واقفة تطالعها.. و مثل ما يقولون السكوت علامة الرضا و شوق فهمتها[/rtl]
[rtl]شوق: حلو.. وايد حلو! أنا اللي راح أنهي كل شي مو انتي![/rtl]
[rtl]إلتفتت شوق على نورة و هي تطالعها بنظرات إحتقار[/rtl]
[rtl]شوق: الله يهنيكم مع بعض.. راح تندمين على اللي سويتيه![/rtl]
[rtl]مشت شوق عنهم لداخل البيت و هي معصبة[/rtl]
[rtl]نورة ما فهمت قصد شوق من هالكلام.. و كانت مو مصدقة باللي صار[/rtl]
[rtl]كيف تنهي مريم علاقتها بشوق و هم على طول مع بعض[/rtl]

[rtl]نورة: مريم.. كل اللي صار بسببي.. أنا آسفة.. ما كنـــ..[/rtl]
[rtl]مريم و هي تقاطع نورة: لا لا..[/rtl]
[rtl]سكتت نورة و بدأت تصييح.. إلتفتت مريم عليها و راحت لعندها[/rtl]
[rtl]مريم: نورة شفيك تبجين؟![/rtl]
[rtl]نورة: أنا فرقت بينكم! مثل ما قالت هي.. كل هذا بسببي.. أنا جيت هنا اليوم عشان أسعدك مو عشان [/rtl]
[rtl]أزعلك و أفرقك مع صديقتك![/rtl]
[rtl]مريم و القهر طالع من عينها: و من قال أنك انتي السبب.. أنا عمري ما حبيت شوق.. ربعي هم اللي [/rtl]
[rtl]خلونا نصيير حبايب.. لأن على قالتهم "نطيح على بعض و راح نعمل حركة في المدرسة".. هم اللي [/rtl]
[rtl]عرفوني عليها.. بس ما يعرفون شوق الحقيقية! و ما يعرفون حقيقتي أنا كمان![/rtl]
[rtl]نورة سكتت و رفعت راسها إلا عينها في عين مريم.. مريم سكتت و هي تشوف عين نورة و هي تدمع [/rtl]
[rtl]و كيف الكحل سايح على خدها..[/rtl]
[rtl]مريم من غير ما تحس قالت اللي في قلبها لنورة..[/rtl]
[rtl]مريم: انتي أجمل من شوق.. بكثير[/rtl]
[rtl]نورة ما عرفت كيف ترد عليها و هي وجها جدام وجه مريم بالضبط[/rtl]
[rtl]نورة و هي تقوم من مكانها: أممم.. الساعة 10.. لازم أروح البيت.. عمتي راح تذبحني![/rtl]
[rtl]مريم: تبين أوصلك؟![/rtl]
[rtl]نورة و هي تمشي بعيد عن مريم: لا لا السايق ناطرني برع[/rtl]
[rtl]مريم وقفت تطالع نورة و هي تمشي لباب البيت من طريق الحديقة[/rtl]
[rtl]حست مريم أن نورة ما تقدر تعاملها مثل قبل من بعد اللي صار.. حتى هي ما تقدر تعاملها مثل قبل من [/rtl]
[rtl]بعد اللي صار..[/rtl]

[rtl]رجعت مريم لداخل البيت و البنات كانوا كلهم واقفين في مكانهم و هم ساكتين..[/rtl]
[rtl]الظاهر بسبب شوق الخبر انتشر بين البنات بسرعة البرق..[/rtl]
[rtl]مريم بكل هدوء: الحفلة خلصت..[/rtl]
[rtl]البنات كلهم قاموا و طلعوا برع البيت و راحوا على بيوتهم بس سمر و فاطمة راحوا لعند مريم قبل ما [/rtl]
[rtl]تركب فوق لدارها[/rtl]
[rtl]فاطمة: شوق قالت لنا شنو صار..[/rtl]
[rtl]مريم وقفت في مكانها و ما ردت عليها[/rtl]
[rtl]سمر: ما كان في داعي لكل الكلام اللي قلتي لها.. جات لعندنا و هي تبكي من القهر[/rtl]
[rtl]مريم: تبكي من الفشلة إلا.. لأني أنا اللي تخليت عنها[/rtl]
[rtl]سمر: أنتي قاعدة تسمعين شنو قاعدة تقولينه.. أحنا قاعدين نتكلم عن شوق.. بنت 24 ساعة كنتي [/rtl]
[rtl]معاها.. شنو صار لك أنك انقلبتي عليها مرة وحدة![/rtl]
[rtl]فاطمة: أنا بقولك شنو صار.. نورة.. فرت مخها و قلبتها ضد شوق.. أنا من أول ما شفتها عرفت أن[/rtl]
[rtl]هذي خطتها!![/rtl]
[rtl]مريم بحمق: نورة ما لها دخل.. خلوها برع السالفة![/rtl]
[rtl]سمر: راح نخليك أحين.. تفكرين باللي سويتيه.. و انشالله بكرة تردين لحواسك و تردين علينا..[/rtl]
[rtl]فاطمة و هي تهز راسها: مسكينة شوق..[/rtl]
[rtl]سمر و فاطمة مشوا من عند مريم و خلوها واقفة في مكانها و الحزن مغطي عليها[/rtl]

[rtl]في نفس الوقت كانت نورة تطالع برع جامة السيارة و الدمعة على خدها[/rtl]
[rtl]لما وصلت لعند البيت مسحت دمعتها[/rtl]
[rtl]دخلت البيت بكل هدوء و ركبت فوق لدارها[/rtl]
[rtl]عمتها سمعت صوتها تدخل البيت و لما أفتحت باب دارها شافتها نايمة في السرير و مغطية نفسها [/rtl]
[rtl]باللحاف.. ردت الباب و هي ما تدري أن نورة كانت تسوي روحها نايمة لأنها ما حبت تكلم عمتها في[/rtl]
[rtl]أي شي في تلك اللحظة..[/rtl]
[rtl]يومين الخميس و الجمعة مروا و كل اللي سوته نورة كان ثلاثة أشياء..[/rtl]
[rtl]تفكر في سالفة مريم و شوق.. تطلع أعذار لما يتصل أبوها عشان ما تكلمه.. و ثالث شي كان أنها [/rtl]
[rtl]إكتشفت شي جديد تعمله.. الأكل![/rtl]
[rtl]هذا شي ما كانت تعرف عن نفسها نورة.. هو لما تكون حزينة تاكل عشان تنسي روحها همومها..[/rtl]

[rtl]في يوم السبت كانت الساعة 7 الصبح و نورة جالسة في المطبخ لابسة ثياب المدرسة و تاكل بيض [/rtl]

[rtl]عاملته لنفسها..[/rtl]
[rtl]سلوى و هي داخلة المطبخ و الصدمة على وجها: نورة!!! شنو مقعدك هالحزة و من متى تاكلين بيض!![/rtl]
[rtl]نورة: ما كان في شي ثاني في الثلاجة آكله..[/rtl]
[rtl]قامت نورة و شربت كوب الحليب اللي جدامها كامل..[/rtl]
[rtl]نورة: خلص الحليب!![/rtl]
[rtl]ما صدقت سلوى اللي تشوفه.. قامت و جلست بجنب نورة على طاولة الطعام[/rtl]
[rtl]سلوى: نورة في شي مضايقك؟![/rtl]
[rtl]نورة انصدمت.. كيف عمتها درت أنها متضايقة و هي ما تبين لها شي[/rtl]
[rtl]نورة: أممم.. من قال أن في شي مضايقني.. ما فيني شي.. حتى شوفي.. قاعدة آكل كل شي في البيت لأول مرة!! ههههه[/rtl]
[rtl]سلوى: "التغير المفاجئ لعادات المراهقين هو أحد الأدلة بأنهم يعانون من شي".. أنا ما عندي أولاد [/rtl]
[rtl]بس أعرف هالشي! الأسبوع الجاي راح تكملين ال16 سنة يعني كبرتي و أي شي يضايقك راح أفهمه [/rtl]
[rtl]و أساعدك..[/rtl]
[rtl]سكتت نورة و فكرت كيف تطلع روحها من السالفة[/rtl]
[rtl]نورة: عمتي صدقيني لو كان في شي مصايقني انتي بتكونين أول وحد أقول لها..[/rtl]
[rtl]عمتها من ثقتها الكبيرة في نورة صدقت كلام نورة.. ما كانت تدري ان نورة تكذب عليها..[/rtl]
[rtl]سلوى: أنزين قومي بسرعة راح تتأخري عن المدرسة.. عندي مفاجأة لك بعدين..[/rtl]
[rtl]سكتت نورة و هي مبتسمة لعمتها.. شنو هالمفاجئة![/rtl]

[rtl]كانت نورة في السيارة بجنب المدرسة[/rtl]
[rtl]توها تبي تنزل إلا تشوف كروزر مريم توقف في مواقف المدرسة[/rtl]
[rtl]فخافت تنزل و تشوفها مريم.. تمت ناطرة ليما مريم تنزل من السيارة و تدخل داخل..[/rtl]
[rtl]بس مريم طولت ليما دخلت المدرسة و بهالسبب تأخرت نورة..[/rtl]
[rtl]نزلت نورة من السيارة و بكل سرعة راحت تركض للصف قبل ما يخلص الطابور الصباحي إلا أن [/rtl]
[rtl]المشرفة الإدارية شافتها و مسكتها[/rtl]

[rtl]المشرفة: كل يوم تأخير! هذي ثالث مرة لك! أمشي معاي على غرفتي
نورة مشت معاها على غرفتها.. دخلت و خرجت برع و في يدها إنذار أول..
نورة و هي رايحة عالصف: أففففف!
دخلت نورة الصف و عطت المعلمة عذر التأخير من عند المشرفة
مشت نورة لطاولتها و هي تسمع البنات يتهامسون
و لما جلست سمعت كلام البنات و كأنها قاعدة تشرب سم
"هذي نورة اللي فرقت من بين مريم و شوق"
"أنا شفتها تكلم مريم يوم الأربعاء في الفسحة و كمان في الهدة"
"سمعت أن مريم نامت على حضنها في بيتها!"
"و أنا سمعت أن شوق صادتها مع مريم في غرفتها!"
نورة حست بالدوار.. مرة وحدة سمعت المعلمة تقول إسمها..
المعلمة و ورقة في إيدها: نورة.. المشرفة تبيك في غرفتها
قامت نورة من مكانها و عيون البنات عليها
طلعت برع الصف و هي خايفة من اللي راح يصيير في غرفة المشرفة
فتحت نورة باب غرفة المشرفة و شافتها جالسة تكلم شخص جدامها..
المشرفة: نورة دخلي لداخل..
لما دخلت نورة الغرفة.. كانت أكبر صدمة في حياتها..
أبوها كان جالس..
نورة و هي منصدمة: أبوي!!..
أبو نورة كان جالس يطالع بنته و هو فرحان..
أبو نورة: نورة شفيك منصدمة من شوفتي..عمتك قالت لي أنها راح تخليها مفاجئة بس أنا ما صدقتها!
نورة وقفت في مكانها تطالع أبوها و هي تبلع ريجها..
أبو نورة: أنا قلت أجيك المدرسة أفضل.. لأني كنت أشك إذا انتي عندك وقت تكلميني في البيت من 

كثر إتصالاتي اللي ما تردين عليها.. خذيت إذن من مشرفتك و راح ترجعي معاي لبيت عمتك لأن في 
موضوع مهم حاب أكلمك فيه..
سكتت نورة و عينها تدمع.. ما كانت تقدر تطلع اللي في قلبها لأن المكان ما كان ملائم لهالشي..
أبو نورة قام من مكانه عشان يمشي هو و نورة..
أبو نورة و هو يكلم المشرفة: شكرا على كل شي.. تعبناك معانا..
المشرفة: لا والله ما سويت إلا واجبي! أصلا نورة بنتنا و نفتخر فيها..
ولا كأنها توها زافة نورة على تأخيرها و ماعطتها إنذار

مشت نورة لبرع الإدارة و وقفت متكتفة تطالع أبوها بنظرات إحتقار و عينها تدمع
أبو نورة: نورة شفيك ساكتة؟! مو فرحانة بشوفتي؟!
نورة بكل صراحة ردت على أبوها..
نورة: لا!
مشت نورة من عنده و طافت من جدام حارس المدرسة للخارج
أبوها كان لاحقها مو مصدق باللي سمعه!
الحارس و هو يصرخ على نورة: heeeeey! وين رايحة! دخلي داخل..
أبو نورة و هو يكلم الحارس: هي معاي.. أنا أبوها
الحارس: وين بطاقتك و بطاقتها عشان أشوف الدليل
أبو نورة بكل سرعة طلع بطاقته و بطاقة نورة.. كان يبي يلحق عليها
أبو نورة طلع للخارج و هو يمشي ورا نورة


[/rtl]

[rtl]أبو نورة: نورة.. نورة أحترمي أبوك و أوقفي له و كلميه[/rtl]
[rtl]نورة بكل حمق ردت على أبوها: أنا أعرف ليش أنت هنا!! مو لازم تقولي![/rtl]
[rtl]أبو نورة و هو متعجب من كلامها: أنا هنا عشان أشوفك لأنك واحشتني..[/rtl]
[rtl]نورة و هي تبجي: بس!! لا تكذب علي.. انت هنا عشان تقولي عن سالفة زواجك! أدري والله أدري![/rtl]

[rtl]أبو نورة من الصدمة كل اللي فكر أن يرد عليها هو: من قال لك هالكلام؟! عمتك؟![/rtl]
[rtl]نورة: لا.. عمتي ما قالت لي شي.. الظاهر كانت خايفة تقولي لي..[/rtl]
[rtl]أبو نورة: و ليش تخاف تقولك؟![/rtl]
[rtl]نورة: لأنها تخاف أزعل و أفقد عقلي![/rtl]

[rtl]أبو نورة: و ليش تزعلي! نورة أنا رجل كبير و لي حقوق و راح أتزوج على سنة الله و رسوله.. ليش [/rtl]
[rtl]تبجين و تزعلين؟!!![/rtl]

