رواية الحلم المستحيل

الجــــــــــــــــ 15ــــــــــــــــزء



نواف : السلام عليكم .. هلا أحمد
أحمد : وعليكم السلام .. هاه وصلتوا !!
نواف : أيييه ..
أحمد : هذاي طالع لكم ..



أبو مجاهد : وصلن ؟؟
أحمد : أيييه ..


طلع أحمد .. حتى يستقبل خالاته ..


فتح الباب الكبير .. ودخلت سيارة نواف .. ألي كان فيها أم سعد وأم محمد ..

نزل نواف وراح عند أمه حتى يساعدها عشان تنزل ..

نزلت أم سعد وأم محمد .. ووقفن ..


كان أبو عبدالرحمن وأبو فراس وأبو مجاهد وأم سعود طالعين برا البيت

قرب أحمد من خالاته وسلم عليهن وحب روسهن ..

وجت بعد كذا أم سعود وضمتهن .. وجلسن يصيحن ..

وقربوا أبو عبدالرحمن وأبو فراس وأبو مجاهد وسلموا على خواتهم .. كان شعورهم غريب .. لحظات غريبه .. الكلمات أنحبست بشكل غريب .. ما فيه ألا أنين فرحه غريب .. دموع غريبه .. نظرات غريبه .. كل شي في ذيك اللحظه كان غريب ..
وكان لازم يكون كل شي غريب ..

من كان يتوقع أنهم راح يتلاقون ..

أخوان من الأب .. ما يعرفون عن بعض شي .. غير أنه لهم أخوان وبس ..


بعد فتره دخلوا داخل البيت ..
بعد ساعه ونص تقريباً .. وصلت أم أحمد
بعدين جلسوا يآخذون أخبار بعض ..

الساعة 11 .. أستأذنت أم سعد وأم محمد من أخوتهن .. بعد ما وعدنهم انهم يتعشون عندهم بكرا .. لأن أبو عبدالرحمن قرر يسوي عزييمه لخواته


طلع نواف مع أمه وخالته .. وشاف واحد قاعد يناظر سيارته من برا وهو مستغرب ..

نواف : سعووووووود !!

سعود : نواااف !! وش جابك ؟؟ لا تصير أنت ولد خالتي !!

نواف : لا لا .. ألا ألا .. سعود ...

سعود : ههههههههه .. سنه كامله أشتغل أنا وياك وبالنهايه تصير ولد خالتي

قرب سعود من خالاته وسلم عليهن ..

نواف : يمه هذا سعود ولد أختك وزوج بنتك ..

أم سعد : يا هلا بوليدي .. بشرني عن صحك !!

طلعت أم سعود ..

سعود : يمه تعالي شوفي آخر نكته .. نواف صار ولد خالتي ..
أم سعود : أيييه وش فيها ؟؟

سعود : يمه .. هذا نواف زميلي بالعمل من سنه .. وأخو خطيبتي بعد

أم سعود : صدق والله !! أمجاد تصير بنتك ؟؟

أم سعد : يا سبحان الله .. أيه أمجاد بنتي ..

........................................

أحمد : كانت هذي آخر شي حصل لهاليوم ..

غيداء : الله أحداث رهيبه ..

أحمد : ألا غريبه .. يعني حنا عارفين ان سعود خاطب أخت صديقه .. بس مب عارفين أنه خاطب بنت خالته ..

غيداء : سبحان الله .. من كان يتوقع أنهم راح يتشاوفون !! حتى أنا كنت أظنهن يقربون لكم من بعيد .. ما كنت أتوقع أنهن خالاتك ..

أحمد : اووووه نسيت أقول لك .. عبدالله جاي للرياض ويبي يشوفك

غيداء : صدق !!! يالله من ثلاث أسابيع ما شفته ..

أحمد : هو يجي لرياض كل أسبوع عشان قضية مشاري .. ويوم عرف أننا هنا قال أنه يبي يسلم عليك حتى ما يسافر للقصيم ..

غيداء : أحمد .. حاول فيه حتى يترك شغله بأبها ويجي للقصيم ولا الرياض

أحمد : عني أنا حاولت فيه .. بس هو مب راضي .. يقول أنه مرتاح هناك .. والشغل مب بكيفه .. يعني مب قادر يلقى له وظيفه هنا

غيداء : بس عمي عرض عليه كم مرة أنه يجي يتوظف بشركتهم .. بس هو مب راضي ..