[rtl]سكتت نورة و إمسحت دموعها..[/rtl]
[rtl]نورة: لأنك راح تستبدل أمي.. و أنا طول عمري أقول لنفسي أنك مستحيل تعمل كذا![/rtl]
[rtl]أبوها سكت شوي و راح لعند نورة..[/rtl]
[rtl]أبو نورة: اللي تقولينه صح.. ولا أحد في الدنيا كلها يقدر ياخذ مكان أمك.. و لا حتى اللي راح [/rtl]
[rtl]أتزوجها.. بس هذا ما يعني أني أقفل على روحي الدنيا و ما أتزوج لهالسبب.. نورة أنتي بنت كبيرة و [/rtl]
[rtl]مفروض تعرفين هالشي..[/rtl]
[rtl]نزلت نورة راسها و قعدت تفكر للحظة[/rtl]
[rtl]أبو نورة: أنا جيت اليوم مو عشان أعايرك بزواجي.. جيت عشان آخذك معاي لمصر..[/rtl]
[rtl]رفعت راسها نورة و هي من الصدمة مو مصدقة اللي تسمعه..[/rtl]
[rtl]نورة بكل تعجب: ليش؟![/rtl]
[rtl]أبو نورة: ما تبين تردين لمصر و تعيشين معاي مثل قبل؟![/rtl]
[rtl]نورة ما ردت على سؤال أبوها لأنها تدري أن أبوها كان يبيها تعيش معاه و مع زوجته الجديدة على [/rtl]
[rtl]أساس أنها أمها الثانية.. بس هي مستحيل ترضا بهالشي..[/rtl]
[rtl]نورة: أبي أعيش هنا مع عمتي.. أنا أحبها وايد و ما أبي أتركها[/rtl]
[rtl]أبو نورة: و أنا يا نورة! راح تتركيني![/rtl]
[rtl]نورة: عندك زوجتك و عيالها اللي راح يجون في المستقبل.. راح يعوضونك عني و زيادة.. عمتي [/rtl]
[rtl]محتاجة لي أكثر منك![/rtl]
[rtl]مشت نورة من عند أبوها لعند باب المدرسة.. إلتفتت عليه لآخر مرة[/rtl]
[rtl]شافته يمشي لسيارته و يمشي من عند المدرسة.[/rtl]
[rtl]حست نورة و كأنها في حلم.. أول مرة تتخانق مع أبوها و في النهاية يمشون عن بعض من غير تفاهم [/rtl]
[rtl]و إتفاق![/rtl]


[rtl]  [/rtl]
[rtl] [/rtl]

[rtl]دخلت نورة المدرسة و الصيحة ليلحين في قلبها
ما عرفت وين تروح.. شافت الصالة جدامها و دخلتها..
و كأن ثاني يوم مدرسة قاعد ينعاد جدامها..
كانت مريم جالسة داخل لوحدها و لما شافت نورة تدخل قامت من مكانها لعندها
مريم: نورة.. نورة شفيك تبجين؟!!
نورة لما شافت مريم حست أنها الوحيدة اللي عندها في المدرسة كلها
قامت و حضنتها و قعدت تبجي..
مريم: نورة شفيك؟! شصاير؟!!
جلست نورة مع مريم على كرسي الصالة و قالت لها السالفة من بدايتها لنهايتها
مريم ما صدقت أن نورة كل هذا صار لها

نورة: مريم أنا من أول ما جيت على هالبلد و المصايب تتحذف علي من كل صوب و كأن أحد مدعي 
علي!
مريم: نورة أنتي بس تحلي بالصبر.. كل شي بصيير أوكي.. صدقيني..
نورة: الله يسمع منك..
كانت مريم تمسح على وجه نورة و تطالعها بنظرات ما فهمتها نورة
رن الجرس فقامت نورة من مكانها..
نورة: راح أتأخر عن الحصة.. أشوفك بعدين في الفسحة انشالله
مريم: عندي تدريب كرة القدم في الفسحة..
نورة: في الهدة عجل..
مريم: عندي مباراة كرة سلة مهمة

نورة: بكرة.. المهم راح أشوفك..
مريم: لا ما أقدر أنتظر لبكرة.. تعالي لبيتنا اليوم..
نورة: ما أتوقع راح أقدر من بعد اللي صار
مريم: خلاص راح أجيك لبيتكم.. لا تقولين لي راح تطرديني!
طلعت نورة ضحكة صغيرة من بعد اللي سمعته
مريم: ضحكت البنت!! تطـــــــور!!
مشت نورة من عند مريم و هي في النهاية مرتاحة لأن عندها مريم

في الفسحة قررت نورة أنها ما راح تخرج من الصف..
كانت خايفة بأن شوق راح تشوفها و تفتح سالفة يوم الأربعاء من أول
و كانت خايفة كمان بأنها تسمع كلام ما ينطاق من بنات المدرسة
بس لما صار وقت الهدة كانت لازم تخرج برع الصف
حملت نورة أغراضها و إنتظرت لما تخف الزحمة داخل المدرسة
كانت نورة تمشي بروحها لعند الباب إلا تلمح العنود جدامها..
نورة من كثر الفرحة صرخت: العنووووووووووووووووود!
العنود ما صدقت أنها قاعدة تسمع نورة تناديها.. إلتفتت إلا تشوف نورة تركض لعندها
نورة: العنود! وينك ولا أشوفك.. أبي أكلمك.. عن الـــــ..
العنود: و أنا ما أبي أكلمك عن شي..
سكتت نورة من الصدمة و العنود مشت عنها..
نورة: العنود ليش! ما يسوى أنك تقطعين علاقتي فيك بسبب سوء تفاهم و إختلاف وجهات نظرنا!
العنود: و من قال أن هذا السبب!
نورة: شنو السبب عجل؟؟!
العنود: الكلام اللي سمعته عنك! كان المفروض ما أحذرك عن بنات مثل مريم و طختها لأنك طلعتي 
وحدة منهم!
نورة و هي مستغربة: العنود أنا مو وحدة منهم.. أنا ما أحب أحد و ولا راح أحب أحد.. أنا ما أشوف 
أن لهالسوالف معنى!
العنود: نورة أنتي قاعدة تكذبين على من! اللي صار في بيت مريم يوم الأربعاء المدرسة كلها تدري 
عنه و ولا كلمة تقدرين تقولينها تنكر هالشي!

مشت العنود من عند نورة تاركة نورة واقفة في مكانها و هي مو مصدقة أن العنود زعلانة عليها 

بسبب كلام البنات..
حست روحها في موقف صعب.. ما كانت تقدر ترافق مريم و العنود في نفس الوقت..
أو أنها تتخلى عن مريم عشان تبين للعنود أن كل اللي تقوله حقيقة
أو أن تتخلى عن العنود و تمشي مع مريم اللي الكل ماخذ فكرة مو حلوة عنهم
أو أنها ترجع مع أبوها لمصر و تصك السالفة بكبرها!
كل شي طرا على بال نورة في تلك اللحظة..

الفصل التاسع: في بيت مريم .. ليتج يانورة ما دخلتي هالبيت[/rtl]

[rtl]الفصل التاسع: في بيت مريم [/rtl]

[rtl]رجعت نورة البيت و من ما دخلت البيت شافت عمتها جالسة تنتظرها [/rtl]
[rtl]من أول ما شافتها عمتها طالعتها بنظرة غضب [/rtl]
[rtl]نورة عرفت أن عمتها درت عن اللي صار مع أبوها فبس مشت و هي ساكتة [/rtl]
[rtl]سلوى: نورة أنا ما أصدق أنك طول هالوقت تكذبين علي! [/rtl]
[rtl]نورة وقفت لأن حست كلام عمتها ينرفز [/rtl]
[rtl]سلوى: أبوك قال لي أنك تعرفين عن زواجه.. تدرين و خاشة عني! [/rtl]
[rtl]نورة بحمق: أنتي المفروض تقولين لي بدال ما تخلين أبوي يجيني للمدرسة! [/rtl]
[rtl]سلوى: أنا قلت لنفسي أنك تسمعين الخبر من أبوك أحسن! بس ما كنت أدري أحد قال لك! من اللي قال لك نورة؟؟! [/rtl]
[rtl]نورة مشت عن عمتها و ركبت فوق لغرفتها [/rtl]
[rtl]سلوى و هي تنادي نورة: نورة.. من اللي قال لك! [/rtl]
[rtl]إلا تسمع صوت باب نورة و هو ينرد [/rtl]

[rtl]إنسدحت نورة على السرير و قعدت تبجي [/rtl]
[rtl]عمتها دخلت عليها الغرفة و كانت أعصابها هادية عن قبل [/rtl]
[rtl]سلوى و هي تجلس بجنب نورة: نورة حبيبتي ليش انتي متضايقة من هالخبر.. مفروض تفرحي.. [/rtl]
[rtl]نورة و هي تبجي: كيف أفرح.. أبوي نسى عن أمي و راح يتزوج غيرها بكل سهولة! [/rtl]
[rtl]سلوى: نورة ولا أحد يقدر ياخذ مكان أمك!! [/rtl]
[rtl]نورة و هي تقوم من مكانها: الكل يقول لي هالكلام! [/rtl]
[rtl]سلوى: لأن هذا الشي حقيقة! نورة يمكن انتي كنتي صغيرة لما أمك توفت بس أنا عرفتها زين و عرفت شخصيتها و كيف كانت مميزة.. ولا أحد يقدر ياخذ مكانها! [/rtl]
[rtl]سكتت نورة و خذت منديل و مسحت دموعها.. و قعدت على طرف السرير تفكر في كلام عمتها.. [/rtl]
[rtl]سلوى و هي تخرج من الغرفة: بس انتي هدأي و فكري بهالكلام زين.. و بموقف أبوك.. ترى هو فقد زوجته مثل ما انتي فقدتيها كأمك.. [/rtl]
[rtl]إنسدحت نورة على ظهرها و هي تناظر السقف [/rtl]
[rtl]حست نورة بالتعب و غطت عينها [/rtl]

[rtl]إفتحت نورة عينها شوي و هي ليلحين تعبانة [/rtl]
[rtl]إلا تشوف مريم جالسة بجنبها و هدى و أمل جدامها [/rtl]
[rtl]و سمعت مريم تقول إسمها [/rtl]
[rtl]ردت صكت عينها لأنها حست روحها تحلم [/rtl]
[rtl]ردت فتحت عينها إلا الصورة وضحت [/rtl]
[rtl]طلع الأمر حقيقة.. مريم كانت جنبها و أمل و هدى جدامها [/rtl]
[rtl]قامت نورة من النوم و جلست في مكانها تطالعهم [/rtl]

[rtl]مريم: نورة! [/rtl]
[rtl]هدى: ما أقول إلا جنت علينا البنت! [/rtl]
[rtl]أمل: نورة انتي واعية؟! [/rtl]
[rtl]نورة: أي أنا واعية! شفيكم هنا في غرفتي؟! [/rtl]
[rtl]هدى: بـــال! طردة! [/rtl]
[rtl]مريم: نورة نسيتي أني قلت راح أجيك هنا اليوم.. [/rtl]
[rtl]أمل: و نسيتي أن اليوم السبت و عندنا معهد!! [/rtl]
[rtl]نورة: لا ما نسيت شي بس أحس بإحساس غريب! [/rtl]
[rtl]مريم خذت يد نورة و مسكتها [/rtl]
[rtl]هدى و أمل بس طالعوا بعض بنظرات تعجب [/rtl]
[rtl]مريم: نورة بشنو تحسين؟! [/rtl]
[rtl]نورة: بإحساس.. كالمرض! [/rtl]

[rtl]أمل: يعني ما تبين تجين معانا المعهد؟! [/rtl]
[rtl]هدى: تبينا نخليك ترتاحين هنا.. مع مريم؟.! [/rtl]
[rtl]قامت هدى تنغز أمل.. بس أمل ما عطتها وجه [/rtl]
[rtl]مريم فهمت على شنو تنغز هدى بس سكتت [/rtl]
[rtl]نورة: لا راح أجي معاكم ولا يهمك.. لازم أجي [/rtl]
[rtl]قامت نورة من مكانها و كانت ليلحين في ثياب المدرسة [/rtl]
[rtl]وقفت نورة تطالعهم و هي تقول: لازم أبدل [/rtl]
[rtl]هدى و أمل فهموا قصدها و طلعوا برع الغرفة [/rtl]
[rtl]بس مريم تمت واقفة في مكانها!! [/rtl]
[rtl]قامت هدى و سحبت مريم برع الغرفة [/rtl]
[rtl]مريم قبل ما تخرج: نورة انتي معاي في الطريق.. [/rtl]

[rtl]برع عند غرفة نورة.. مريم سندت ظهرها عند الطوف منتظرة نورة تخلص [/rtl]
[rtl]هدى خذت أمل على صوب عشان تكلمها [/rtl]
[rtl]أمل: هدى شفيك؟!! [/rtl]
[rtl]هدى بصوت خفيض: شـشـشـش.. شوفي مريم هذي [/rtl]
[rtl]أمل: أي! شفيها؟! [/rtl]
[rtl]هدى: ما لاحظتي أنها بوية! [/rtl]
[rtl]أمل بسخرية: تصدقين لا أنا عمية! أنزين و شفيك يعني وايد بنات كذا! [/rtl]
[rtl]هدى: أدري! بس ما لاحظت كيف تعامل نورة و كأنهم.. [/rtl]
[rtl]أمل: و كأنهم شنو؟! [/rtl]

[rtl]هدى: حبايب!! [/rtl]
[rtl]أمل: ههههههه من صجك أنت! ما حصلتي إلا نورة يكون عندها هالسوالف! [/rtl]
[rtl]هدى: سبحانه مغير الأحوال ما تدرين يا أمل يمكن قاصة عليها! [/rtl]
[rtl]أمل: أنت كيفك بس أنا هالشي مستبعدته! [/rtl]
[rtl]هدى: و أنا متأكدة من هالشي! أنت شفتي شلون نورة كانت تتدلع عليها بالداخل![/rtl]
[rtl]أمل: بصراحة ما شفت شي!![/rtl]

[rtl]طلعت نورة من الغرفة و وجها مبين عليه التعب [/rtl]
[rtl]مريم: بارزة؟؟! [/rtl]
[rtl]نورة: أي.. [/rtl]
[rtl]مشت نورة مع مريم و هي من غير ما تحس ما عطت أي إعتبار بأن هدى و أمل واقفين لها.. [/rtl]
[rtl]هدى و أمل مشوا وراهم.. هدى طالعتهم و هي متعجبة! [/rtl]
[rtl]كانت مريم حاطة يدها على كتف نورة و تمشي معاها للسيارة[/rtl]
[rtl]و كأنها تسحب نورة بعيد عن هدى و أمل [/rtl]
[rtl]أمل ما عطتهم أي إعتبار بس هدى كانت تحترق من داخل!! [/rtl]
[rtl]وصلوا لعند المعهد و نزلت نورة من السيارة مع مريم و دخلوا مع بعض[/rtl]
[rtl]هدى و أمل دخلوا على الصف على طول[/rtl]
[rtl]بس نورة تمت واقفة مع نورة في إستقبال المعهد[/rtl]

[rtl]مريم: في بنات أعرفهم واقفين هناك راح أسلم عليهم و أرجع لك..[/rtl]
[rtl]نورة: أوكي بنتظرك..[/rtl]
[rtl]وقفت نورة في مكانها إلا تشوف الولد اللي شافته ذيك المرة في المعهد[/rtl]
[rtl]سرحت نورة و حست كأنها هي و هذا الولد بروحهم في المعهد[/rtl]
[rtl]مرة وحدة تقحص نورة من سرحانها بشوفة مريم مرة وحدة جدامها[/rtl]
[rtl]مريم: شفيك نورة.. سرحانة في شنو؟![/rtl]
[rtl]نورة: لا ولا شي..[/rtl]
[rtl]إلتفتت مريم و شافت على من نظر نورة كان و عرفت أنه الولد[/rtl]
[rtl]مريم: عاجبك؟![/rtl]
[rtl]نورة: من؟! شنو؟![/rtl]
[rtl]مريم: الولد اللي كنت.. سرحانة فيه[/rtl]
[rtl]نورة: و من قال أني كنت سرحانة فيه..[/rtl]
[rtl]مريم ما صدقتها و كملت كلامها و كأنها ما سمعت نكران نورة[/rtl]
[rtl]مريم: يعني ما راح تبينين له إعجابك؟![/rtl]
[rtl]نورة: مريم شنو هالكلام! شايفتني أي نوع من البنات أنا![/rtl]
[rtl]مريم: هااااا صدناها! يعني صح اللي كنت أقوله كنت سرحانة فيه![/rtl]
[rtl]نورة: يا ربي منك! أروح عالدرس أحسن لي..[/rtl]
[rtl]مريم: هههههههه على راحتك.. قبل ما تروحين.. عطيني رقم جوالك عشان أكلمك[/rtl]
[rtl]نورة: ما عندي جوال.. كلميني على البيت أحسن[/rtl]
[rtl]مريم: ما ينفع على البيت.. حلاته جوال عشان أدز لك مسجات و أتصل فيك أي وقت في اليوم..[/rtl]
[rtl]نورة: والله شنو أسوي.. راح أفتح الموضوع مع عمتي اليوم و بشوف..[/rtl]
[rtl]مريم: أووووكي.. أشوفك بعد الدرس..[/rtl]

[rtl]دخلت مريم صفها عشان درسها و نورة دخلت الدرس اللي مع هدى و أمل[/rtl]
[rtl]جلست نورة على طاولة بين هدى و أمل.. كان المدرس يكتب على اللوح..[/rtl]
[rtl]نورة: هدى شنو فاتني من شرح المدرس؟َ[/rtl]
[rtl]هدى: والله ليش ما جيتي معانا من وقت بدال ما تجابلين حبيبة قلبك مريم[/rtl]
[rtl]إستغربت نورة من كلام هدى.. ليش تكلمها من غير نفس[/rtl]
[rtl]نورة: هدى شفيك تكلميني كذا؟![/rtl]
[rtl]المدرس: هدوء لو سمحتوا! أنتو في درس![/rtl]
[rtl]سكتت نورة و قررت أنها تأجل السالفة لبعد الدرس[/rtl]

[rtl]من أول ما خلص الدرس قامت هدى من مكانها من غير ما تقول لأمل و نورة و طلعت برع الصف[/rtl]
[rtl]قامت نورة و بأسرع ما يمكن لحقت هدى لبرع المعهد[/rtl]
[rtl]نورة: هدى.. هدى نطري شوي شفيك هادة!![/rtl]
[rtl]هدى إلتفتت و طالعت نورة بنظرة غضب[/rtl]
[rtl]هدى: انت ليش مرافقتها!![/rtl]

[rtl]نورة: من؟! أمل؟![/rtl]
[rtl]هدى: لا مو أمل!!! ذيك المسترجلة اللي ينخاف منها و من أشكالها![/rtl]
[rtl]نورة: مريم!! شفيها إذا رافقتها؟!![/rtl]
[rtl]هدى: نورة الناس تتكلم! و خاصة" البنات.. صدقيني راح تندمين إذا قربتي منها أكثر من كذا![/rtl]
[rtl]نورة: ولا أحد راح يتكلم لأني أنا ما راح أعمل شي غلط! يعني انتي مو واثقة فيني هدى؟![/rtl]

[rtl]هدى: نورة أنا أعرفك زين و واثقة فيك أنك ما راح تعملي شي.. بس هي.. أنا مو واثقة منها!![/rtl]
[rtl]نورة حست بغضب على اللي كانت تقوله هدى.. فهي ما تعرف مريم عدل و ما لها حق تقول عنها كل هالكلام..[/rtl]
[rtl]نورة: هدى ما لك حق تتكلمين عنها بهالطريقة.. فهي تعزني و تهتم فيني و وقفت معاي لما أحتجت لها.. و انت ما تعرفينها مثل ما أنا أعرفها‍![/rtl]
[rtl]هدى: نورة فتحي عينك عدل! مريم ولد و كل شي فيها مثل الولد! الولد مستحيل يرضى بأن يكون صديق فقط لبنت.. دايما يبي أكثر من الصداقة!! السالفة فيها مصلحة!![/rtl]
[rtl]نورة مشت من عند هدى و هي معصبة و مو مصدقة كلمة من اللي تقوله.. ليش تكلمها بهالطريقة و كأنها بنت صغيرة ما تعرف باللي تسويه.. صداقتها مع مريم مثل أي صداقة ثانية لها.. ما فيها أي شي أزيد![/rtl]
[rtl]أمل و هدى رجعوا البيت من غير نورة لأنها بترجع مع مريم في سيارتها..[/rtl]
[rtl]كانت نورة طول الطريق ساكتة و هي تفكر باللي قالته لها هدى[/rtl]
[rtl]بأن مريم صداقتها مصلحة.. بس شنو المصلحة من نورة!![/rtl]
[rtl]مريم: نورة شرايك تتعشين في بيتنا؟[/rtl]
[rtl]نورة: لا ما أقدر.. عمتي ما ترضى![/rtl]
[rtl]مريم: لا لا أنا مصرة.. ما يخصني من عمتك و ولا أحد![/rtl]
[rtl]نورة: لو سمحتي ما أرضى عليها![/rtl]
[rtl]مريم: بيــــــــــه!! أنزين غلطنا![/rtl]

[rtl]نزلت نورة مع مريم لبيتهم و أول ما دخلوا كانت أم مريم قاعدة في الصالة اللي تحت و هي مندمجة في "اللابتوب"[/rtl]
[rtl]كان مبين عليها أنها من الأمهات "الفري".. و أنها تشتغل طول الوقت و تعتمد على الخدم.. و هذا هو تعريفي لها.[/rtl]
[rtl]مريم: قوة يمه..[/rtl]
[rtl]أم مريم و هي مندمجة في اللي تسويه: هلا ريمو..[/rtl]
[rtl]رفعت راسها إلا تشوف نورة واقفة مع مريم[/rtl]
[rtl]أم مريم: و من هالحلوة اللي معاك؟ أول مرة أشوفك..[/rtl]
[rtl]مريم: يمه هذي صديقة جديدة لي إسمها نورة..[/rtl]
[rtl]نورة راحت لعند أم مريم و سلمت عليها[/rtl]
[rtl]أم مريم: كيفك يا نورة انشالله تمام..[/rtl]
[rtl]نورة: الحمد الله بخير..[/rtl]
[rtl]مريم: المهم بنروح لداري.. يوعانة يمه.. طلبي لنا أكل..[/rtl]
[rtl]خذت مريم يد نورة و جرتها معاها فوق الدرج[/rtl]

[rtl]فتحت مريم باب دارها و شغلت النور[/rtl]
[rtl]نورة بس قعدت تناظر في غرفة مريم..[/rtl]
[rtl]حست و كأنها في دار ولد.. الألوان بيج و كحلي و أسود..[/rtl]
[rtl]ريحة عطر مريم الرجالية فايحة في كل مكان[/rtl]
[rtl]طاولتها اللي فيها منظرة ما عليها إلا جيل الدنيا مصفف و مشط و عطور رجالية[/rtl]
[rtl]فصخت مريم حذائها و حطته داخل درج أحذيتها اللي غير الأحذية الرياضة ما فيه..[/rtl]
[rtl]نورة مرة وحدة جاها شعور مقزز.. ما قدرت تفسره.[/rtl]

[rtl]مريم: نورة جلسي.. شفيك كأنك خايفة..[/rtl]
[rtl]جلست نورة على طرف السرير و جات مريم و قطت روحها على السرير و هي منسدحة على بطنها..[/rtl]
[rtl]مريم: تعباااااااانة! ما راح أجي المدرسة بكرة..[/rtl]
[rtl]نورة و هي تطالع مريم و كيف هي بجنبها: ليش؟! شصاير؟![/rtl]
[rtl]مريم: عندي تدريب في النادي..[/rtl]
[rtl]نورة: يعني حبكة هالتدريب بكرة وقت المدرسة![/rtl]
[rtl]مريم: أنا أدري أنك ما تقدرين على فراقي.. بس شسوي![/rtl]
[rtl]نورة ضحكت من كلام مريم و كيف هي واثقة من نفسها[/rtl]
[rtl]مريم: عندي فكرة! تعالي معاي التدريب بكرة و طنشي المدرسة!![/rtl]
[rtl]نورة: شنووووو!!! من صجك! أنا أبي أحط على روحي و أنتي تبيني ما أروح المدرسة![/rtl]
[rtl]مريم: يلا يا نورة بس ليوم واحد.. بس تعالي شوفيني ألعب و أ********ر باقي البنات.. ما راح تخسري شي![/rtl]
[rtl]سكتت نورة و حست مريم بأنها ما بتقدر تقنعها...[/rtl]
[rtl]مريم بتعمد: شوق كانت دايما تجي معاي التدريب.. عمرها ما قالت لي لا..[/rtl]

[rtl]سكتت نورة و حست بنوع من الغيرة..[/rtl]
[rtl]من بعد هالكلام قالت لنفسها لازم تروح التدريب مع مريم..[/rtl]
[rtl]نورة: أوكي راح أجي..[/rtl]
[rtl]مريم و هي تنط من مكانها من الفرحة: وووووهووووو.. والله طلعتي قمر![/rtl]
[rtl]راحت مريم لعند نورة و سحبتها من عالسرير و ضمتها بكل قوة..[/rtl]
[rtl]حست نورة بدفء.. لأن عمرها ما ضمها أحد بهالطريقة..[/rtl]
[rtl]خافت نورة من مقصد هذي الضمة في نفس الوقت..[/rtl]
[rtl]بس ما قدرت ترد مريم![/rtl]
[rtl]أخيرا تركتها مريم بس شكلها ما خلصت..[/rtl]
[rtl]قامت مريم و حبتها على خدها و كانت تبي تضمها مرة ثانية بس صوت أم مريم أنقذ نورة من هالموقف الحرج..[/rtl]
[rtl]نورة وهي تدز مريم و هي مرتبكة: أمك تناديك روحي شوفيها؟![/rtl]
[rtl]أم مريم و هي تصرخ من تحت: مريم و صمخ! العشا جاهز![/rtl]

[rtl]مريم: انشالله ما عندك مانع تتعشين مع بيتنا..[/rtl]
[rtl]نورة بصوت واطي: لا كلش عادي[/rtl]
[rtl]نزلت نورة تحت مع مريم لغرفة الطعام[/rtl]
[rtl]كان أبوها و أخوها راشد اللي أصغر منها جالسين[/rtl]
[rtl]حست نورة بالفشلة لما شافت أبو مريم و أخوها جالسين[/rtl]
[rtl]مريم: يلا جلسي.. ليكون مستحية![/rtl]
[rtl]أم مريم: ما عندنا أحد يستحي هنا! الكل على طبيعته![/rtl]
[rtl]مريم: و نورة طبيعتها تستحي.. ما سويتي شي![/rtl]
[rtl]جلست نورة بجنب مريم..[/rtl]
[rtl]مريم: يبه رفيجتي نورة معانا اليوم[/rtl]
[rtl]أبو مريم و هو مستغرب: وين ذيك عجل اللي على طول معاك.. شسمها.. شروق.. مادري شفق..[/rtl]
[rtl]مريم: شوق يبه.. ما جات اليوم..[/rtl]
[rtl]أم مريم: غريبة و ما جات الخميس و الجمعة كمان! شفيها؟.![/rtl]
[rtl]مريم: لا ما فيها شي بس تبي تخلي وقتها للدراسة أكثر..[/rtl]
[rtl]راشد: زين تسوي! على الأقل نفتك من وجها شوي![/rtl]


[rtl]  [/rtl]
[rtl] [/rtl]

[rtl]قامت مريم و رفست رجل راشد من تحت الطاولة[/rtl]
[rtl]راشد و هو يتألم: آآآآخ يمه مريم رفستني![/rtl]
[rtl]أم مريم: زين تسوي فيك![/rtl]
[rtl]أبو مريم: أحسن لها والله شمس.. تجابل دروسها بدال ما تجابلك و تضيع وقتها معاك..[/rtl]
[rtl]أم مريم: اسمها شوق يا أبو راشد..[/rtl]
[rtl]مريم سكتت و حست بحمق من كلام أبوها..[/rtl]
[rtl]أبو مريم: و انتي نورة.. انشالله شاطرة..[/rtl]
[rtl]نورة: الحمد الله مجموعي زين..[/rtl]
[rtl]أبو مريم: بس أبتعدي عن مريوم عجل لا تنزله لك.. هههههه[/rtl]
[rtl]مريم حست روحها راح تنفجر.. ما قدرت تستحمل![/rtl]

[rtl]مرة وحدة تقوم مريم و تاخذ الصحن اللي في ايدها و تحذفه على الطوف[/rtl]
[rtl]و يت********ر لأجزاء صغيرة[/rtl]
[rtl]و بكل حمق تطلع برع البيت..[/rtl]
[rtl]نورة ما عرفت شنو تعمل فقامت و لحقت مريم لخارج البيت..[/rtl]
[rtl]أبو مريم و هو يوقف من مكانه و يصرخ: جنت هالبنت!! والله جنت!![/rtl]
[rtl]طلعت نورة من البيت إلا تشوف مريم جالسة على عتبة الدرج و هي منزلة راسها..[/rtl]

[rtl]الفصل العاشر: الوجه الثاني لمريم .. حقيقتها..هل مريم بنت ؟؟ [/rtl]



[rtl]الفصل العاشر: الوجه الثاني لمريم[/rtl]

[rtl]نورة ما كانت قادرة تصدق اللي صار[/rtl]
[rtl]فهي ليلحين منصدمة من ردة فعل مريم لكلام أبوها[/rtl]
[rtl]قامت نورة و جلست بجنب مريم[/rtl]
[rtl]ما قالت شي كانت ناطرة مريم تقول شي[/rtl]
[rtl]رفعت راسها مريم و خذت نفس و طلعته[/rtl]
[rtl]مريم بحمق: هو على طول كذا![/rtl]
[rtl]نورة: من أبوك؟[/rtl]
[rtl]مريم: أي.. عمره ما يفهمها! أن هالكلام ينرفزني! و إذا تنرفزت يقول ما لي حق و اللي يقوله كله منع******** على حقيقية الشخص اللي صرته! كأنه يكلم وكيل شركته مو أحد عياله![/rtl]
[rtl]سكتت نورة و هي حاسة بالحزن و هي تشوف مريم بهالحالة[/rtl]
[rtl]مريم: عمره ما أفتخر فيني! و ما يهمه شقد بطولات أفوز! كل يقولي أنها تفاهات أضيع وقتي فيها! ما يدري أنها حياتي كلها.. نورة انت ما تعرفين شقد أعاني معاه.. أكرهه يا نورة تعرفين شلون أكرها![/rtl]