أحمد : خلاص أنتي حاولي فيه .. يمكن ربي يهديه ويرضى ..

غيداء : ياااارب ..

.......................................

دخلت رولا على مكتب أبوها .. كان غارق بأوراقه .. خافت من ردة فعله .. بس هي واعدت غاده أنها تعرف منه عن مشاري .. ولازم تعرف عشان غاده ..

رولا : ا .. السلام علـ .. يكم ..

أبو عبدالله رفع عيونه لرولا وهو معبس ..

رولا بلعت ريقه بصعوبه : مـ مساء الـ الـخير

أبو عبدالله : عجلي وش عندك ؟؟ ما تشوفين أني مشغول !!

رولا : ........

أبو عبدالله صرخ : وش عندك ؟؟

رولا : ا .. ا .. م م مشاري ..

أبو عبدالله : الله يقطع سيرته .. جايه لمي عشان هالمروج !! انقلعي برا

طلعت رولا وهي خايفه .. ودخلت عند غاده .. وهي تصيح ..

غاده وهي خايفه : رولا حياتي وش فيك ؟؟

جت لها رولا وضمتها وجلست تصيح ..

غاده : أبوي .. صرخ عليك صح ؟؟

رولا : ..............

غاده : كنت متوقعه .. بس أنتي أصريتي ألا تسألينه ..

........................................ ......................

اليوم الثاني ......

أجتمعت العائله عند أبو عبدالرحمن ..

أم سعد وأم محمد مع أبو فراس وأبو مجاهد وأم سعود وأم أحمد ..

البنات وتعارفوا على بعض .. والشباب تعرفوا على عيال خوالهم .. كانت لمه حلوه ..

دخلت أمجاد ونوره مع بنات خالهم لمجلس الرجال بعد ما طلعوا الشباب حتى يسلمون على خوالهم ..

أبو مجاهد : يا هلا والله ببنات أختي .. يا هلا ..

أبو فراس : هذولي بناتك يا أم سعد ..

أم سعد : الله الله .. هذي أمجاد وهذي نوره وليان ..

أم محمد : والبنات الصغار بناتي .. أماني ورغد وإسراء ..
أبو عبدالرحمن : يالله أنك تصلحهن ..

أم سعود : وش أسمك يا حلوه ؟؟

ليان : ليوني ..

أم سعود : ليوني ... تعرفين من أنا ؟؟

ليان : أيييه .. خالتي الجديده ..

أم أحمد : هههههه .. الجديده ..

ليان : أيييه .. وهذي خالتي القديمه .. (تأشر على أم محمد )

أم محمد : أنا قديمه ..

أبو مجاهد : أم سعد .. سعد وينه ؟؟ أحنا ماشفنا ألا نواف !!

أم سعد : سعد صار له حادث .. وهو الحين بالمستشفى ..

أبو فراس : من متى هالكلام !!

أم سعد : له ثلاث أسابيع ..

أبو عبدالرحمن : أجل لازم نزوره ..

أبو فراس : أمجاد .. أنتي بأي صف ؟؟

أمجاد : أول جامعه ..

أم سعود : هذي خطيبه ولدي ..

هنا أمجاد غاصة بملابسها من الحياء

أم أحمد : الله يوفقهم .. ويتمم بينهم على خير ..

أبو مجاهد : ألا ما تلاحظون أن الزواج بعيد شوي .. ليش ما تستعجلون حتى نفرح بهم !!

أم سعود : هههههه شكل سعود مكلمك بهالموضوع ..

أبو مجاهد : ليش ؟؟ هو يبي يستعجل بالزواج ؟؟
أم سعود : ليتك شايفه أمس .. يقول لي قولي لخالتي يستعجلون

أم سعد : عني أنا ما عندي مانع ..

تخيلوا كيف كان شكل أمجاد في ذاك الوقت .. بس نوره أختها أنقذتها

نوره : ليش يمه ؟؟ لهذا الحد أمجاد رخيصه عندك !!

أم سعد : لا والله .. يشهد الله على غلات أمجاد عندي .. بس ودي أفرح بها

أبو فراس : وإن شاء الله الدور جاي عليك يا نوره ..

نوره : أنا ماعندي مانع .. بس أتزوج أنا وصديقتي مع بعض .. ونآخذ أخوان بعد ..