[rtl]سكتت نورة و طالعت وجه مريم الغاضب[/rtl]
[rtl]نورة: مريم بس في النهاية هو أبوك و يبي مصلحتك.. صدقيني مو قصده شي.. أحس هالنغزات كلها طريقة لتشجيعك![/rtl]
[rtl]مريم بحمق: يشجعني بهالطريقة! أي طريقة ذي! و القهر يهزأني جدامك![/rtl]
[rtl]نورة خافت من صراخ مريم عليها و ندمت أنها تكلمت[/rtl]
[rtl]مريم: هذي ولا شي اللي شفتيه توك! جاته مرات إذا نخرج مع بعض و يشوف ربعه يقولهم أني ولده الكبير![/rtl]
[rtl]قامت مريم من مكانها و قعدت تمشي في مكانها[/rtl]
[rtl]مريم: لازم أعمل شي.. لازم أريح نفسي..[/rtl]
[rtl]مشت مريم عن نورة و راحت لعند سيارتها[/rtl]
[rtl]نورة قامت و لحقتها..[/rtl]
[rtl]نورة: مريم وين رايحة[/rtl]
[rtl]مريم: لازم أشيل بالي عن هالسالفة..[/rtl]
[rtl]نورة قعدت تطالع مريم و هي تدخل السيارة و تقعد تدور عن شي[/rtl]
[rtl]ما عرفت عن شنو مريم قاعدة تدور..[/rtl]
[rtl]مريم و هي تدور في كل أنحاء السيارة: أمممم.. رهام هدته هنا.. أنا متأكدة[/rtl]
[rtl]نورة: عن شنو تدورين؟![/rtl]
[rtl]مريم: حصلته! قامت مريم و جلست على الكرسي و كان في يدها علبة[/rtl]
[rtl]بس ما عرفت نورة شنو هو[/rtl]
[rtl]مرة وحدة تشوف نورة مريم تطلع ولاعة من جيبها و تخرج جيقارة من العلبة و تولعها!![/rtl]

[rtl]نورة تلعثمت! ما عرفت شنو تقول و سكتت و هي تشوف مريم تدخن الجيقارة[/rtl]
[rtl]مريم من بعد ما طلعت الدخان من ريجها: آآآآخ والله راحة.. نسيت طعمها[/rtl]
[rtl]نورة و هي فاتحة عينها عالآخر: مريم!! أنتي تدخني؟![/rtl]
[rtl]مريم: كنت من زمان بس تركت هالشي من سنة[/rtl]
[rtl]نورة: شايفتني عمية! جدامي قاعدة تدخنين أحين!!!![/rtl]

[rtl]مريم: هذا مو لي.. رهامو هدته في سيارتي قبل أسبوع.. بس كنت أبي وحدة.. نورة ما تصدقين كيف نفسيتي مرتاحة![/rtl]
[rtl]نورة وقفت و هي فاتحة فمها من الصدمة.. مو مصدقة كل ذي يطلع من مريم..[/rtl]
[rtl]نورة و هي تحاول تاخذ الجيقارة: مريم وقفي هذا مضر لصحتك! بليز وقفي[/rtl]
[rtl]مريم من بعد ما شفطت الجيقارة كلها: نورة بس وحدة في اليوم ما تضر! لو تشوفيني كيف كنت أدخن قبل شتقولين![/rtl]
[rtl]نورة: لو راح أتبرى منك! مريم وعديني أن هذي آخر مرة.. والله أخاف عليك![/rtl]
[rtl]مريم و هي تبتسم لنورة: فديت اللي يخافون علي.. لا أبوي ما راح أعملها بس كنت أبي أرتاح شوي! أحس روحي أحسن! تبين تجربين؟![/rtl]
[rtl]نورة: لا مستحيل! ما أطيق هالشي![/rtl]
[rtl]مريم: على راحتك..[/rtl]
[rtl]نورة: مريم صدمتيني بصراحة ما توقعتك كنت تدخنين بالسابق[/rtl]
[rtl]مريم: في وايد أشياء ما تعرفينها عني..[/rtl]
[rtl]نورة: مثل شنو؟![/rtl]
[rtl]مريم: إذا قلت لك.. لازم أذبحك! هههههههه[/rtl]
[rtl]سكتت نورة و هي ما عاجبها كلام مريم..[/rtl]

[rtl]نزلت مريم من السيارة و أوقفت مع نورة[/rtl]
[rtl]مريم: تعباااااانة! أبي أنام![/rtl]
[rtl]نورة: راح أخليك أحين.. بقول للسايق يجيني..[/rtl]
[rtl]مريم: وليش تروحين بعد.. نامي عندي بالبيت![/rtl]
[rtl]نورة: أنام عندك!!!!! من صجك انتي![/rtl]
[rtl]مريم: شفيها! أحنا ربع و هالشي عادي[/rtl]
[rtl]نورة: لا يا مريم.. أنا سالفة العشا عندكم ما عجبتني.. بصراحة انتي كل شي عادي عندك في هالدنيا..[/rtl]
[rtl]مريم: لأن أنا أحب أعيش بهالطريقة.. على كيفي.. بقواعدي الخاصة و في عالمي الخاص.. انتي المفروض تسوين نفس الشي.. صدقيني بترتاحين..[/rtl]
[rtl]سكتت نورة و هي ما فهمت قصد مريم بالضبط..[/rtl]
[rtl]نورة: ممكن أستخدم جوالك عشان أتصل في السايق؟![/rtl]
[rtl]مريم طلعت جوالها من جينزها و عطته نورة[/rtl]
[rtl]طالعت الساعة في الجوال.. كانت الساعة 9 و نصف[/rtl]
[rtl]نورة و هي تتصل: ألوو.. تعال لي بيت مريم[/rtl]

[rtl]جلست نورة مع مريم على عتبة الدرج و هي منتظرة السايق يجي[/rtl]
[rtl]مريم: نورة لا تنسين عن تدريبي بكرة.. انت وعدتيني أنك راح تجيين..[/rtl]
[rtl]نورة: أنا اللي هايفة منه أني ما بقدر أجي و ما بكون عندي طريقة أقولك فيها أني ما راح أجي![/rtl]
[rtl]طلعت مريم من جيبها جوال غير عن اللي تستخدمه[/rtl]
[rtl]نورة تطالعها و هي مستغربة.. شسالفتها![/rtl]
[rtl]مريم: شوفي هذا.. خذيه لك..[/rtl]
[rtl]نورة: ليش؟! حق شنو؟![/rtl]
[rtl]مريم: انت بس خذيه.. هذا عشان أقدر أتصل فيك على طول و عشان ما نبعد عن بعض.[/rtl]
[rtl]نورة: أي بس عمتي ما ترضى! و أصلا جوال من هذا؟![/rtl]
[rtl]مريم: هذا جوالي القديم و الرقم اللي فيه رقمي القديم بس صالح للإستعمال و عمتك مو لازم تعرف.. خليه عندك و كلميني فيه باليل بس..[/rtl]
[rtl]سكتت و ما قالت شي لأن السالفة ما داشة مخها..[/rtl]
[rtl]مريم و هي تضغط على نورة: يلا نورة.. والله راح أزعل إذا ما خذيتيه![/rtl]
[rtl]نورة خذت الجوال و هي ليلحين ما عاجبتها الفكرة بس ما تبي تزعل نورة في أي شي..[/rtl]

[rtl]مريم: عمري انت والله! والله أموت فيك![/rtl]
[rtl]خذت مريم نورة و ضمتها بكل قوة.. بس نورة من غير ما تحس دزتها..[/rtl]
[rtl]مريم: نورة شفيك؟![/rtl]
[rtl]نورة قامت و طلعت أول عذر طرا في بالها..[/rtl]
[rtl]نورة: ريحتك كلها جقاير و عمتي راح تغضب إذا شمت هالريحة فيني![/rtl]
[rtl]مريم: هااا أوكي فهمت.. سموحة!![/rtl]

[rtl]وصل سايق نورة و قامت من مكانها عشان تركب السيارة[/rtl]
[rtl]قامت مريم و نطت من مكانها و فتحت باب السيارة لنورة[/rtl]
[rtl]نورة انصدمت من حركة مريم بس ابتسمت لها على اللي سوته..[/rtl]
[rtl]مريم قبل ما تصك باب السيارة: أتصلي فيني أي وقت.. رقمي مخزن بالجوال[/rtl]
[rtl]نورة: أنشالله.. نشوفك بكرة..[/rtl]
[rtl]رجعت نورة البيت و راسها يعورها.. حست روحها مسخنة..[/rtl]
[rtl]أول مرة تشوف و تعمل أشياء تعور الراس و البطن و الجسم كله في يوم واحد![/rtl]
[rtl]جلست على كرسي الصالة و هي حاسة أن كل اللي صار حلم[/rtl]
[rtl]طلعت من جيبها الجوال اللي عطتها مريم و هي تطالعه بتمعن[/rtl]
[rtl]و تتذكر كلام مريم و خطتها..[/rtl]
[rtl]حست نورة بنوع من الندم أنها خذته منها بس هي كانت تبي تطيب خاطرها من بعد اللي صار لها مع أبوها.[/rtl]
[rtl]ركبت نورة لفوق و كانت تبي تشوف عمتها قبل ما تنام[/rtl]
[rtl]كانت خايفة من اللي راح تقوله لها من بعد روحتها لبيت مريم[/rtl]

[rtl]طقت نورة باب غرفة عمتها و انتظرت رد منها[/rtl]
[rtl]سلوى: دخلي نورة..[/rtl]
[rtl]فتحت نورة الباب و دخلت راسها بس عشان تشوف كيف وجه عمتها[/rtl]
[rtl]كانت عمتها مستلقية في السرير و قاعدة تقرأ كتاب[/rtl]
[rtl]عمة نورة هي مبتسمة: شفيك دخلي![/rtl]
[rtl]نورة استغربت من حال عمتها.. توقعت تشوفها غضبانة منها..[/rtl]
[rtl]سلوى: أمل اتصلت فيني و قالت لي أنك راح تكوني في بيتها تراجعوا فقمت و طرشت السايق ياخذك من هناك..[/rtl]
[rtl]نورة و هي مستغربة: على الساعة كم قلتي له؟![/rtl]
[rtl]سلوى: على الساعة 9 و نص.. ليش هالسؤال؟![/rtl]
[rtl]نورة: لا ولا شي![/rtl]
[rtl]فهمت نورة أن لما السايق كان توه طالع من بيت عمتها و كان رايح لها بيت أمل أتصلت في نفس الوقت و خلته يروح لها بيت مريم.[/rtl]
[rtl]حست نورة نفسها محظوظة هالمرة و أن الشر طاف من جنبها![/rtl]
[rtl]نورة: ممكن أروح أنام أحين[/rtl]
[rtl]سلوى: أي أكيد.. تصبحين على خير..[/rtl]
[rtl]نورة و هي تخرج من دار عمتها: و انتي من أهله.[/rtl]

[rtl]تلك الليلة النوم بالنسبة لنورة كان صعب[/rtl]
[rtl]كانت تتقلب و تتقلب و تتقلب.. حست بالخنقة[/rtl]
[rtl]كل اللي كان يدور في بالها كل شي صار مع مريم في هاليوم[/rtl]
[rtl]كيف كانت تضمها و كيف رمت الصحن و كيف دخنت[/rtl]
[rtl]و كأن هالأشياء اللي تدور في بالها جزؤ من حلم لها[/rtl]
[rtl]بس المشكلة هي أنه كله حقيقة و أن نورة ما نايمة أصلا"![/rtl]
[rtl]قامت نورة و جلست في مكانها و مسحت وجها بيدها[/rtl]
[rtl]نورة: شنو اللي قاعد يصيدني! أول مرة أفكر في أحد كذا! حتى أمي ما أفكر فيها هالكثر.. لازم في تفسير![/rtl]
[rtl]طلعت نورة من تحت وسادتها الجوال اللي عطتها أياه مريم[/rtl]
[rtl]و قعدت تطالعه.. تتصل فيها ولا؟![/rtl]
[rtl]نورة: أنام أحسن لي.. راح أشوفها بكرة..[/rtl]

[rtl]قامت نورة من النوم و من بعد عناء كبير![/rtl]
[rtl]حست روحها ميتة من التعب و اللي متعبها زود سالفة السايق اللي لازم تهتم بها.[/rtl]
[rtl]لبست نورة عبايتها المطرزة و سرحت شعرها و نزلت لتحت[/rtl]
[rtl]سلوى: أشوفك لابسة عباية للمدرسة اليوم[/rtl]
[rtl]نورة: قلت أغير شوي.. تعرفين شلون[/rtl]
[rtl]ركبت نورة السيارة و راحت عالمدرسة[/rtl]
[rtl]لما وصلت نزلت و انتظرت ليما يروح السايق من عند المدرسة[/rtl]
[rtl]و راحت أركبت كروزر مريم اللي كانت ناطرتها[/rtl]
[rtl]كانت نورة تحس بإحساس فرح أنها مع مريم رايحيين تدريبها و أنها راح تشوفها تلعب.. بس في نفس الوقت كان قلبها يعورها على اللي كانت تعمله..[/rtl]

[rtl]وصلوا مريم و نورة عند النادي الرياضي اللي راح تتدرب فيه مريم في كرة القدم مع بنات فريقها كله.[/rtl]
[rtl]كانت مريم لابسة لباس فريقها.. قميص أسود و كحلي و مكتوب عليه من ورا اسمها.. مع شورت قصير و جوتي رياضة.[/rtl]

[rtl]قبل ما يدخلون النادي سمعوا صوت وحدة خشن ينادي مريم بلقبها من بعيد[/rtl]
[rtl]"حمووووووووووووووووود"[/rtl]
[rtl]إلتفتت نورة إلا تشوف وحدة "بوية" لابسة نفس مريم توها نازلة من سيارتها و معاها فاطمة رفيجة مريم..[/rtl]
[rtl]مريم و هي تكلم نورة: هذي وحدة من الربع معاي في الفريق إسمها شيخة و تعرفين حبيبتها فطوم اللي وياها..[/rtl]
[rtl]جات شيخة لعند نورة و مريم و عطت مريم لمة سريعة[/rtl]
[rtl]شيخة: هلا أبوي ولهنا عليك![/rtl]
[rtl]مريم: إلا كلام بس.. ما في إتصال يالقاطع![/rtl]
[rtl]فاطمة: إلا أنتي اللي قطعتي..[/rtl]
[rtl]قامت فاطمة و خزت نورة و ما أعطتها أي إعتبار أنها معاهم..[/rtl]
[rtl]مريم: شيخو بعرفك على حبيبـ... أقصد صديقتي الجديدة نورة[/rtl]
[rtl]شيخة مدت يدها لنورة عشان تسلم عليها..[/rtl]
[rtl]شيخة: تشرفنا والله[/rtl]
[rtl]نورة كانت مستغربة من مريم.. كانت شوي و تقول لشيخة أنها حبيبتها![/rtl]
[rtl]و فاطمة طبعا كانت طفشانة من اللي كانت بتقوله و هي أصلا ما تطيق نورة من بعد اللي صار بين مريم و شوق.[/rtl]

[rtl]دخلوا كلهم للنادي و راحوا لعند الملعب اللي راح يتدربون فيه[/rtl]
[rtl]مريم و شيخة راحوا لعند بقية فريقهم و لعند مدربتهم[/rtl]
[rtl]نورة و فاطمة لازم يجلسوا على الكراسي اللي على الملعب يتفرجون بس[/rtl]
[rtl]جلست نورة و جلست فاطمة بجنبها و كأنها تبي تكلمها في شي[/rtl]
[rtl]كانت نورة مندمجة في مريم و هي تحرق للمباراة مع الفريق[/rtl]
[rtl]و كانت الإبتسامة مو مفارقة وجها[/rtl]
[rtl]فاطمة: شكلك وايد تحبينها..[/rtl]
[rtl]نورة: شنو؟![/rtl]
[rtl]فاطمة: مريم.. شكلك حابتها و حابة القعدة وياها..[/rtl]
[rtl]نورة: أي أكيد ليش لا..[/rtl]
[rtl]فاطمة: أي بس هالحب.. بيتطور؟![/rtl]
[rtl]نورة: شنو قصدك يتطور؟![/rtl]
[rtl]فاطمة: يعني يوصل لحد الغيرة عليها من باقي البنات و أنك تبينها لك وحدها..[/rtl]
[rtl]نورة: مستحيل هالشي! مريم صديقة غيري مثل ما هي صديقتي![/rtl]
[rtl]فاطمة: من اللي أنا أشوفه هي تعتبرك حبيبتها.. مو صديقتها.. الدليل نظراتها لك.. [/rtl]
[rtl]لا تستغربين لما أقولك أن لمريم وجه ثاني غير اللي تشوفينه.. ترى تحب أن يكون عندها بنت تدلعها و تقعد معاها على طول.. و تموت في حركات الحب.. الضمة و ربعها.. أظن أنك من النوع اللي ما يرضى بهالشي.[/rtl]

[rtl]نورة: أنا ما أصدق هالكلام و خاصة منك لأني أدري أنك ما تبيني أكون مع مريم و صدقيني لما أقولك أن ما بينا إلا صداقة.[/rtl]
[rtl]فاطمة: و صدقيني لما أقولك أن هذي بداية العلاقة بس.. الصداقة أول شي.. بعدين تبتدي مشاعر الحب عندك و بعدين بتحسين أنك ما تقدرين على فراقها و بعدين تشوفين روحك مستعدة تعملين أي شي عشانها و أي شي عقب خطير و ما أحب أقوله. فكري فهالكلام و تركيها أحسن لك قبل ما يفوت الوقت و تندمين و الصراحة بيني و بينك.. انتي مو من مستواها أصلا.. يعني ما تصلحون لبعض![/rtl]

[rtl]تنرفزت نورة من كلام فاطمة لها و كأنها تكلمها من غير نفس![/rtl]
[rtl]مشت فاطمة من عند نورة و راحت لعند شيخة قبل ما تبدأ المباراة التدريبية[/rtl]
[rtl]قامت شيخة و ضمت فاطمة و نورة جالسة في مكانها تطالعهم و تذكرت كيف تضمها مريم بنفس الطريقة.[/rtl]
[rtl]لفت نورة راسها إلا تشوف مريم واقفة بعيد تطالعها[/rtl]
[rtl]قامت نورة و ابتسمت لها ابتسامة مزيفة لأن كلام فاطمة كان معور راسها![/rtl]



[rtl]الفصل الحادي عشر: إشاعة و صدقوها .. !![/rtl]

[rtl]هل هي اشاعة .. ولا الحقيقة ؟؟!![/rtl]

[rtl]الفصل الحادي عشر: إشاعة و صدقوها[/rtl]

[rtl]بدأت مباراة التدريب و جلست نورة لوحدها تشوف مريم و كيف تلعب بمهارة[/rtl]
[rtl]كل ما تجيب جول تركض و تصرخ و نورة بس تطالعها و هي مستغربة من [/rtl]
[rtl]هالحركات الصبيانية![/rtl]
[rtl]خلص التدريب و كانت الساعة 11 ظهرا..[/rtl]
[rtl]شيخة و هي تمشي مع فاطمة: نشوفك على خير حمود يالكريه[/rtl]
[rtl]مريم: فاطمة عطي اللي معاك منظرة خل تشوف شكلها حمد الله و الشكر.. حمد [/rtl]
[rtl]الله و الشكر![/rtl]
[rtl]شيخة: سخيف الرد بس لأنها منك صار حلو..[/rtl]
[rtl]مريم: أووووه فاطمة مفروض تغيرين.. قاعدة تغازلني[/rtl]
[rtl]فاطمة: هههههه إلا تجاملك و انتي الصاجة.. كل شي منك و معاك دايما كريه! [/rtl]

[rtl]فهمت مريم أن فاطمة تقصد نورة بس سكتت عنها عشان خاطر شيخة[/rtl]
[rtl]جات مريم لعند نورة و هي تنافخ و حاسة روحها ميتة من التعب[/rtl]
[rtl]مريم بصوت رايح: آآآآآخ تعبانة.. شرايك في لعبي؟[/rtl]
[rtl]نورة: أوكي..[/rtl]
[rtl]مريم بسخرية: أوكي؟! بس أوكي!! أنا ذابحة روحي و تقولين لي أوكي بس!![/rtl]
[rtl]نورة بحمق: شنو تبيني أقول.. روعة ووووووه فضيع!![/rtl]
[rtl]و قامت نورة من مكانها و طلعت برع للمواقف[/rtl]
[rtl]مريم وقفت في مكانها تبي تستوعب شنو توه صار[/rtl]
[rtl]وقفت نورة في المواقف تتلفت و هي متضايقة[/rtl]
[rtl]جات وراها مريم و هي واصلة حدها![/rtl]
[rtl]قامت مريم و سحبت نورة من كتفينها و مسكتها بقوة و كانت حدها غضبانة[/rtl]
[rtl]مريم بحمق: كيف تكلميني بهالطريقة! شايفتني من أنا عشان تكلميني كذا! هــا![/rtl]
[rtl]نورة حست بالخوف من ردة فعل مريم.. و لاحظت مريم هالخوف من عينها[/rtl]
[rtl]تركت مريم نورة و مشت شوي عنها و هدأت نفسها[/rtl]
[rtl]نورة وقفت و هي تمسح على كتفينها اللي ألمها ضغط مريم عليهم[/rtl]
[rtl]مريم و هي تلتفت على نورة: آسفة نورة ما كان قصدي..[/rtl]
[rtl]سكتت نورة و هي تطالع الأرض..[/rtl]
[rtl]مريم: نورة أنا ما عرفت كيف أتصرف لما صرختي علي.. إذا مضايقتك في شي [/rtl]
[rtl]قولي لي..[/rtl]
[rtl]نورة: مو انتي اللي مضايقتني..[/rtl]
[rtl]مريم: إنزين.. يعني هالشي اللي مزعلك.. يخصني؟![/rtl]

[rtl]نورة سكتت و الدمعة شوي و تنزل[/rtl]
[rtl]مريم راحت لعندها و حطت يدينها على وجه نورة[/rtl]
[rtl]مريم بصوت خفيض: نورة.. شفيك عمري؟![/rtl]

[rtl]مرة وحدة نورة خذت يدين مريم و دزتهم عن وجها[/rtl]
[rtl]نورة: هذا الشي اللي مضايقني![/rtl]
[rtl]مريم: شنو قصدك بهذا؟! أي شي؟![/rtl]
[rtl]نورة: كيف تلمسيني و طريقة كلامك لي.. مريم أنا أهم شي عندي سمعتي![/rtl]
[rtl]مريم و هي متعجبة من كلام نورة: وش دخل سمعتك في هالشي؟![/rtl]
[rtl]نورة: البنات مريم.. البنات يتكلمون عنا بطريقة ما تعجبني! يقولون عنا كلام ما [/rtl]

[rtl]ينطاق! و سمعتي تأثرت وايد![/rtl]
[rtl]مريم: نورة إذا بتسمعين كلام البنات والله راح تعبين![/rtl]
[rtl]نورة: لا يا مريم الغلط غلط و ما له دخل في كلام البنات و أصلا هو الشي اللي [/rtl]
[rtl]يخلي البنات يتكلمون في البـداية![/rtl]
[rtl]مريم: أي غلط! أنا ما أشوف أي غلط فينا!! شنو قصدك؟![/rtl]
[rtl]نورة من القهر حطت إيدها على راسها و حست أن راح يغمى عليها[/rtl]

[rtl]نورة و هي تصرخ: مريم شوفي شكلك! هذا مو شكل بنت! و البنات لما يشوفوني [/rtl]
[rtl]معاك على طول يظنون أن أحنا حبايب![/rtl]
[rtl]مريم بكل ثقة: شكلي أنا حرة فيه! و من قال أن أحنا مو حبايب؟![/rtl]
[rtl]نورة ما صدقت الكلام اللي قالته مريم توها[/rtl]
[rtl]نورة: شنو؟! مريم أنا مستحيل أكون حبيبتك.. أنا صديقتك مو أكثر و حتى كل [/rtl]

[rtl]من أعرفه خايف علي منك و ما تم من تحذير ما عطوني![/rtl]
[rtl]مريم: أنا ما راح أعمل أي شي يأذيك! مستحيل! بس نورة فتحي عينك و شوفي [/rtl]
[rtl]كيف أحنا مع بعض! حتى الحيوان راح يفهم أن أحنا حبايب! كل هذا و ما تسمين [/rtl]
[rtl]نفسك حبيبتي.. أعزك و تعزيني.. أخاف عليك و تخافين علي.. أبغى مصلحتك و [/rtl]
[rtl]تبغين مصلحتي..[/rtl]

[rtl]سكتت نورة و هي تطالع مريم و حست أن كلامها حقيقة![/rtl]
[rtl]مريم و هي تشوف نورة بالعين: أحبك و تحبيني..[/rtl]
[rtl]سكتت مريم و هي تطالع نورة و كانت ناطرة رد منها على اللي قالته توها[/rtl]
[rtl]نورة ما ردت على مريم و بس تمت ساكتة.. شنو ترد عليها![/rtl]
[rtl]مريم: نورة.. أنا أحبك و أنتي تحبيني.. صح؟![/rtl]
[rtl]نورة بكل هدوء: أي أكيد أنا أحبك.. و كيف ما أحبك بعد كل اللي بينا.. بس [/rtl]
[rtl]علاقتنا ما تتعدى الصداقة مريم.. هالشي حطيه في بالك من اليوم و رايح..[/rtl]
[rtl]مريم ما قدرت ترد على كلام نورة.. لأنها فهمت أن ولا كلمة منها راح يغير [/rtl]
[rtl]مفهوم نورة..[/rtl]
[rtl]مريم و هي مبتسمة: إنشالله.. بس مو يعني ما نعامل بعض غير.. نتم على نفس [/rtl]
[rtl]هالجو الجميل اللي بينا لأن بصراحة من غير أي سبب أساسي أنا وايد أرتاح [/rtl]
[rtl]لك.. و حرام كل هذا يختفي بسبب كلام البنات التافه و صدقيني أنا أعرفهم أكثر [/rtl]
[rtl]منك و أنهم يقولون كل هذا لأنهم يغييرون منك![/rtl]
[rtl]نورة: يغييرون من شنو يعني؟![/rtl]
[rtl]مريم: من وايد أشياء.. من صداقتنا.. من طلعاتنا مع بعض.. من جمالك..[/rtl]
[rtl]وقفت نورة تناظر مريم و هي تحس نفسها محظوظة أن عندها مريم[/rtl]
[rtl]فهالكلام مستحيل تسمعه من أحد ثاني و عمرها ما سمعته من أحد[/rtl]
[rtl]مريم: و لأبين لك كيف أنتي مهمة لي في حياتي..[/rtl]

[rtl]ركضت مريم لعند سيارتها و ركبت ورى و طلعت "cutter"[/rtl]
[rtl]السكينة الصغيرة اللي يستخدمونها لتقطيع الأوراق..[/rtl]
[rtl]و جلست مريم في السيارة فيء مكانها[/rtl]
[rtl]راحت نورة لعندها لتشوق شنو قاعدة تعمل مريم[/rtl]
[rtl]و الصدمة الكبيرة اللي صادتها..[/rtl]
[rtl]مريم حفرت إسم نورة على يدها بالسكين[/rtl]

[rtl]نورة: مريم!!! شنو هذا؟![/rtl]
[rtl]مريم: أنا ما قلت لك راح أبين لك أهميتك عندي.. أحين إسمك راح يكون معاي [/rtl]
[rtl]وين ما أروح![/rtl]
[rtl]نورة: مريم من صجك! هذا حرام لأنه تعذيب![/rtl]
[rtl]مريم: إسمك تعذيب لي! إلا عسل على قلبي![/rtl]
[rtl]نورة: مريم أنا ما أحب هالحركات التافهة اللي ما لها معنى![/rtl]
[rtl]خذت نورة يد مريم و قعدت تشوف الجرح اللي على إسمها و كيف شكله يألم![/rtl]
[rtl]نورة: شوفي كيف الدم طالع من الجرح و كيف يدك محمرة! ليش تعملي كذا [/rtl]
[rtl]مريم! ما كان له داعي!![/rtl]
[rtl]مريم و هي تضحك: بصراحة وجهك يونس لما تكونين خايفة علي كذا![/rtl]
[rtl]نورة: و بكل صراحة ما أقدر أقول إلا الله يهديك![/rtl]
[rtl]مريم: و يهدي الجميع معاي![/rtl]

[rtl]طالعت مريم ساعتها إلا تشوف أن الساعة 110[/rtl]
[rtl]مريم: تم وقت طويل على نهاية دوام المدرسة.. أمشي أبي أشوف ربعي..[/rtl]
[rtl]نورة: نروح أحين! الوقت متأخر ما راح يدخلونا![/rtl]
[rtl]مريم: دام إنتي معاي غصبا عنهم يدخلونا![/rtl]
[rtl]ركبت نورة مع مريم في السيارة و مشوا من عند النادي[/rtl]
[rtl]وصلوا لعند المدرسة و نزلوا مع بعض[/rtl]
[rtl]نورة: مريم راح ندخل الحصص المتبقية طبعا؟![/rtl]
[rtl]مريم: فديت برائتك! أمووووت فيها! لا نوري راح ندور شوي مع بعض[/rtl]
[rtl]نورة: و ليش ندور في المدرسة؟! من حلاتها![/rtl]
[rtl]مريم: عشان يشوفونا البنات..[/rtl]
[rtl]نورة سكتت و هي مستغربة.. شفيها مريم وايد هامها أن البنات يشوفونهم مع [/rtl]
[rtl]بعض.. هل في بالها شي محدد!![/rtl]