أبو فراس : يا الله على هالصداقه .. زين ما قلتي نآخذ رجل واحد ..

نوره : لا لا .. ما أبيها تآخذ رجلي .. بعدين نتهاوش

........................................ .........

اليوم الثاني .. في المدرسه ..

رولا : مشكووووووره .. يا عمري .. ماراح أنسى لك هالمعروف

دينا : العفو .. ما سويت ألا واجبي ..

رولا فتحت المجلد ألي معها .. وصارت تقراه وتتمعن فيه ..

دينا : عمي يقول أنك تقدرين تجين للجمعيه وتتدربين ..

رولا : والله !!!
دينا : أيه هو يقول أنهم يعلمون أهالي المعاقين كيف يدربونهم .. وعمي يقول إذا تبي تجي تسجل بالدورات ..

رولا : والله ما أعرف كيف أشكرك يا دينا !! ما تعرفين قد أيش فرحتيني !!

دينا : أنا ما سويت شي ..

السالفه وكل ما فيها أن عم دينا دكتور .. ورولا أعطت دينا أوراق وفحوصات غاده .. ودينا أعطتهم لعمها .. وهو قال أن غاده تحتاج لتمارين .. وأعطاهم مجلد فيه كيفيه التمارين .. ورولا قررت تعالج غاده بنفسها .. لأن أبوها رافض أنه يعالجها ..


في البيت ..

غاده : من جدك تتكلمين ؟؟

رولا : أيييه .. فيها شي ؟؟

غاده : بسسس ..

رولا : لا بس ولا غيره .. أنا قررت أسويلك تمارين .. يعني أسويلك تمارين .. والتمارين الصعبه راح اتدرب عليها في الجمعيه ..

غاده : طيب وش راح تقولين لأمك ؟؟

رولا : راح أقول لها أني آخذ دورة ..

غاده : بس وقتك راح يضيع بين أنك تمرنيني فيه .. مع الوقت ألي تكونين فيه بالجمعيه .. وهذا يبي يأثر على دراستك ..

رولا : مو مهم .. الواجبات راح أخليك أنتي تحلينهن لي .. أما المذاكره .. راح أذاكر بالأوقات ألي أصير فيها فاضيه ..

غاده : بس أنا ما أبي أكون عقبه بحياتك .. أنتي ..

رولا : غاده ..

غاده : خلاص .. أمري لله ..

رولا : ألا قولي لي .. كم حفظتي من جزء بالقرآن ..

غاده : وصلت الجزء 15

رولا : حلوووو .. ما شاء الله عليك أسرع مني بالحفظ ..

غاده : وش عندي !! طول وقتي فاضيه ..

رولا : إن شاء الله مع التمارين وحل واجباتي ماراح يصير عندك فراغ

غاده : إن شاء الله .. أمممم فارس ما اتصل للحين ؟

رولا : لاء .. مع أني قايله له أول ما تنزل من الطياره اتصل ..

غاده : بصراحه ما توقعت أنه بيرجع بهالسرعه .. كنت اتمنى أنه يطول

رولا : حتى أنا .. بس تعرفين دراسه ..

غاده : الله يعينه .. ويوفقه ..

........................................ .............

في الليل .. دخل نواف بيتهم .. كان توه جاي من دوامه .. دخل غرفته وكان سعد نايم ..

( سعد طلع من المستشفى من يومين .. وصار نواف ينام عنده عشان إذا احتاج شي )

دخل نواف الغرفه وغير ملابسه .. ونام على سريره .. غمض عيونه .. بس انتبه على سعد ألي كان يتكلم وهو نايم

سعد : لاااااا..اتركوني .. اتركوني .. والله ما خبرت أحد .. صدقوني ..لاااااا

انتبه سعد من نومه .. وجلس وهو يتنفس بقوه ..

قرب منه نواف : سعد .. استعيذ بالله من الشيطان ..

سعد : أعوذ بالله من الشيطان الرجيم .. أعوذ بالله من الشيطان الرجيم

راح نواف ... وجاب معه ماء لسعد ..

أخذ سعد الماء وشرب منه شوي .. وجلس وهو يناظر الأرض ويفكر

أما نواف فرجع ينام على سريره .. ونام وهو يفكر بسعد .. ومستغرب منه


يـــــتــــــــــ>>ــــــــبـــــــع