[rtl]دخلت نورة و مريم المدرسة و الحارس ما قال ولا كلمة[/rtl]
[rtl]و هالشي إستغربت منه نورة.. كانت مريم لابسة ملابس فريقها و لا يوجد فيها أي شي يثبت أنها طالبة بهالمدرسة![/rtl]
[rtl]مشت نورة مع مريم في الممرات و كانوا كل البنات اللي في الصفوف يطلون من باب الصف ليشوفونهم[/rtl]
[rtl]و البنات اللي في الممرات يطالعونهم بنظرات تعجب[/rtl]
[rtl]وصلوا مريم و نورة لصالة الرياضة[/rtl]
[rtl]لما دخلوا كانت سمر و باقي ربع مريم جالسين على الكراسي و كان عددهم يفوق العشرين بنت![/rtl]

[rtl]حست نورة بعدم الإرتياح بسبب نظرات البنات لها و كأنهم حاقدينها على كونها المكان اللي هي فيه مع مريم.. خاصة فاطمة اللي إستغربت نورة من كونها هناك..[/rtl]
[rtl]سمر: حمووووود شجابك هنا؟! مو كأن عندك تدريب؟![/rtl]
[rtl]مريم: خلصنا التدريب.. و بعدين شدخلك![/rtl]
[rtl]ضحكوا البنات على رد مريم[/rtl]

[rtl]نورة إستغربت.. مريم ما قالت شي يستحق كل هالضحك![/rtl]
[rtl]و لاحظت كمان أن نظر كل هالبنات و إهتمامهم و تركيزهم كله على مريم..[/rtl]
[rtl]و أن لما تقول شي الكل يصيير آذان صاغية و اللي فيه خير يتكلم![/rtl]
[rtl]جلست نورة مع مريم و ربعها لمدة ساعة و هي بس ساكتة تسمع سوالفهم[/rtl]
[rtl]معظم كلامهم كان عن أن "فلانة" تحب هالبنت و أن "فلانة" تركت هالبنت..[/rtl]
[rtl]حست نورة بالملل.. لأن هالسوالف ما تعجبها أبدا بس ما قالت شي عشان خاطر مريم[/rtl]
[rtl]كانت سرحانة في الجرح اللي في يد مريم اللي عملته قبل مدة قليلة و مرة وحدة حست بالخوف أن أحد البنات يلاحظ![/rtl]

[rtl]مرة وحد تقوم فاطمة و تسحب إيد مريم و تشوف الجرح[/rtl]
[rtl]فاطمة بتعمد بصوت عالي: مريم شنو هالجرح اللي في إيدك أول مرة أشوفه[/rtl]
[rtl]و كل البنات سكتوا و طالعوا الجرح[/rtl]
[rtl]سمر: نورة! ليش تكتبين نوــ..[/rtl]
[rtl]قامت حصة و نغزت سمر بأن تسكت لأن الكل يدري ليش مريم كاتبة نورة بالجرح! سكتت سمر و فرت وجها[/rtl]
[rtl]البنات ساكتين و هم يطالعون نورة و ناطرينها تتكلم أو أن يكون لها ردة فعل!
مريم كانت ساكتة و تطالع نورة.. كانت تدري أن هالموقف بخلي نورة تزعلج[/rtl]

[rtl]مريم بكل هدوء: نورة أقرب وحدة لي الآن.. و هذا السبب الوحيد[/rtl]
[rtl]الكل إنصدم من رد مريم.. حتى نورة..[/rtl]
[rtl]توقعوها ما تعترف بهالشي جدام هالعدد من البنات![/rtl]
[rtl]فاطمة: أشوف بعض الناس نسوا حبهم القديم و ردوا حبوا من أول![/rtl]
[rtl]نورة إنقهرت.. لمتى تسكت! لازم توقف لنفسها و إذا ما ردت على فاطمة ذيك الحزة بتكره نفسها![/rtl]
[rtl]نورة: لو سمحتي لا تقطين نغزات على كيفك! أنا صديقتها مو أكثر و مو أقل و اللي صار مع شوق ما لي دخل فيه و مريم حرة باللي تعمله![/rtl]
[rtl]فاطمة: عشتوا! طلع اللسان و طلعت الهادئة على حقيقتها! أنتي تعرفين شنو أنتي بالنسبة لكل البنات اللي جالسين هنا؟! ولا شي.. ولا حتي نسمة هوا.. انت مخفية و من المستحيل أن وحدة مثل مريم تحبـــ..[/rtl]
[rtl]قامت مريم و قاطعت فاطمة و هي تصرخ: فاطمة خلاص!! بس زهقتيني منك!![/rtl]

[rtl]قامت مريم من مكانها و طلعت من الصالة و نورة قامت معاها[/rtl]
[rtl]كل البنات اللي في الصالة قاموا عن فاطمة و ولا أحد تم قاعد معاها..[/rtl]
[rtl]اللي سوته و قالته كان في قمة الحقارة و تستاهل اللي يصيير لها..[/rtl]
[rtl]نورة تمت تمشي ورا مريم و كانت مريم تمشي بسرعة و هي محمقة بين زحمة البنات اللي كانوا طالعين للهدة..[/rtl]
[rtl]و نورة كانت تبي توصل لعند مريم بأسرع وقت ممكن[/rtl]
[rtl]و لما وصلت لعندها حاولت توقفها بس ما في فايدة[/rtl]
[rtl]ليه ما آخر شي قامت مريم و وقفت بنفسها بجنب باب المدرسة[/rtl]
[rtl]مريم بحمق: هالتافهة اللي إسمها فاطمة مفروض تشوف حالها و بعدين تتكلم عن حالة غيرها! أنا ما فاهمة ليش هي كذا عليك![/rtl]
[rtl]نورة: مريم ما يخصك منها! هي منقهرة من أول ما شافتني في التدريب![/rtl]
[rtl]مريم: بصراحة صدمتيني اليوم.. كبف رديتي عليها..[/rtl]
[rtl]نورة: أنا ليلحين منصدمة و مو مصدقة أن أنا هي اللي ردت كذا![/rtl]
[rtl]مريم: المهم.. إنسي سالفة فطوم السبالة شوي و خل نتكلم عن الغذا.. شرايك في بيتنا؟![/rtl]

[rtl]سكتت نورة و قعدت تفكر بأن مافيها شي يلا..[/rtl]
[rtl]نورة: عاد بسرعة لأن لازم أرجع البيت من غير ما أتأخر..[/rtl]
[rtl]ركبت نورة مع مريم و السيارة جدام بنات المدرسة كلهم و صارت عيون البنات كلها عليهم![/rtl]
[rtl]أول ما دخلوا بيت مريم كانت أمها جالسة تشاهد التلفزيون مع أخو مريم الصغير راشد[/rtl]
[rtl]أم مريم: هلا بنورة.. نورتي البيت والله[/rtl]
[rtl]نورة: هلا خالتي شلونك؟![/rtl]
[rtl]أم مريم: الحمد الله..[/rtl]
[rtl]جلست مريم جدام أمها و خذت تفاحة من سلة الفواكه اللي جدامها[/rtl]
[rtl]و مرة وحدة تركيز أم مريم صار على جرح مريم بدال التلفزيون[/rtl]
[rtl]لو كانت شايفة جرح متعمد طبيعي لو ردة فعلها بتكون عادية بس لأن الجرح على إسم نورة.. ما قدرت تصدق اللي تشوفة و بدأ الشك في قلبها ينولد![/rtl]
[rtl]مريم: يمه أنا و نورة بنروح فوق داري.. إذا الغدا برز نادي..[/rtl]
[rtl]أم مريم بس هزت راسها فوق و تحت من غير أي كلام و عينها ليلحين على الجرح[/rtl]
[rtl]كانت مريم ناسية موضوع الجرح[/rtl]

[rtl]ركبت نورة مع مريم لدارها و كانت نورة تحس بالسعادة حتى لو مصائبها مو قليلة..[/rtl]
[rtl]بس تقريبا كل مشاكلها إنحلت.. هي خسرت العنود و هدى بس إ********بت مريم.. هي خسرت حنان أبوها و أمها بس عندها مريم تراعيها أحين..[/rtl]
[rtl]من بعد اللي صار اليوم نورة شافت مريم بنظرة مختلفة و أصبحت تبغي تحبها لأنها كبرت بعينها![/rtl]

[rtl]قامت نورة و ضمت مريم.. مريم إنصدمت صدمة قوية[/rtl]
[rtl]لأن هذا مو من طبايعها..[/rtl]
[rtl]قامت مريم و هب ميتة من الفرحة و ضمت نورة بقوة أكثر..[/rtl]
[rtl]نورة: شكرا على اللي سويتيه.. ما قصرتي[/rtl]
[rtl]مريم: حتى أنتي ما قصرتي بصراحة..[/rtl]
[rtl]سكتوا شوي و هم يشوفون بعض بنظرات جديدة![/rtl]
[rtl]نورة: اللي قلتيه عني خلاني أبكي! لأن وناستي واصلة حدها![/rtl]
[rtl]قامت مريم و ضمت نورة من جديد بس هالمرة طولت[/rtl]
[rtl]و مرة وحدة تفتح أم مريم باب الدار و تشوفهم ضامين بعض[/rtl]
[rtl]و تحس بالغضب اللي ما له حدود![/rtl]
[rtl]أم مريم بحمق: شصاير؟! أبي تفسير أحين أحين!!!![/rtl]




[rtl]الفصل الثاني عشر: الكل ضدي .. ليش الكل صار ضدها!![/rtl]
[rtl]هل كان الحل ان الكل يصير ضد نورة .. وينتهي هالشي بالدمااار ؟؟[/rtl]
[rtl]الفصل الثاني عشر: الكل ضدي [/rtl]

[rtl]وقفوا نورة و مريم و هم يطالعون أم مريم و هم منصدمين من اللي قاعد يصيير [/rtl]
[rtl]مريم: يمه شفيك تصرخين؟! شنو صاير؟! [/rtl]
[rtl]أم مريم: أنا بقولك شنو صاير.. هالبنت اللي معاك مخربة عقلك و مخليتك تعملين كذا بيدك.. [/rtl]
[rtl]مريم غطت الجرح اللي في إيدها من غير ما تحس و نورة كانت ساكتة و خايفة من اللي راح يصيير [/rtl]
[rtl]أم مريم و هي تكلم نورة: تكلمي لا.. شفيك ساكتة؟! [/rtl]
[rtl]نورة ما قدرت تستحمل بدأت تبكي بصوت خفيض [/rtl]
[rtl]لما مريم شافت أن نورة بدأت تبكي.. ما قدرت تسكت [/rtl]
[rtl]مريم: شفيك انتي ما صار شي و ولا أحد مخربني و اللي في يدي أنا عاملته عن نفسي و مو نادمة عليه! [/rtl]
[rtl]أم مريم بحمق: الله أكبر عليك! أحد يكلم أمه بهالطريقة! وين مربيينك في الشارع! مريم لا تخليني أعمل شي ما ودي أعمله! [/rtl]
[rtl]مريم: جاية لعند داري تصرخين على رفيجتي و تتهمينها بشي هي ما سوته و كل هذا و ليلحين ما عملتي شي! [/rtl]

[rtl]أم مريم و هي تصرخ: مريم والله أنــــ.. [/rtl]
[rtl]مريم و هي تقاطع أمها: خلاص لا تقولين شي أكثر ما راح أقعد في هالبيت مليت.. أبوي من صوب و انتي من صوب و حتى ربعي ما عادوا يريحوني.. زهقت من كل من! [/rtl]

[rtl]سكتت نورة و وقفت تشوف مريم و هي منقهرة [/rtl]
[rtl]طلعت مريم و هي محمقة من دارها و تمت نورة مع أم مريم لوحدهم [/rtl]
[rtl]أم مريم بحمق: شفتي شسويتي! أنتي دمرتي حياة بنتي ياللي ما تستحين! [/rtl]
[rtl]نورة بصوت واطي: أنا ما عملت ولا شي.. والله ما عملت شي!! [/rtl]
[rtl]أم مريم: بس ولا كلمة.. راح تندمين! تقلبين بنتي الوحيدة على أمها و أبوها و ربعها و تخلينها بهالحالة! أنا مو عمية أشوف.. أدري أن شوق ما عادت تجي لهنا بسبب شي عملتيه.. خلاص ما أبي أشوفك مع مريم! [/rtl]

[rtl]ردت نورة تبكي و ركضت لبرع دار مريم [/rtl]
[rtl]طلعت لعند باب البيت كانت راح تمشي للبيت بس مريم كانت واقفة عند باب البيت تنتظرها.. [/rtl]
[rtl]سحبت مريم نورة من يدها عشان تكلمها [/rtl]
[rtl]مريم: نورة.. اللي صار توه.. والله ما لك أي دخل فيه لا تزعلين علي [/rtl]
[rtl]نورة و هي تمسح دموعها: أدري مريم.. بس أنا خلاص تعبت.. ما أبي أعمل لك مشاكل أكثر.. [/rtl]
[rtl]مريم: يعني شنو راح تعملين؟! تقطعين علاقتك بي؟! [/rtl]
[rtl]نورة: إذا هذا هو الحل.. أي [/rtl]

[rtl]مشت نورة من عند مريم و هي تمشي في الشارع و مو عارفة وين رايحة [/rtl]
[rtl]مريم مشت وراها و هي محمقة [/rtl]
[rtl]مريم و هي تمشي وراها: نورة.. نورة شنو هالكلام.. تقطعين علاقتنا بعد كل اللي صار [/rtl]
[rtl]نورة و هي تلتفت على مريم: مريم علاقتنا شهر ما صار لها! [/rtl]
[rtl]مريم: شهر بس كأنه سنين بالنسبة لي.. وقفنا مع بعض طول هالمدة [/rtl]
[rtl]نورة: و وقفتنا مع بعض شكلها ما كان الكل راضي عليها [/rtl]
[rtl]مريم: و يعني لازم نسمع كلام الكل.. [/rtl]
[rtl]نورة: مريم أنت شكلك ما قادرة تفهمين.. أنا طول حياتي كنت أعيش و كأني مخفية.. ما كنت أتكلم عن أحد و ولا أحد عمره تكلم عني.. كنت مرتاحة.. [/rtl]
[rtl]مريم: مرتاحة؟! من صجك كنتي مرتاحة؟! أنا أكثر وحدة أعرفك.. ما كنتي مرتاحة [/rtl]
[rtl]نورة: و انتي شعرفك فيني مريم.. أنا مو مثلك و مثل ربعك.. أنا غير [/rtl]
[rtl]مريم بحمق: شنو غير فيك.. ها؟! أنت تمثلين نورة.. تدرين أن الكل ماخذ فكرة عنا أن أحنا حبايب و عاملة نفسك متضايقة و انتي في الحقيقة فرحانة! [/rtl]

[rtl]ما عرفت نورة كيف ترد على مريم.. اللي قالته لها خلها تحس أنها راح تنفجر [/rtl]
[rtl]نورة: خلاص مريم ما أعرف شلون أكلمك.. بس خلاص أبغي أروح البيت [/rtl]
[rtl]مريم هدأت من نفسها شوي لأنها شافت نورة وايد تضايقت منها [/rtl]
[rtl]مريم: شوفي نورة.. تبغين تقطعين علاقتك فيني ما عندي مشكلة دام هذا اللي تبينه.. بس لا تمشين لوحدك كذا.. بوصلك للبيت على الأقل.. [/rtl]
[rtl]سكتت نورة و فكرت أن مافي أي طريقة ثانية توصلها للبيت.. [/rtl]
[rtl]هزت نورة راسها فوق و تحت أنها راضية [/rtl]
[rtl]مشت نورة مع مريم لعند سيارتها و هم ساكتين[/rtl]
[rtl]طوال الطريق مريم كانت مريم تلتفت على نورة بس نورة ما كانت تناظرها بالعين حتى [/rtl]
[rtl]وقفت مريم سيارتها عند بيت نورة و جلسوا في مكانهم ساكتين [/rtl]
[rtl]نورة بصوت خفيض: وين راح تنامين الليلة؟! [/rtl]
[rtl]مريم: أمممم.. راح أشوف شيخو إذا عندها مكان لي [/rtl]
[rtl]نورة: شكرا أنك وصلتيني.. [/rtl]
[rtl]نزلت نورة من السيارة و دخلت البيت [/rtl]

[rtl]أول ما دخلت سمعت صوت ضحك جاي من الصالة [/rtl]
[rtl]إلا تشوف عمتها جالسة مع هدى و أمل [/rtl]
[rtl]وقفت نورة و هي منصدمة باللي تشوفه [/rtl]
[rtl]شنو اللي جاب هدى و أمل لبيتهم بعد هوشتها مع هدى [/rtl]
[rtl]سلوى: نورة شفيك واقفة؟! تعالي جلسي مع هدى و أمل.. توهم يقولون لي أنهم ولهانين عليك.. [/rtl]
[rtl]سكتت نورة و راحت جلست عند عمتها من غير ما تقول أي كلمة.. [/rtl]
[rtl]سلوى: راح أخليكم أحين.. تأخر الوقت ولازم أنام.. تصبحون على خير.. [/rtl]
[rtl]أمل و هدى مع بعض: و انت من أهله [/rtl]
[rtl]نورة: و انتي من أهله عمتي[/rtl]
[rtl]ركبت عمة نورة لفوق و خلت الثلاث لوحدهم [/rtl]
[rtl]هدى قامت من مكانها و راحت جلست بجنب نورة [/rtl]
[rtl]هدى: نورة أنا.. بصراحة أنا آسفة على اللي صار.. [/rtl]
[rtl]نورة كانت متضايقة من سالفة مريم فلما سمعت اللي قالته هدى بكت من جديد.. [/rtl]
[rtl]نورة: هدى أنا كنت الغلطانة.. أنا آسفة.. [/rtl]
[rtl]قامت هدى و ضمت نورة و هي تبكي و أمل كانت شوي و تبكي معاهم.. [/rtl]
[rtl]هدى: أنا أصلا أدري أن مستحيل يكون عندك هالسوالف بس كنت متشككة.. والله لو ما كان عندي أمل راح يبقى هالشك و راح نفترق.. [/rtl]
[rtl]نورة قامت و طالعت أمل.. [/rtl]
[rtl]نورة: الحمد الله أن عندنا أمل.. [/rtl]
[rtl]هدى: نورة أنا ما عندي مانع أنك ترافجين مريم.. بالع******** عادي أنا ما أقدر أتحكم فيك انتي حرة و.. [/rtl]
[rtl]نورة و هي تقاطع هدى: لا تخافين أصلا خلاص تفارقنا.. [/rtl]

[rtl]سكتت هدى و هي منصدمة من كلام نورة [/rtl]
[rtl]هدى: لا تقولين أنكم إفترقتوا عشاني؟! [/rtl]
[rtl]نورة: لا لا بس حسيت أن اللي بينا غلط.. و بس [/rtl]
[rtl]هدى: زين عيل بروحك فهمتي شنو صح و شنو غلط.. [/rtl]
[rtl]ضحكت نورة ضحكة مصطنعة لأنها تدري أن علاقتها بمريم كان شي مهم بالنسبة لها و هي ما تدري شلون راح تتخطاها.. [/rtl]
[rtl]أمل: أنزين نورة يا قمر لازم نخليك أحين.. تأخر الوقت.. [/rtl]
[rtl]هدى: أي لازم تقومين من وقت للمدرسة.. أنا وايد فرحانة أني كلمتك [/rtl]
[rtl]نورة: أنا بعد وايد فرحانة.. 

هدى: نشوفك بالمعهد.. 

نورة: انشالله[/rtl]

[rtl]ركبت نورة فوق لعند دارها و حالتها نفس كل يوم من بعد ما رافجت مريم.. عوار راس و لوعة! [/rtl]
[rtl]بس في نفس الوقت حزينة على اللي صار بينها و بين مريم.. [/rtl]
[rtl]إنسدحت نورة على السرير و هي ما قادرة تنام [/rtl]
[rtl]قمت و حطت يدها تحت وسادتها إلا تحس بشي صلب تحتها [/rtl]
[rtl]طلعته إلا كان الموبايل اللي عطتها مريم.. كانت ناسية عنه.. [/rtl]
[rtl]قعدت تشوفه لمدة و هي تفكر.. "شنو قاعدة تسوي مريم في هاللحظة" [/rtl]
[rtl]مرة وحد يرن الموبايل في يد نورة و حست روحها ميتة من الخوف [/rtl]
[rtl]ما قدرت تعمل شي إلا ترد عليه.. أكيد مريم.. [/rtl]
[rtl]قامت نورة و ردت على الإتصال و هي ساكتة.. إلا تسمع صوت مريم.. [/rtl]
[rtl]مريم: ألوو.. نورة [/rtl]
[rtl]نورة: مريم؟! شفيك؟! [/rtl]
[rtl]مريم: نورة زين رديتي.. خفت أنك ما تردين.. شوفي برع شباك دارك [/rtl]
[rtl]نورة: شنو؟؟!! [/rtl]
[rtl]مريم: بس انتي شوفي و راح تعرفين.. [/rtl]
[rtl]قامت نورة من السرير و راحت لعند الشباك.. [/rtl]
[rtl]إلا تشوف مريم واقفة عند سيارتها و هي تكلمها [/rtl]
[rtl]نورة و هي منصدمة: شنو تعملين عن بيتنا هالحزة يالمجنونة!! [/rtl]
[rtl]مريم و هي تضحك: كنت أبي أفاجئك! [/rtl]
[rtl]نورة: مريم! ما فهمتيني لما قلت لك أبي أقطع علاقتك بي! [/rtl]
[rtl]مريم: فهمتك بس أبي أكلمك شوي.. [/rtl]
[rtl]نورة: تكلميني! قولي اللي عندك أحين بسرعة.. [/rtl]
[rtl]مريم: لا مو على الموبايل.. فتحي لي باب البيت.. [/rtl]
[rtl]نورة: شنو؟! لا لا ما أبغي مشاكل.. [/rtl]
[rtl]مريم: ليش من في البيت هاللحظة؟! [/rtl]
[rtl]نورة: أنا أعيش بس مع عمتي.. [/rtl]
[rtl]مريم: وين هي أحين؟! [/rtl]
[rtl]نورة: نايمة.. ليش مريم شصاير؟! [/rtl]

[rtl]مريم: فتحي الباب و راح أقول لك.. [/rtl]

[rtl]ما قدرت نورة ترد طلب مريم لأن شكلها السالفة جد [/rtl]
[rtl]نزلت نورة لعند باب البيت و فتحته [/rtl]
[rtl]دخلت مريم و وقفت في مكانها و هي تشوف نورة و هي مبتسمة [/rtl]
[rtl]نورة كانت خايفة أن عمتها تقوم من النوم و تشوفها مع مريم هالوقت من الليل.. ما كانت تبي مشاكل أكثر.. [/rtl]
[rtl]نورة: تدرين وقفتنا هنا تخوفني.. أمشي معاي لداري.. [/rtl]
[rtl]لما سمعت مريم كلمة "داري" من نورة إبتسمت من غير ما تحس[/rtl]
[rtl]ركبت نورة مع مريم لدارها و قفلت نورة الباب من وراها.. [/rtl]
[rtl]نورة و هي تجلس على حافة السرير: مريم قولي اللي عندك بسرعة ما أبي مشاكل أكثر.. [/rtl]
[rtl]مريم قامت و جلست جدامها على ركبها [/rtl]
[rtl]مريم: نورة تدرين أني ما قدرت أنام الليلة.. [/rtl]
[rtl]نورة و هي ترفع حاجبها: أنزين و.. [/rtl]
[rtl]مريم: و أن بعد ما وصلتك البيت حاسة بالحرقة في بطني.. تدرين ليش؟! [/rtl]
[rtl]نورة بسخرية: لا! يمكن لأنك ما تاكلين شي و تدخنين [/rtl]
[rtl]مريم و هي تضحك: لا نورة! لأني ما أقدر أتخيل روحي من غيرك.. [/rtl]
[rtl]نورة قامت من مكانها و هي محمقة: مريم انتي من صجك ما تفهمين! [/rtl]
[rtl]مريم قامت و راحت لعند نورة و لزقت فيها.. [/rtl]
[rtl]مريم و هي تهمس في إذن نورة: نورة يعني انتي تقدرين تبقين من غيري؟! [/rtl]
[rtl]سكتت نورة و طالعت الأرض.. [/rtl]
[rtl]مريم: أدري أنك ما تقدرين و ما تقدرين تكذبين هالشي.. لأن أنا و أنتي نكمل بعض.. [/rtl]

[rtl]نورة بس تمت ساكتة.. ما عارفة شلون ترد على كلام مريم [/rtl]
[rtl]مريم: نورة شفيك ساكتة ردي علي.. [/rtl]
[rtl]نورة: تبين أقولك ليش ما أقدر أفارقك.. لأني وقفت في وجه الكل عشانك.. الصديقة الوحيدة اللي جات و كلمتني أول يوم مدرسة ما تكلمني أحين بسبب علاقتنا.. قمت و طنشت كلام البنات اللي ما ينطاق عشانك.. غير الهوشة مع أمك.. من هالأشياء قلبي يعورني إذا فارقتك.. [/rtl]
[rtl]نورة جلست على طرف السرير و بدأت تبكي [/rtl]
[rtl]مريم: يا ربي على هالبنت الحساسة كل تبكي! [/rtl]
[rtl]نورة: شنو تبيني أعمل! [/rtl]
[rtl]مريم جلست بجنب نورة: أنزين آسفة.. أنتي بس هدي شوي.. وايد تحاتين نوري.. [/rtl]
[rtl]سكتت نورة شوي و هي تشوف مريم.. [/rtl]
[rtl]مريم: انتي بس حطي راسك و نامي شوي.. [/rtl]
[rtl]قامت مريم و خلت نورة تحط راسها على الوسادة و غطتها باللحاف [/rtl]

[rtl]راحت مريم لعند الطرف الثاني من السرير و حطت راسها على الوسادة بجنب نورة [/rtl]

[rtl]فتحت نورة عينها لأن حست بمريم كونها جنبها[/rtl]
[rtl]مريم: نورة تزاعلت مع شيخة و أحس روحي راح أموت[/rtl]
[rtl]نورة قامت و جلست في مكانها و هي تشوف مريم و الصيحة في عينها[/rtl]
[rtl]نورة: ليش؟! شفيها؟![/rtl]
[rtl]سكتت مريم و هي تشوف ايدها المجروحة[/rtl]
[rtl]مريم: فاطمة قالت لها كل شي و خلتها تزعل علي و أنا مو مصدقة أن هالحقيرة قلبت شيخة علي![/rtl]
[rtl]نزلت دمعة من عين مريم و مشت على خدها ليما إختفت[/rtl]
[rtl]نورة حست بالذنب أكثر من اللي هي حاسته[/rtl]
[rtl]مريم ضمت نورة بكل قوة و هي تبكي[/rtl]
[rtl]مريم: نورة أنا ما عندي أحد في الدنيا أحين إلا إنتي.. ما عندي عايلة و ما عندي ربع.. بس إنتي![/rtl]
[rtl]نورة سكتت ما عرفت شنو تقول..[/rtl]
[rtl]مرة وحدة سكتت مريم.. طالعتها نورة إلا تشوفها نايمة[/rtl]
[rtl]شكلها شكل طفل ما نام من أيام و التعب غالبه[/rtl]
[rtl]نورة و هي تفكر: أحين شسوي و هي نايمة كذا![/rtl]
[rtl]قامت نورة من مكانها بكل رقة عشان ما تقعد مريم من النوم[/rtl]
[rtl]طلعت من خزانتها لحاف و خذت الوسادة اللي بجنب راس مريم[/rtl]
[rtl]فرشت لها على الأرض و نامت[/rtl]

[rtl]صار صباح اليوم الثاني.. فتحت نورة عينها إلا تشوف عمتها واقفة جدامها[/rtl]
[rtl]سلوى: نورة حبيبتي قومي..[/rtl]
[rtl]مرة وحدة نطت نورة من مكانها لأنها تذكرت أن مريم نايمة على سريرها![/rtl]
[rtl]نورة حست بالخوف من اللي راح تقوله عمتها بأن مريم نامت في البيت و هي ما تدري[/rtl]
[rtl]سلوى و هي مستغربة: نورة ليش تاركة السرير خالي و نايمة على الأرض؟! شصاير؟[/rtl]
[rtl]نورة و هي تلتفت على السرير: خالي؟![/rtl]
[rtl]مريم ما كانت نايمة في السرير و هالشي خله نورة تستغرب![/rtl]
[rtl]ركضت نورة لعند شباك دارها إلا تشوف كروزر مريم مو موقفة عند بيتهم[/rtl]
[rtl]نورة و هي تكلم روحها: شكلها راحت![/rtl]
[rtl]سلوى: من اللي راحت؟! نورة حلمانة انتي؟![/rtl]
[rtl]نورة: لا لا.. بس ليلحين نعسانة شوي..[/rtl]
[rtl]سلوى: إنزين غسلي وجهك بسرعة لأنك راح تتأخري علىالمدرسة[/rtl]

[rtl]الفصل الثالث عشر: المأساة الأكبر[/rtl]


[rtl]قعدت نورة لمدة منتظرة خبر من المشرفة[/rtl]
[rtl]كانوا البنات رايحيين و جايين على المشرفة و نورة بس منتظرة في مكانها[/rtl]
[rtl]مرة وحدة نورة تسمع المشرفة تناديها[/rtl]
[rtl]المشرفة: نورة.. تعالي[/rtl]
[rtl]قامت نورة من مكانها و راحت لعند المشرفة[/rtl]
[rtl]وقفت و هي تنتظر المشرفة تتكلم و تقولها اللي عندها[/rtl]
[rtl]إلا تدخل سمر غرفة المشرفة على طول[/rtl]
[rtl]سمر: معلمة لحقي..[/rtl]
[rtl]قبل ما تكمل سمر كلامها قاطعتها المشرفة[/rtl]
[rtl]المشرفة: سمر إذا بتدخلين طقي الباب و بعدين إستأذني إذا ممكن تدخلين و بعدين سلمي و بعدين ممكن تتكلمين![/rtl]
[rtl]سمر: مسامحة والله مو قصدي[/rtl]
[rtl]المشرفة: إنزين قولي اللي عندك بسرعة أنا مشغولة[/rtl]
[rtl]سمر قبل ما تتكلم ناظرت نورة و شافت كيف ملامحها حزينة و عينها تدمع[/rtl]
[rtl]سمر و هي تكلم المشرفة: طال عمرك في حصة الفيزياء كنا نسولف عن الدرس بصوت واطي و المعلمة عصبت.. ما نشوف إلا تصييح و تصرخ و تطلع من الصف محمقة![/rtl]
[rtl]المشرفة: آخ كل مرة يا سمر.. ولا تطلع السالفة من صوب المعلمة غير في النهاية.. ليش صفكم بالذات! أكيد انتي السبب..[/rtl]
[rtl]سمر: لا والله معلمة ما صار..[/rtl]
[rtl]المشرفة و هي تقاطعها: انزين يا سمر معليك من هالسالفة أحين.. أنا راح أحلها..[/rtl]
[rtl]طلعت المشرفة ورقة من درجها[/rtl]
[rtl]المشرفة: أبغيك أحين تروحين لصف أول علم 1 و تجيبين أغراض نورة[/rtl]

[rtl]سمر خذت الورقة و هي تطالع نورة بإستغراب[/rtl]
[rtl]سمر: انشالله..[/rtl]


[rtl]طلعت سمر و سكرت الباب وراها[/rtl]
[rtl]نورة حست بالخوف.. قالت تكلم المشرفة أحسن بدال وقفتها و هي ساكتة[/rtl]
[rtl]نورة: معلمة.. راح أقول الصراحة و أبيك تفهميني.. أنا عمري ما ضريت أحد و صدقيني الكلام اللي قالت لك أم مريم مو بذنبي.. مريم جاتني و صارت صديقتي بنفسها..[/rtl]
[rtl]المشرفة: نورة أنا مشرفة المدرسة و أعرف زين ما زين عن هالسوالف اللي تصيير بين البنات و كلهم يقولون النفس الكلام لما ينصادون.. "صداقة بس لا أكثر"[/rtl]
[rtl]نورة: بس أنا أعني هالكلام.. معلمة أنا لما كنت في مصر كنت في مدرسة خلط و..[/rtl]
[rtl]المشرفة و هي تقاطع نورة: حبيبتي لا تحاولين خلاص.. السالفة كملت و راح نفصلك لمدة و بعدين راح نشوف إمكانية إعادتك إلى هالمدرسة من بعد قرار من الوزارة نفسها..[/rtl]
[rtl]نورة سكتت و حست بحزن كبير.. الله يستر شنو راح تقول عمتها لما ترجع البيت..[/rtl]


[rtl]المشرفة حست بنورة.. و حست بأنها من صجها خايفة و حاسة بتوتر[/rtl]
[rtl]المشرفة: نورة تعرفين أن كل هذا جزء من عملي.. ما أقدر أرد طلب أي ولي أمر إذا معاهم الحق و بتطييح السالفة فوق راسي و راسك إذا دروا أني ما حليت المشكلة بالطريقة الصح[/rtl]
[rtl]نورة سكتت و فكرت و قالت لنفسها أن كلام المشرفة واقعي.. بس في شي واحد قاهرها[/rtl]
[rtl]ليش مريم ما بعاقبونها! ليش بس هي![/rtl]
[rtl]دخلت سمر غرفة المشرفة و معاها أغراض نورة[/rtl]
[rtl]نورة ناظرت سمر.. شافت أغراضها في يد سمر و حست أنها راح تبكي من أول[/rtl]
[rtl]المشرفة: سمر بس تركي الأغراض بجنب الباب و ردي لصفك.. مشكورة ما قصرتي..[/rtl]
[rtl]سمر هزت راسها مرة وحدة فوق و تحت[/rtl]
[rtl]و طلعت.. نورة بس وقفت ساكتة[/rtl]
[rtl]المشرفة: نورة إتصلت بعمتك و كلمتها لما كنتي برع جالسة..[/rtl]
[rtl]نورة رفعت راسها و فتحت عينها على الآخر لما سمعت هالجملة[/rtl]
[rtl]المشرفة: و قالت أنها راح تطرش السايق ياخذك و يرجعك البيت و أن هي راح تتولى الأمور هناك.. السايق أكيد برع ينتظرك..[/rtl]
[rtl]الوضع ما سمح لنورة أنها تقول اي كلمة..[/rtl]


[rtl]طلعت نورة من غرفة المشرفة و حملت أغراضها من عند الباب[/rtl]
[rtl]لما رافعت راسها شافت سمر واقفة عند باب مبنى المشرفات[/rtl]
[rtl]طلعت من المبنى إلا تشوف سمر تمسك كتفها[/rtl]
[rtl]سمر: نورة ممكن أكلمك شوي؟![/rtl]
[rtl]نورة بصوت واطي: لازم أروح..[/rtl]
[rtl]مشت نورة من عندها بس سمر نطت جدامها و وقفتها[/rtl]
[rtl]سمر: نورة بس دقيقة.. ثواني بعد إذا تبغين![/rtl]
[rtl]نورة وقفت عشان تشوف اللي عند سمر[/rtl]
[rtl]سمر: نورة.. شصاير؟ وجهك يقول لي أن صاير شي مو زين مع المشرفة[/rtl]
[rtl]نورة مشت من عندها مرة ثانية و هي تطالع الأرض[/rtl]
[rtl]سمر: نورة شفيك تمشين من عندي.. أوقفي كلميني.. شصاير؟![/rtl]
[rtl]نورة و هي توقف مرة وحدة: الحمد الله.. راح أفتك من هالمدرسة و سوالفها و من بنات مثلك![/rtl]
[rtl]سمر: هيييي تعالي شقصدك؟![/rtl]
[rtl]طلعت نورة برع المدرسة و ركبت السيارة[/rtl]
[rtl]أول ما جلست قعدت تبكي بقوة ليما حست نفسها راح تنفجر[/rtl]
[rtl]حست بخنقة القوية![/rtl]



[rtl]دخلت نورة البيت و هي تدعي لله أن عمتها ما راح تشوفها ليما تدخل دارها[/rtl]
[rtl]توها تبغي تروح لدارها إلا تسمع صوت عمتها[/rtl]
[rtl]سلوى: نورة..[/rtl]
[rtl]وقفت نورة في مكانها و قلبها كان بوقف لما سمعت صوت عمتها و ما رفعت عينها عن الأرض[/rtl]
[rtl]سلوى بحمق: أبي أسمع السالفة كلها منك أحين أحين![/rtl]
[rtl]نورة و هي تبكي: عمتي والله ما لهم حق يفصلوني! والله![/rtl]
[rtl]سلوى: نورة أنا ما راح أناقشك في موضوع الفصل.. اللي أبي أعرفه كيف بنت مؤدبة لآخر حد و عمرها ما ضرت أحد يكون عندها هالسوالف![/rtl]
[rtl]نورة: عمتي سمعيني.. أنا ما عملت شي غلط.. والله بينا صداقة مو أكثر![/rtl]
[rtl]سلوى: نورة.. البنت مسترجلة ولا لا؟! المشرفة قالت لي عنها.. فلا تحاولين تكذبين![/rtl]
[rtl]نورة ما قدرت تكذب.. لأن الكذب ما بخليها تفلح في أي شي هالوقت[/rtl]
[rtl]نورة: هالشي صح بس هي طيبة و دافعت عني كم من مرة و لأول مرة في حياتي أحس بأني محبوبة من شخص هالقد![/rtl]
[rtl]سلوى: نورة فتحي عينك شوي! كيف كنتي عمية طول هالوقت! المشرفة قالت لي أنها تحس أن الذنب مو كله ذنبك لأنها تعرف عن سوالف هالبنت و حركاتها![/rtl]

[rtl]نورة و هي تحذف أغراضها على الأرض: أنا مو عمية! و هي الوحيدة من البنات اللي تحبني وايد![/rtl]
[rtl]سلوى: هالحب مو طبيعي و خلق مشاكل كثيرة! و أولها مع أمها! نورة حطيتيني في موقف ما ينطاق! والله ما توقعته منك![/rtl]
[rtl]نورة و هي تصرخ: أمها ظلمتني! والله ظلمتني! أنا ما عملت شي![/rtl]
[rtl]سلوى: نورة خلاص! السالفة صارت و انتهت و أنا ما أبغى أكلمك أو أشوفك في هالحظة![/rtl]


[rtl]نورة ما قدرت تستحمل أكثر.. ركضت فوق لدارها[/rtl]
[rtl]أول ما دخلت غرفتها قفلت الباب و حذفت بروحها على السرير..[/rtl]
[rtl]حست بألم قوي مرة وحدة في بطنها و كأنه يتشقق من داخل[/rtl]
[rtl]و كانت الخنقة ذابحتها و وجها محمر![/rtl]
[rtl]قامت من مكانها و راحت لعند الشباك عشان تفتحه ليدخل هوا شوي[/rtl]
[rtl]إلا تلمح عمتها تركب السيارة و تمشي من عند الباب[/rtl]
[rtl]أول شي جيه في بالها أنها تريد تشوف مريم![/rtl]
[rtl]كانت تريد تكلمها و تشكي حالها و تطلب منها تجييها..[/rtl]
[rtl]قامت نورة و طلعت الموبايل من تحت وسادتها و إتصلت بمريم على طول[/rtl]


[rtl]مريم وقتها كانت تلعب بالكورة في الصالة الرياضية لوحدها[/rtl]
[rtl]مريم بس شافت هالرقم يتصل بها درت أن نورة مو في المدرسة و أنها بالبيت و ردت عليه على طول[/rtl]
[rtl]نورة و هي تنافخ من القهر: ألوو.. مريم..[/rtl]
[rtl]مريم: نورة! نورة ليش في البيت انتي؟! أنا توني أدور عنك في كل المدرسة![/rtl]
[rtl]نورة و شوي بدأت تبكي: مريم أمك كلمت المشرفة.. و قالت لها..[/rtl]
[rtl]مريم بفزع: هااا؟! قالت لها عن شنو؟![/rtl]
[rtl]نورة: كل شي!! عن كل شي بينا مريم! مريم وينك أحين.. أبغيك معاي.. بجنبي![/rtl]
[rtl]مريم: أنا في الصالة أحين ولا أحد معاي.. نورة هدأي شوي[/rtl]
[rtl]نورة: مريم ما تقدرين تطلعين و تجييني؟![/rtl]


[rtl]سكتت مريم و خذت نفس و طلعته.. كانت تفكر بحل[/rtl]
[rtl]مريم: راح أطلع من المدرسة أحين و بجيك..[/rtl]
[rtl]نورة هدأت شوي لما سمعت أن مريم راح تجيها[/rtl]
[rtl]سكرت نورة الموبايل و جلست في مكانها و هي لامة نفسها بيدينها[/rtl]


[rtl]إنتظرت لمدة بس جاها نوع من تشكك أن مريم راح تجيها[/rtl]
[rtl]إمسكت التلفون في يدينها و جلست تطالعه[/rtl]
[rtl]ما صارت ثواني إلا هي تتصل في مريم مرة ثانية[/rtl]
[rtl]رن التلفون ثلاث رنات ليما ردت عليه مريم[/rtl]
[rtl]مريم: ألووو[/rtl]
[rtl]نورة: مريم.. وينك؟؟![/rtl]
[rtl]مريم: أنا في السيارة في طريقي لك..[/rtl]
[rtl]نورة: بسرعة لا تتأخري[/rtl]
[rtl]مريم: نورة وصلت عند بيتكم..[/rtl]
[rtl]نورة: دخلي بسرعة لما تنزلين..[/rtl]
[rtl]نزلت مريم من سيارتها و قامت تركض لباب البيت[/rtl]
[rtl]دخلت لصالة البيت إلا تشوف نورة واقفة عند الدرج[/rtl]
[rtl]نورة و هي تمشي لعند مريم: مريم وينك عني!![/rtl]
[rtl]قامت نورة و ضمت مريم بكل قوة[/rtl]
[rtl]بس مريم بعدتها عنها شوي[/rtl]
[rtl]مريم: نورة.. قولي لي السالفة كلها.. أبغي أعرف![/rtl]
[rtl]نورة: راح أقول لك بس أخاف عمتي تجي و تشوفك.. نروح داري أحسن[/rtl]
[rtl]مريم ما قالت شي بس هزت راسها فوق و تحت مرة[/rtl]

[rtl]الفصل الرابع عشر: من حب إلى كره[/rtl]

[rtl]دخلت سلوى لدار نورة و إلتفتت إلا ما تشوف أثر لنورة[/rtl]
[rtl]سمعت صوت الدوش و عرفت أنها في الحمام[/rtl]
[rtl]سلوى و هي تطق باب الحمام: نورة.. ليش ما تردين علي؟![/rtl]
[rtl]نورة كانت جالسة على أرض الحمام و تبكي بصوت واطي و كانت خايفة أن عمتها تسمعها[/rtl]
[rtl]سلوى: نورة ردي علي.. أدري أنك زعلانة علي بس لي حق في كل اللي قلته و الحق مو عندك أنك ما تكلميني..[/rtl]
[rtl]ما قالت نورة ولا كلمة بس تمت ساكتة[/rtl]
[rtl]ما قدرت ترد لأن عمتها بتدري أنها متضايقة وايد من صوتها المبحوح[/rtl]
[rtl]و هي ما تبغى عمتها تدري أنها تبكي في ذيك الحزة[/rtl]
[rtl]سلوى: خلاص على راحتك.. إذا ما راح تكلميني.. أنا ما راح أكلمك.. الظاهر تبغين تعودين لمصر عند أبوك[/rtl]
[rtl]زاد بجي نورة لما سمعت عمتها و هي محمقة عليها[/rtl]
[rtl]طاف على الوقت تقريبا خمس دقايق و سلوى ما قالت شي[/rtl]
[rtl]الظاهر خرجت من دار نورة..[/rtl]
[rtl]وقفت نورة في مكانها و راحت لعند المنظرة[/rtl]
[rtl]وقفت تناظر روحها و كيف عينها منتفخة من البكي[/rtl]
[rtl]تذكرت لما كانت جالسة مع مريم في حديقة بيتهم الخلفية و باللي قالته لها مريم[/rtl]